ឧបនាយករដ្ឋមន្ត្រីអង់គ្លេសលោក DOMINIC RAAB ថ្លែងនាថ្ងៃទី២០ធ្នូថា មនុស្ស១២នាក់ ដែលឆ្លងវីរុសកូវីដ-១៩បំប្លែងថ្មី អូមីក្រុងបានស្លា.ប់និង១០៤នាក់ទៀតបញ្ជូនទៅមន្ទីរពេទ្យនៅ
ប្រទេសអង់គ្លេស ៖ ឧបនាយករដ្ឋមន្ត្រីអង់គ្លេសលោក DOMINIC RAAB ថ្លែងនាថ្ងៃទី២០ធ្នូថា មនុស្ស១២នាក់ ដែលឆ្លងវីរុសកូវីដ-១៩បំប្លែងថ្មី អូមីក្រុងបានស្លា.ប់និង១០៤នាក់ទៀតបញ្ជូនទៅមន្ទីរពេទ្យនៅអង់គ្លេស ដែលកំពុងប្រឈមមុខនឹងរលកថ្មីនៃការឆ្លង នាំឲ្យមានការអំពាវនាវធ្វើការរិតត្បិតថ្មីៗក្នុងប្រទេស។
លោកDOMINIC RAAB ដែលក៏ជារដ្ឋមន្ត្រីក្រសួងយុត្តិធម៌ផងដែរ ថ្លែងតាមវិទ្យុTIMES RADIOថា ប្រសិនបើយើងពិនិត្យលើអូមីក្រុងហើយអ្វិដែលយើងដឹងគឹថា អូមីក្រុងកំពុងឆ្លងរាលដាលយ៉ាងលឿនបំផុត។ ប៉ុន្តែយើងនៅមិនទាន់ដឹងច្បាស់នាពេលនេះ ថាតើវានឹងមានភាពធ្ងន់ធ្ងរកម្រិតណា?។
អ្វីដែលយើងដឹងគឺថាបណ្ដាអ្នកដែលបានចាក់វ៉ាក់សាំងដូសបន្ថែម ហៅដូសទី៣ទទួលបានកិច្ចការពារខ្ព្ស់ដល់ជាង៧០%។ លោកបន្តថាដូច្នេះគេត្រូវជម្រុញយុទ្ធនាការ ចាក់វ៉ាក់សាំងដូសទី៣ដែលរដ្ឋាភិបាលបានសម្រេចកាលពី៨ថ្ងៃមុន។ ជិតពាក់កណ្ដាលនៃមនុស្សមានវ័យលើសពី១២ឆ្នាំ បានទទួលការចាក់ដូសបន្ថែមនៅអង់គ្លេស ដែលកំពុងរងការប៉ះពាល់ខ្លាំងបំផុតដោយការឆ្លងកូវីដ ជាមួយអ្នកឆ្លងថ្មីដល់ទៅ៨២.៨៨៦នាក់ រយៈពេល២៤ម៉ោងចុងក្រោយនៃថ្ងៃទី១៩ធ្នូ ពិសេសដោយឆ្លងអូមីក្រុង។
អង់គ្លេសជាប្រទេសមួយដែលរងការប៉ះពាល់ខ្លាំងបំផុតដោយការឆ្លងកូវីដនៅអឹរ៉ុប ជាមួយមនុស្សស្លាប់កើនដល់ជាង១៤៧.០០០នាក់ហើយ។
ពេលនេះកាន់តែច្បាស់ហើយ ដែលអូមីក្រុងជាវីរុសដែលឆ្លងខ្លាំងជាងវីរុសប្រភេទដែលតាទៅទៀត។ អូមីក្រុងក្លាយជាភ្នាក់ងារចម្លងខ្លាំងបំផុតនៅអឺរ៉ុប នាខែមករាឆ្នាំ២០២២។ អង់គ្លេសយល់ថាអូមីក្រុងឆ្លងលឿនជាងដែលតា រវាងពី៣,២ទៅ៣,៧ដងលើសដែលតា។ អូមីក្រុងពេលនេះតំណាងឲ្យភាគច្រើននៃអ្នកឆ្លងកូវីដក្នុងប្រទេសនេះចាប់ពីថ្ងៃទី១៦ធ្នូមក គឺត្រឹមតែ២៣ថ្ងៃក្រោយការប្រកាសរកឃើញវានៅអាហ្វ្រិកខាងត្បូង ។ ទោះបីយ៉ាងណាអ្នកឆ្លងអូមីក្រុងមានអាការៈស្រាលជាងដែលតា៕ ដកស្រង់ចេញវេបសាយ ៖ yahoo
ចែករំលែកព័តមាននេះ