ADផ្ទាំងផ្សព្វផ្សាយពាណិជ្ជកម្ម

Picture

នាយករដ្ឋមន្ត្រីថា អ្នកមានលុយទិញឡាន២០ ឬ៥០ម៉ឺនដុល្លារ ត្រៀមលុយបង់ពន្ធផង

9 ខែ មុន
  • ភ្នំពេញ

រាជធានី​ភ្នំពេញ ៖ សម្តេច​តេ​ជោ ហ៊ុន សែន នាយក​រដ្ឋមន្ត្រី​កម្ពុជាបាន​ថ្លែង​ថា ​នៅ​កម្ពុជា មាន​អ្នក​ប្រើប្រាស់​ឡាន​ទំនើប​ថ្លៃ​ជា​ច្រើន ខណៈ​ចំណូល​ពន្ធគយ​ពី​រថយន្ត​រួម​ចំំ​ណែ​ក​ប្រមាណ ៣៣…

រាជធានី​ភ្នំពេញ ៖ សម្តេច​តេ​ជោ ហ៊ុន សែន នាយក​រដ្ឋមន្ត្រី​កម្ពុជាបាន​ថ្លែង​ថា ​នៅ​កម្ពុជា មាន​អ្នក​ប្រើប្រាស់​ឡាន​ទំនើប​ថ្លៃ​ជា​ច្រើន ខណៈ​ចំណូល​ពន្ធគយ​ពី​រថយន្ត​រួម​ចំំ​ណែ​ក​ប្រមាណ ៣៣ ភាគរយ​នៃ​ចំណូល​គយ​សរុប ។

Picture

ថ្លែង​នៅ​ពិធី​សម្ពោធ​ដាក់​ឱ្យ​ប្រើប្រាស់ អគារ​រដ្ឋបាល​អគ្គនាយកដ្ឋាន​គយ និង​រដ្ឋាករ​កម្ពុជា​ នាព្រឹកថ្ងៃ​ទី​២៣ ខែធ្នូ ឆ្នាំ​២០២១ សម្តេចបានផ្តល់មតិ ដល់ក្រសួងសេដ្ឋកិច្ចនិងហិរញ្ញវត្ថុ ក៏ដូចជាខាងគយ ដើម្បីឱ្យប្រសិទ្ធភាពការងារកាន់តែល្អនិងពង្រឹងខ្លួនកាន់តែខ្លាំងថែមទៀត ទាំងការងារប្រមូលចំណូលនិងការងារសម្រួលពាណិជ្ជកម្ម និងការអនុវត្តគោលនយោបាយនានារបស់រាជរដ្ឋាភិបាល ។

ជាមួយគ្នានោះ សម្តេចតេជោ បានផ្តល់អនុសាសន៍សំខាន់ៗជាច្រើន ក្នុងនោះអនុសាសន៍សំខាន់មួយ គឺ ត្រូវបន្តពង្រឹងប្រកបដោយប្រសិទ្ធភាព ទប់ស្កាត់បង្ការ និងបង្ក្រាប អំពើរត់គេចពន្ធ ដើម្បីរួមចំណែកបង្កើនចំណូលជូនរដ្ឋ ធានានូវការប្រកួតប្រជែង ដោយស្មើភាព សម្រាប់ធុរកិច្ច និងការលើកស្ទួយ អនុលោមភាព និងវប្បធម៌សារពើពន្ធនៅកម្ពុជា ។ ម៉្យាងទៀត ដើម្បីលុបបំបាត់ទាំងស្រុងនូវអំពើរត់គេចវេសពន្ធ គឺត្រូវពង្រឹងការអនុវត្តច្បាប់ លើកកម្ពស់ក្រមសីលធម៌វិជ្ជាជីវៈ និងកិច្ចសហការពីភាគីពាក់ព័ន្ធ រួមទាំងវិស័យឯកជនផងដែរ ។

សម្តេចនាយករដ្ឋមន្ត្រីបានបញ្ជាក់បន្ថែមថា ត្រូវខិតខំយ៉ាងម៉េចឱ្យប្រទេសរបស់យើង កុំឱ្យមានទំនិញគេចពន្ធ ជាពិសេសគឺរថយន្ត និងម៉ូតូ ។ ព្រោះពន្ធពីរថយន្តនិងម៉ូតូ គឺស្មើនឹង ៣៣ ភាគរយនៃចំណូលគយ ដូច្នេះរថយន្តត្រូវតែបង់ពន្ធ ។

«ឡានខ្លះលេងថ្លៃ ៥០ម៉ឺន (ដុល្លារ) ពួកយើងហ៊ានជិះណា ។ ឡានមួយ ៥០ម៉ឺន (ដុល្លារ) ឡានមួយ ២០ ម៉ឺន (ដុល្លារ) ឡានមួយ ១០ ម៉ឺន (ដុល្លារ) ហ៊ានជិះ អ៊ីចឹងគឺត្រូវតែបង់ពន្ធ ។ បើមានលុយទិញឡានហើយ សុំលៃលុយសម្រាប់បង់ពន្ធផង» ។ អ៊ីចឹងត្រូវខិតខំមើលចំណុចនេះ ។

Picture

សម្តេច​តេ​ជោ បាន​ប្រកាស​ថា រាជរដ្ឋាភិបាល​កម្ពុជា មិន​អនុញ្ញាត​ឲ្យ​ឡាន និង​ម៉ូតូ ដែល​មិន​បាន​បង់ពន្ធ​ធ្វើ​ចរាចរណ៍​លើ​ដងផ្លូវ​ជា​ដាច់ខាត ក្រោយ​ពេល​អស់​ឱសានវាទ​ ។

Picture

ទន្ទឹម​នឹង​នោះ សម្តេច​បាន​ថ្លែង​ថា គ្រប់​ស្ថាប័ន​ទាំងអស់ រួមសហការគ្នាដើម្បីប្រមូលចំណូល ព្រោះបើគ្មានកិច្ចសហការទេ គឺគយតែឯងធ្វើមិនបានទេ អ៊ីចឹងកម្លាំងនគរបាលយុត្តិធម៌ អាវុធហត្ថ និងកងទ័ព ក៏ត្រូវតែធ្វើដែរ រុញយ៉ាងណាត្រូវរកចំណូល និង ​ទប់ស្កាត់​និង​បង្ក្រាប​នូវ​ការ​គេចពន្ធ​នានា ព្រោះ​ចំណូល​ពន្ធ​សំខាន់​ណាស់ យក​មក​បើក​ប្រាក់ខែ​ជូន​មន្ត្រីរាជការ​គ្រប់​ថ្នាក់ ។

បន្ថែមពីលើនេះ​សម្តេចក៏បានបញ្ជាក់ថា សម្តេចសោកស្តាយដែលមិនបានឡើងប្រាក់ខែជូនមន្ត្រីរាជការ ក្នុងឆ្នាំ២០២១ និងឆ្នាំ២០២២​ខាងមុខ ដោយសារតែបញ្ហាកូវីដ-១៩ ក៏ប៉ុន្តែបើសិនជាចំណូលមានការកើនឡើង នោះគ្រោងនឹងតំឡើងប្រាក់ខែនាឆ្នាំ ២០២៣ ខាងមុខ ៕

Picture