ខេត្ដកំពត ៖ តាមសេចក្ដីរាយការណ៍ពី អគ្គីភ័យគួរឱ្យរន្ធត់មួយបានឱ្យដឹងថា ស្ដ្រីជាម្ដាយ និងកូនប្រុសបានស្លាប់ក្នុងអណ្ដាតភ្លើង នៅក្នុងស្រុកអង្គរជ័យមិនអាចជួយសង្គ្រោះ បាន ដោយសារតែជាប់សោទ្វារ ។ នេះជាការ ឆាបឆេះតូបលក់ប្រេងសាំងមួយកន្លែងនៅ មុខផ្សារស្រុកអង្គរជ័យ បណ្ដាលឱ្យម្ចាស់តូប បាត់បង់ជីវិត ។ ឧប្បត្ដិហេតុនេះបានកើតឡើងនៅវេលា ម៉ោង១០យប់ ថ្ងៃទី១៩ មិថុនា ដែលតាម សាក្សីមានលំនៅឋាននៅជិតកន្លែងដែលមាន ភ្លើងឆាបឆេះបាននិយាយឱ្យដឹងថា នៅពេល ដែលគ្រប់គ្នាដឹងនោះ គឺអណ្ដាតភ្លើងឆាបឆេះ សន្ធោសន្ធៅរួចទៅហើយ និងបានឮសូរ សំលេងស្ដ្រីរងគ្រោះឆោឡោស្រែកហៅឱ្យ អ្នកជិតខាងជួយជីវិតកូនប្រុស និងរូបគាត់ពី ក្នុងតូប ព្រោះតែជាប់សោចេញមិនរួច ។អ្នកភូមិនិយាយថា មិនអាចចូលជួយបានទេ ដោយសារសោចាក់ពីក្នុង ហើយភ្លើងឆាប ឆេះពេញអំណាចមិនអាចចូលជិតបាន គឺបានត្រឹមតែឱ្យគាត់លូនចូលក្រោមគ្រែគេចពី អណ្ដាតភ្លើងប៉ុណ្ណោះ។
ទោះជាយ៉ាងណាក្ដី ព្រះអគ្គីពិតជាមិនប្រណីដល់អាយុជីវិតម្ដាយ និងកូនទេ គឺឆេះស្លាប់យ៉ាងខ្លោចផ្សាបំផុត។ លោកប៉ង់ សឿន នាយនគរបាលប៉ុស្ដិ៍ឃុំ ភ្នំកុងបានប្រាប់កោះសន្ដិភាពកាលពីថ្ងៃ អាទិត្យ ទី២០ មិថុនា ថា ជនរងគ្រោះដែល ត្រូវភ្លើងឆេះស្លាប់បាត់បង់ជីវិតនេះម្ដាយ ឈ្មោះតី ចាន់នី អាយុ៤៦ឆ្នាំ និងកូនប្រុស ឈ្មោះគុម បូរី អាយុ១៥ឆ្នាំ ។ លោកមេប៉ុស្ដិ៍ បន្ដថា ពេលនេះសមត្ថកិច្ចកំពុងសាកសួររក មូលហេតុនៃការបង្កអគ្គីភ័យនេះ ប៉ុន្ដែគេ សង្ស័យភាគច្រើនគឺមកពីជនរងគ្រោះដុតធូប ព្រោះចំថ្ងៃ៨កើតជាថ្ងៃសីល។ លោកពាង ពៅ មេបញ្ជាការកងរាជ អាវុធហត្ថស្រុកអង្គរជ័យបានមានប្រសាសន៍ថា គួរឱ្យសង្វេគខ្លាំងណាស់ដែលម្ដាយ និង កូនស្លាប់ក្នុងអណ្ដាតភ្លើងដោយគ្មានអ្នកណាម្នាក់ជួយសង្គ្រោះបាន ព្រោះពេលភ្លើងឆេះ តូបនោះគេបានឮសំលេងផ្ទុះកំប៉ុងហ្គាស និង ដបដាក់ប្រេងសាំង និងធុងសាំងដែលផ្ទុក ប្រេងអាចនឹងផ្ទុះ ហើយម្យ៉ាងទៀតគេខ្លាច មានគ្រាប់កាំភ្លើង ព្រោះប្ដីរបស់ស្ដ្រីរងគ្រោះ ជានគរបាលចរាចរ ។
យប់កើតហេតុប្ដីគាត់បានទៅមើលបាល់ទាត់តាមទូរទស្សន៍នៅ ក្រៅផ្ទះឯរោងបញ្ចាំងវីដេអូមួយកន្លែង។ លុះពេលភ្លើងឆេះពេញអំណាចទើបដំណឹងបាន ទៅដល់ប្ដី។លោកមេបញ្ជាការមានប្រសាសន៍ថា សព ម្ដាយ និងកូនត្រូវបានគេដឹកទៅកាន់ស្រុក កំណើតនៅភូមិអង្គគគីរ ឃុំអង្គតាសោម ស្រុកត្រាំកក់ ខេត្ដតាកែវ ធ្វើបុណ្យតាមប្រពៃណី។ តាមប្រភពព័ត៌មានបានឱ្យដឹងថា កូនដែលស្លាប់ជាមួយម្ដាយនេះ គឺរស់នៅឯ ស្រុកកំណើតឯណោះទេ តែគេទៅលេងនឹង ម្ដាយដូចទៅស្លាប់យ៉ាងអាណោចអាធ័មបែបនេះ ។ នេះជាមេរៀនមួយសំរាប់ប្រជាពល រដ្ឋខ្លះដែលកំពុងប្រកបមុខរបរលក់សាំង លក់ ហ្គាស គួររកវិធីទុកដាក់ឱ្យមានបច្ចេកទេស ត្រឹមត្រូវផង ព្រោះទំនិញទាំងនេះងាយនឹង បង្កមហន្ដរាយកំរិតខ្ពស់ណាស់ ៕
ចែករំលែកព័តមាននេះ