កាសែតញូវយ៉កថែម បានចេញផ្សាយកាលពីថ្ងៃទី១៨ ខែធ្នូ ឆ្នាំ២០២១ នូវអត្ថបទស៊ើបអង្កេតមួយ លើការវាយប្រហារ ដោយបណ្ដាយន្តហោះគ្មានមនុស្សបើ់ក ហៅដ្រូនអាមេរិក ចាប់តាំងពី
សហរដ្ឋអាមេរិក ៖ កាសែតញូវយ៉កថែម បានចេញផ្សាយកាលពីថ្ងៃទី១៨ ខែធ្នូ ឆ្នាំ២០២១ នូវអត្ថបទស៊ើបអង្កេតមួយ លើការវាយប្រហារ ដោយបណ្ដាយន្តហោះគ្មានមនុស្សបើ់ក ហៅដ្រូនអាមេរិក ចាប់តាំងពីឆ្នាំ២០១៤មក ក្នុងសង្គ្រាមប្រឆាំងពួកជីហាដ នៅអាហ្វហ្គានីស្ថាន អ៊ីរ៉ាក់ និងស៊ីរី។ ការវាយប្រហារទាំងនេះ ដោយសារការយកការណ៍ខុសរបស់ផ្នែកស៊ើបការណ៍យោធាអាមេរិក បណ្ដាលឲ្យមានការខូចខាតដ៏មហាសាល និងជនស៊ីវិលស្លា.ប់ជាច្រើនពាន់នាក់។
ផ្អែកលើរបាយការណ៍១.៣០០របស់មន្ទីរប៉ង់តាហ្គោន ពីបណ្ដាឧប្បត្តិហេតុដែលនាំឲ្យមានជនរងគ្រោះស៊ីវិល ដែលកាសែតនោះទទួលបាន ក្នុងក្របខណ្ឌនៃច្បាប់ស្ដីពីតម្លាភាព ក្នុងបណ្ដារដ្ឋបាលបង្ហាញថា រូបភាពនៃសង្គ្រាមដែលអាមេរិកហៅថា សង្គ្រាមស្អាត តាមរយៈការវាយប្រហារចំគោលដៅច្បាស់ ដែលកងទ័ពអាមេរិកតែងអះអាង តែតាមពិតវាមិនដូច្នេះឡើយ។
កាសែតនេះបន្តថា សង្គ្រាមតាមអាកាសរបស់អាមេរិក កំណត់ពីការឲ្យការណ៍ខុស របស់ផ្នែកស៊ើបការណ៍យោធា និងការបាញ់មីស៊ីល ដោយប្រញាប់ប្រញាល់ និងមិនច្បាស់គោលដៅ បណ្ដាលឲ្យជនស៊ីវិលស្លា.ប់ជាច្រើនពាន់នាក់ ក្នុងនោះមានកុមារជាច្រើននាក់ផងដែរ។ ហើយពុំមានរបាយណ៍ណាមួយនិយាយពីការខុសឆ្គង ឬទណ្ឌក.ម្មខាងវិន័យ ត្រូវបានអនុវត្តចំពោះបណ្ដាអ្នកទទួលខុសត្រូវឡើយ។
រយៈពេល៥ឆ្នាំ កងទ័ពអាមេរិកបានធ្វើការវាយប្រហារតាមអាកាសដល់ជាង៥០.០០០លើកនៅអាហ្វហ្គានីស្ថាន ស៊ីរិ និងអ៊ីរ៉ាក់។ កងទ័ពនោះ ទទួលស្គាល់ពីការវាយប្រហារច្រឡំសម្លា.ប់ជនស៊ីវិល១៤១៧នាក់ នៅស៊ីរី និងអ៊ីរ៉ាក់ ចាប់ពីឆ្នាំ២០១៤មក។ នៅអាហ្វហ្គានីស្ថាន តួលេខផ្លូវការ បាននិយាយពីការសម្លា.ប់ជនស៊ីវិល១៨៨នាក់ ចាប់តាំងពីឆ្នាំ២០១៨មក៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ