ព្យុះទីហ្វុងដ៏ខ្លាំងបំផុតឈ្មោះ RAI ដែលវាយប្រហារហ្វ៊ីលីពីននាចុងឆ្នាំនេះ តាមតុល្យការបណ្ដោះអាសន្នថ្មីប្រកាសនាថ្ងៃទី១៩ ខែធ្នូ ឆ្នាំ២០២១ នេះថា ចំនួនអ្នកស្លា.ប់ឡើងដល់យ៉ាងតិច៧៥នាក់់ បន្ទាប់ពី
ប្រទេសហ្វ៊ីលីពីន ៖ ព្យុះទីហ្វុងដ៏ខ្លាំងបំផុតឈ្មោះ RAI ដែលវាយប្រហារហ្វ៊ីលីពីននាចុងឆ្នាំនេះ តាមតុល្យការបណ្ដោះអាសន្នថ្មីប្រកាសនាថ្ងៃទី១៩ ខែធ្នូ ឆ្នាំ២០២១ នេះថា ចំនួនអ្នកស្លា.ប់ឡើងដល់យ៉ាងតិច៧៥នាក់់ បន្ទាប់ពីអភិបាលខេត្តកោះ BOHOL អះអាងពីមនុស្សស្លា.ប់៤៩នាក់ ក្នុងខេត្តនេះ ចំណែកមនុស្សជាច្រើនសិបនាក់ទៀតបានបាត់ខ្លួន ព្រមទាំងបង្កការបំផ្លិចបំផ្លាញធ្ងន់ធ្ងរបំផុតក្នុងប្រទេសនេះ។
ព្យុះទីហ្វុង RAI ត្រូវបានចាត់ទុកថាជាព្យុះខ្លាំងបំផុតមួយពេលវាយប្រហារ ពីថ្ងៃទី១៦ ខែធ្នូ មកលើកោះទេសចរណ៍ SIARGAO អមដោយខ្យល់មានល្បឿនដល់១៩៥គីឡូម៉ែត្រក្នុង១ម៉ោង។ មនុស្សជាង៣០០.០០០នាក់ត្រូវភៀសខ្លួនចេញពីលំនៅឋាន ចាប់តាំងពីថ្ងៃទី១៦ ខែធ្នូមក ដោយសារព្យុះទីហ្វុងនេះ ដែលវាយប្រហារភាគខាងត្បូង និងភាគកណ្ដាលប្រទេស។ នេះបើតាមទីភ្នាក់ងារគ្រប់គ្រងគ្រោះមហន្តរាយធម្មជាតិហ្វ៊ីលីពីន។ ព្យុះនេះនាចុងរសៀលថ្ងៃទី១៧ ខែធ្នូ បានវាយប្រហារលើភាគខាងជើងកោះ PALAWAN ជាកោះទេសចរណ៍ពេញនិយម ជាមួយខ្យល់បោកបក់ដល់ល្បឿន១៥៥គីឡូម៉ែត្រក្នុង១ម៉ោង មុនពេលបោកបក់ឆ្ពោះទៅសមុទ្រចិនខាងត្បូង សំដៅទៅវៀតណាម។
បណ្ដារូបថតពីលើអាកាសថត ដោយកងទ័ពបង្ហាញទំហំនៃការខូចខាតដ៏មហាសាល ក្នុងទីក្រុង GENERAL LUNA ជាកន្លែងដែលមនុស្សម្នាលើកគ្នាទៅ មុនបុណ្យណូអែលដោយអគារនានាត្រូវប៉ើងដំបូល និងបំណែករាយប៉ាយនៅលើដី។ ចំណែកនៅកោះDINAGAT ជិតខាងក៏រងការបំផ្លាញធ្ងន់ធ្ងរដោយសារព្យុះនេះដែរ ដោយផ្ទះទាំងឡាយ បណ្ដានាវានិងចម្ការរងការបំផ្លាញ។ នេះជាព្យុះដ៏ខ្លាំងបំផុតមួយ ក្នុងចំណោមព្យុះខ្លាំងៗ ដែលវាយប្រហារលើហ្វ៊ីលីពិនក្នុងខែធ្នូ អំឡុងទសវត្សចុងក្រោយនេះ។ កងទាហានប៉ូលិស កងឆ្មាំឆ្នេរសមុទ្រនិងអ្នកពន្លត់ភ្លើងដល់ជាង ១៨.០០០នាក់បានចូលរួមក្នុងការខិតខំប្រឹងប្រែងរុករក និងជួយសង្គ្រោះ ក្នុងតំបន់ទាំងឡាយរងការប៉ះពាល់។
តុល្យការបើតាមអ្នកទទួលខុសត្រូវខាងគ្រោះមហន្តរាយខេត្ត NEGROS OCCIDENTAL ភាគកណ្ដាលហ្វ៊ីលីពីនថា តុល្យការពិតជាធ្ងន់ធ្ងរ ដោយក្នុងខេត្តនេះមនុស្សយ៉ាងតិច១៣នាក់ស្លា.ប់ ភាគច្រើនដោយលង់ទឹក ហើយមនុស្ស៥០នាក់បាត់ខ្លួន ក្នុងតំបន់មួយដែលមានទឹកជំនន់។
ព្យុះ RAI ជាព្យុះមួយមានការយឺតយ៉ាវក្នុងការបោកបក់ក្នុងរដូវព្យុះ។ ព្យុះភាគច្រើនក្នុងមហាសមុទ្រប៉ាស៊ីហ្វិក តែងករកើតរវាងខែកក្កដា និងខែតុលា។ ចាប់តាំងពីយូរមកហើយបណ្ដាអ្នកវិទ្យាសាស្ត្រព្យាករថា បណ្ដាព្យុះក្លាយកាន់តែខ្លាំងទៅៗ ខណៈមានការកើនកម្ដៅផែនដី៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ