លោកគីម ជុងអ៊ុន ហាមពលរដ្ឋមិនឲ្យសើច១១ថ្ងៃ ឬប្រារព្ធពិធីសប្បាយៗ
ដើម្បីប្រារព្ធខួបលើកទី១០ នៃថ្ងៃមរណភាព របស់បិតាលោកមេដឹកនាំកូរ៉េខាងជើង លោកគីម ជុងអ៊ុនបានស្នើដល់ពលរដ្ឋលោកកុំសើច១១ថ្ងៃ
ប្រទេសកូរ៉េខាងជើង ៖ ដើម្បីប្រារព្ធខួបលើកទី១០ នៃថ្ងៃមរណភាព របស់បិតាលោកមេដឹកនាំកូរ៉េខាងជើង លោកគីម ជុងអ៊ុនបានស្នើដល់ពលរដ្ឋលោកកុំសើច១១ថ្ងៃ។
ពលរដ្ឋកូរ៉េខាងជើងពុំមានសិទ្ធិសើចឡើយ ក្នុងរយៈពេល១១ថ្ងៃ។ លោកគីម ជុងអ៊ុន ហាមមិនឲ្យប្រើគ្រឿងសប្បាយទាំងឡាយ ដើម្បីគោរពដំណាក់កាលនៃការកាន់ទុក្ខ។ មេដឹកនាំអាស៊ីរូបនេះប្រារព្ធខួបលើកទី១០ នៃមរណភាពឪពុកលោក លោកគីម ជុងអ៊ីល ។ ក្នុងដំណាក់កាលនោះ ពលរដ្ឋកូរ៉េខាងជើង ត្រូវគោរពការហាមឃាត់ ម៉ឺងម៉ាត់ និងច្បាស់លាស់ជាច្រើន។ ពលរដ្ឋកូរ៉េខាងជើងនិយាយថា ក្នុងដំណាក់កាលនោះ យើងមិនត្រូវផឹកស្រា សើច ឬធ្វើសកម្មភាពសប្បាយនានា។
ក្នុងដំណាក់កាលកាន់មរណទុក្ខនោះ ពលរដ្ឋកូរ៉េខាងជើង ក៏ត្រូវផ្លាស់ប្ដូរទម្លាប់ធ្វើបុណ្យស.ពផងដែរ។ បើមានសមាជិកគ្រួសារណាមួយស្លា.ប់ក្នុងដំណាក់កាលនេះ មនុស្សម្នាពុំមានសិទ្ធិយំស្រែកខ្លាំងៗ ហើយស.ពត្រូវនាំយកចេញ ក្រោយដំណាក់់កាលកាន់ទុក្ខបញ្ចប់។ មនុសម្នាមិនអាចប្រារព្ធថ្ងៃកំណើតរបស់ខ្លួនអំឡុងពេលកាន់ទុក្ខ។
កាលពីថ្ងៃទី១៧ ខែធ្នូ លោកគីម ជុងអ៊ុន បានប្រារព្ធពិធីរំឭកខួបថ្ងៃមរណភាពបិតាលោក ក្នុងពិធីដ៏មហោឡារិកមួយ។ ដូចរៀងរាល់ឆ្នាំប្រទេសត្រូវផ្អាកសកម្មភាពនានាក្នុងពេលច្រើននាទី។ បណ្ដារថយន្ត រថភ្លើង និងនាវាត្រូវចុចស៊ីផ្លេរ ទង់ជាតិហូតពាក់កណ្ដាលដងក្នុងប្រទេស ហើយពលរដ្ឋលើកគ្នាទៅកាន់កូនភ្នំ MANSU ក្រុងព្យុងយ៉ាង ដើម្បីដាក់កម្រងផ្កានិងឱនគោរពនៅមុខរូបចម្លាក់ដ៏ធំរបស់លោកគីមជុងអ៊ីលនិងរូបចម្លាកធំរបស់បិតាលោកលោកគីមអ៊ីលស៊ុង៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ