១១ ខែឆ្នាំនេះ ពាណិជ្ជកម្មកម្ពុជា-វៀតណាម ក្នុងវិស័យកសិកម្មមានទំហំជាង ៧ ពាន់លានដុល្លារ
- ភ្នំពេញ
រាជធានីភ្នំពេញ ៖ ជញ្ជីងពាណិជ្ជកម្ម កម្ពុជា-វៀតណាម ក្នុងវិស័យកសិកម្ម រយៈពេល ១១ ខែ ឆ្នាំ ២០២១…
រាជធានីភ្នំពេញ ៖ ជញ្ជីងពាណិជ្ជកម្ម កម្ពុជា-វៀតណាម ក្នុងវិស័យកសិកម្ម រយៈពេល ១១ ខែ ឆ្នាំ ២០២១…
រាជធានីភ្នំពេញ ៖ ជញ្ជីងពាណិជ្ជកម្ម កម្ពុជា-វៀតណាម ក្នុងវិស័យកសិកម្ម រយៈពេល ១១ ខែ ឆ្នាំ ២០២១ នេះ វៀតណាម បាននាំចូលផលិតផលកសិកម្មមានចំនួន ៣,៧៣ ពាន់លានដុល្លារអាមេរិក ចំណែកវៀតណាមនាំចូលមកកម្ពុជាមានប្រមាណ ៣,៣២ ពាន់លានដុលលារអាមេរិក ។
តួលេខខាងលើបានបង្ហាញនៅក្នុងជំនួបពិភាក្សាគ្នារវាង លោក Le Quoc Doanh អនុរដ្ឋមន្ត្រីក្រសួងកសិកម្ម និងអភិវឌ្ឍន៍ជនបទ វៀតណាម និងលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ កម្ពុជាកាលពីថ្ងៃទី ២១ ធ្នូ ។ លោក វេង សាខុន ថា បច្ចុប្បន្ននេះមានក្រុមហ៊ុនឯកជនវៀតណាមជាច្រើនបាននិងកំពុងបោះទុនវិនិយោគទាំងការងារដាំដុះ កែច្នៃ និងវេចខ្ចប់ផលិតផលកសិកម្មនៅកម្ពុជាប្រកប់ដោយគុណភាព និងស្តង់ដារ ហើយប្រទេសវៀតណាមក៏ជាទីផ្សារដ៏ធំមួយសម្រាប់កម្ពុជានាំចេញកសិផល ដូចជាស្រូវ ដំឡូងមីស្រស់និងក្រៀម ពោត គ្រាប់ស្វាយចន្ទី ផ្លែស្វាយ ផ្លែចេក និងកៅស៊ូ ។
នៅក្នុងជំនួបរវាងក្រសួងជំនាញប្រទេសទាំងពីរខាងលើ បានលើកយកប្រធានបទសំខាន់ៗមកពិភាក្សា ក្នុងស្មារតីបង្កើនកិច្ចសហប្រតិបត្តិការឲ្យកាន់តែស៊ីជម្រៅបន្ថែមទៀតដូចជាបានពិភក្សាទៅលើឯកសារអនុស្សារណៈនៃការយោគយល់គ្នាទាក់ទងនឹងអនាម័យ និងភូតគាមអនាម័យ (SPS) លើផលិតផលកសិកម្ម ដើម្បីសម្រួលដល់ការនាំចេញ និងនាំចូលកសិផលរវាងប្រទេសទាំងពីរ ។
កិច្ចសហការលើអនុវិស័យព្រៃឈើ ពោលការគ្រប់គ្រង ទប់ស្កាត់ ការជួញដូរឈើ និងសត្វព្រៃឆ្លងដែនខុសច្បាប់ ។ ការងារគ្រប់គ្រងចរាចរសត្វ និងការទប់ស្គាត់ចរាចរសត្វខុសច្បាប់ ។ ការការពារ និងទប់ស្គាត់ជំងឺឆ្លងសត្វរវាងប្រទេសទាំងពីរ និងការអនុវត្តចត្តាឡីស័កសត្វតាមបន្ទាត់ព្រំដែននៃប្រទេសទាំងពីរ ។ ពង្រឹងកិច្ចសហប្រតិបត្តិការលើការទប់ស្កាត់បទល្មើសជលផលឆ្លងដែនសមុទ្រ។
ពង្រឹង និងពង្រីកកិច្ចសហការលើអនុវិស័យជលផលតាមរយៈគម្រោងជំនួយឧបត្ថម្ភរបស់វៀតណាមសម្រាប់អនុវត្តក្នុងឆ្នាំ ២០២២ ដោយផ្តល់ការងារបណ្តុះបណ្តាលបច្ចេកទេសវារីវប្បកម្ម និងអនុស្សារណៈនៃការយោគយល់គ្នាលើអនុវិស័យកៅស៊ូ ដើម្បីធានានិរន្តរភាពនៃអនុវិស័យនេះ ។ រួមគ្នាគ្រប់គ្រង និងទប់ស្គាត់ការនាំចេញខុសច្បាប់នៃឈើកៅស៊ូ និងជ័រកៅស៊ូដែលមិនទាន់កែច្នៃ ជាដើ ម ដើម្បីចុះហត្ថលេខានាពេលឆាប់ៗខាងមុខនេះ ៕
ចែករំលែកព័តមាននេះ