ព្រះចៅរដ្ឋឌូបែនៃអេមីរ៉ាត់អារ៉ាប់រួម ទ្រង់MOHAMED BEN RACHED AL-MAKTOUM កាលពីថ្ងៃទី២១ធ្នូត្រូវបានតុលាការក្រុងឡុងដ៏កាត់ក្ដីឲ្យបង់ប្រាក់ ដល់ទៅជាង៦៤០លានអឹរ៉ូ ឲ្យអតីតមហេសី
ប្រទេសអេមីរ៉ាត់អារ៉ាប់រួម ៖ ព្រះចៅរដ្ឋឌូបែនៃអេមីរ៉ាត់អារ៉ាប់រួម ទ្រង់MOHAMED BEN RACHED AL-MAKTOUM កាលពីថ្ងៃទី២១ធ្នូត្រូវបានតុលាការក្រុងឡុងដ៏កាត់ក្ដីឲ្យបង់ប្រាក់ ដល់ទៅជាង៦៤០លានអឹរ៉ូ ឲ្យអតីតមហេសីនិងកូនៗ។
នេះជាទឹកប្រាក់ដ៏ច្រើនមហាសាលមួយដែលតុលាការអង់គ្លេសកាត់ក្ដី ក្នុងសំណុំរឿងលែងលះគ្នាមួយ។ ការកាត់ក្ដីនោះជាដំណាក់កាលចុងក្រោយ នៃការតទល់គ្នានៅតុលារទាក់ទិននឹងបណ្ដឹងពីការចាប់ពង្រត់ ការរត់គេចខ្លួនតាមនាវានិងការលូចព័ត៌មានវិទ្យា ក្នុងផ្ទៃគ្រួសាររាជវង្សនៃមហាក្សត្ររដ្ឋយុទ្ធសាស្ត្រនោះនៃតំបន់ឈូងសមុទ្រពែរ្ស៍។
មេដឹកនាំព្រះជន្ម៧២ព្រះវិស្សានោះ ជាប្រមុខរដ្ឋាភិបាលអេមីរ៉ាត់អារ៉ាប់រួម ត្រូវកាត់ឲ្យបង់ប្រាក់ដល់ទៅ២៥១,៥លានផោន ប្រមាណជា៣០០លានអឺរ៉ូ ដល់មហេសីទី៦ម្ចាស់ក្សត្រីHAYAនៃប្រទេសហ្ស៊កដានី ព្រះជន្ម៤៧ព្រះវស្សាដែលស្ថិតក្នុងស្ថានភាពរត់គេចខ្លួន នៅទីក្រុងឡុងដ៏កាលពីឆ្នាំ២០១៩ ដោយនាំបុត្រ២អង្គមកជាមួយ។
ទ្រង់ក៏នៅត្រូវបង់ប្រាក់សម្រាប់បុត្រទាំង២ AL JALILAព្រះជន្ម១៤ព្រះវស្សានិងZAYED ព្រះជន្ម៩ព្រះវស្សា ដែលអាចមានទឹកប្រាក់សរុប២៩០លានផោន ប្រមាណជាជាង៣៤០លានអឺរ៉ូ សម្រាប់ការចិញ្ចឹម រៀនសូត្រនិងការពារសន្តិសុខ។ នេះបើតាមសាលក្រមរបស់តុលាការកិច្ចការគ្រួសារចេញផ្សាយកាលពីថ្ងៃទី២១ធ្នូ។ ទឹកប្រាក់ទាំងនោះអាចមានការប្រែប្រួលយោងតាមកត្តាជាច្រើន ពិសេសប្រសិនបើ់បុត្រទាំង២រួបរួមជាមួយបិតា៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ