ជនសង្ស័យម្នាក់ជួបរឿងអកុសលក្នុងបន្ទប់ឃុំខ្លួន ក្រោយឃុំបានប្រហែលកន្លះម៉ោង
- តាកែវ
បាតុភាពមួយបានកើតឡើងកាលពីថ្ងៃទី១៩ ខែធ្នូ ឆ្នាំ២០២១ កន្លងទៅ នៅអធិការដ្ឋាននគរបាលស្រុកទ្រាំង ដែលជនសង្ស័យម្នាក់
ខេត្តតាកែវ ៖ បាតុភាពមួយបានកើតឡើងកាលពីថ្ងៃទី១៩ ខែធ្នូ ឆ្នាំ២០២១ កន្លងទៅ នៅអធិការដ្ឋាននគរបាលស្រុកទ្រាំង ដែលជនសង្ស័យម្នាក់បានច.ង.កធ្វើអត្តឃា.ត និងបង្កឲ្យមានការភ្ញាក់ផ្អើលដល់ក្រុមគ្រួសារសាច់ញាតិ ។
លោក ប៉ិច វណ្ណា អធិការរងនគរបាលស្រុកទ្រាំង បានឲ្យដឹងថា ជនសង្ស័យបានដើរអុកឡុកឡើងទៅលើផ្ទះអ្នកដទៃ ដែលក្នុងដៃប្រដាប់ទៅដោយពូថៅ ។ នៅពេលកម្លាំងរបស់អធិការដ្ឋានទៅដល់ ជនសង្ស័យបានគំរា.មមកលើកម្លាំងសមត្ថកិច្ចមិនឱ្យចាប់ខ្លួនឡើយ ហើយសមត្ថកិច្ចនៅបន្តការឡោមព័ទ្ធតាំងពីយប់ រហូតដល់ម៉ោង៦និង៥០នាទីព្រឹក ទើបឃាត់ខ្លួនបាននិងនាំយកមកឃុំខ្លួនជាបណ្តោះអាសន្ននៅអធិការដ្ឋាន ។
ប្រភពដដែលឲ្យដឹងទៀតថា លុះឃុំខ្លួនបានប្រហែលជាងកន្លះម៉ោង ជនសង្ស័យបានយកក្រណាត់ខោមកចងតភ្ជាប់ជាមួយស្រោមខ្នើយមកច.ង.កធ្វើអត្តឃា.តនៅក្នុងបន្ទប់ឃុំខ្លួន និងបានដឹងនៅពេលលោកឲ្យមន្ត្រីក្រោមឱវាទទៅបើកបន្ទប់ឃុំខ្លួនដើម្បីសាកសួរបុរសនេះធ្វើកំណត់ហេតុ ។ ចំណែករូបលោកត្រឡប់ទៅស្រាវជ្រាវរកភ័ស្តុតាងនៅកន្លែងជនសង្ស័យបង្កហេតុ តែទៅមិនទាន់ដល់ផង ក៏ទទួលដំណឹងថាជនសង្ស័យបានស្លា.ប់ទៅហើយ ។
លោកអធិការរងបន្តថា ជនសង្ស័យហាក់មានសតិមិនសូវល្អទេពីមុនមក ។ នេះបើយោងតាមការបំភ្លឺរបស់សាច់ញាតិ ។ ជននេះឈ្មោះ ឈួយ រិន ភេទប្រុស អាយុ២៩ឆ្នាំ មានទីលំនៅក្នុងភូមិសូចាន់ សង្កាត់រកាក្រៅ ក្រុងដូនកែវ ។
បន្ទាប់ពីសមត្ថកិច្ចធ្វើកោសល្យវិច័យរួច ក៏បានប្រគល់ស.ពជូនក្រុមគ្រួសារសាច់ញាតិយកទៅធ្វើបុណ្យតាមប្រពៃណី ។ ប៉ុន្តែសាច់ញាតិនៃស.ពក៏ដូចជាអ្នកជិតខាង ហាក់ដូចជាមិនអស់ចិត្តចំពោះការស្លា.ប់របស់ជនសង្ស័យក្នុងបន្ទប់ឃុំខ្លួននេះនៅឡើយ ។
ទោះបីជាបែបណា ក្នុងបន្ទប់ឃុំខ្លួនមិនគួរឲ្យមានរបស់របរដែលអាចឱ្យជនជាប់ចោទ ឬជនសង្ស័យអាចសម្លា.ប់ខ្លួនបានបែបនេះទេ ដែលស្មើនឹងការបំបាត់ភ័ស្តុតាង ៕
ចែករំលែកព័តមាននេះ