រាជធានីភ្នំពេញ ៖ ក្រុមអ្នកថែរក្សាសុខភាពភ្នែកកុមារ បានសម្តែងនូវក្តីបារម្ភចំពោះបញ្ហាភ្នែកមីញ៉ូបរបស់កុមារនៅកម្ពុជា ពិសេសនៅទីប្រជុំជនមានការកើនឡើងខ្ពស់ ដែលធ្វើឱ្យប៉ះពាល់ដល់ការសិក្សា និងការអភិវឌ្ឍរបស់កុមារ ។
រាជធានីភ្នំពេញ ៖ ក្រុមអ្នកថែរក្សាសុខភាពភ្នែកកុមារ បានសម្តែងនូវក្តីបារម្ភចំពោះបញ្ហាភ្នែកមីញ៉ូបរបស់កុមារនៅកម្ពុជា ពិសេសនៅទីប្រជុំជនមានការកើនឡើងខ្ពស់ ដែលធ្វើឱ្យប៉ះពាល់ដល់ការសិក្សា និងការអភិវឌ្ឍរបស់កុមារ ។
លោក គង់ នាត នាយកវិទ្យាស្ថានស្តារគំហើញប្រាយអ៊ិន ហូលឌិនប្រចាំកម្ពុជា បានលើកឡើងក្នុងកម្មវិធីសិក្ខាសាលាលើកទី៣២ ស្តីពីសុខភាពភ្នែកកុមារ ជូនសិស្សានុសិស្សនៃសាលារៀនអន្តរទ្វីបអាមេរិកាំង នៅថ្ងៃទី៣ ខែមិថុនាថា បច្ចុប្បន្នការប្រើប្រាស់គ្រឿងអេឡិចត្រូនិចដូចជា ទូរស័ព្ទទំនើប កុំព្យូទ័រ ការមើលទូរទស្សន៍ច្រើនហួសហេតុ បង្កឱ្យមានបញ្ហាភ្នែកមីញ៉ូបរបស់កុមារកើនខ្ពស់ ។
លោកបានបន្តថា យោងតាមការសិក្សាអំពីបញ្ហាកំហុសកំណុំរូបភាពលើកុមារ តាមសាលារៀននៅកម្ពុជាក្នុងឆ្នាំ២០១០ បង្ហាញថា អត្រាប្រេវ៉ាឡង់កុមារ ដែលមានបញ្ហាកំហុសកំណុំ មានប្រមាណជា១៣,៧ភាគរយចំពោះកុមារនៅតាមសាលាទីប្រជុំជន និងទីក្រុង និង២,៥ភាគរយចំពោះកុមារនៅតាមសាលាទីជនបទ ។ លោកបានបញ្ជាក់ថា បញ្ហាកំហុសកំណុំរូបភាព ហើយឈានទៅថយចុះនៃគំហើញរបស់កុមារនេះ ធ្វើឱ្យប៉ះពាល់ការសិក្សា និងបាត់បង់សិទ្ធិក្នុងការចូលរួមអភិវឌ្ឍន៍សង្គម ។
ចំណែកលោក ដោរ សីហា អនុប្រធានកម្មវិធីជាតិសុខភាពភែ្នកនៃក្រសួងសុខាភិបាល បានមានប្រសាសន៍ថា អត្រាមីញ៉ូបរបស់កុមារនៅតាមទីប្រជុំជន និងទីក្រុង នៅរយៈពេល១០ឆ្នាំទៅមុខទៀត នឹងអាចកើនឡើងខ្ពស់ ។
ចែករំលែកព័តមាននេះ