ប្រធានាធិបតីអាមេរិកលោកចូបៃដិនកាលពីថ្ងៃទី១៦ ខែធ្នូ ឆ្នាំ២០២១ បានព្យាករណ៍ ពីរដូវរងានៃជំងឺធ្ងន់ និងមានការស្លា.ប់ច្រើន ចំពោះបណ្ដាអ្នកដែលមិនព្រមចាក់វ៉ាក់សាំង ដែលនោះជាការ
សហរដ្ឋអាមេរិក-អង់គ្លេស៖ ប្រធានាធិបតីអាមេរិកលោកចូបៃដិនកាលពីថ្ងៃទី១៦ ខែធ្នូ ឆ្នាំ២០២១ បានព្យាករណ៍ ពីរដូវរងានៃជំងឺធ្ងន់ និងមានការស្លា.ប់ច្រើន ចំពោះបណ្ដាអ្នកដែលមិនព្រមចាក់វ៉ាក់សាំង ដែលនោះជាការវិលក្បុងនៅសហរដ្ឋអាមេរិក ប្រឈមមុខនឹងការឆ្លងរាលដាលកាន់តែខ្លាំងនៃវីរុសបំប្លែងថ្មី «អូមីក្រុង»។
ប្រធានាធិបតីអាមេរិកព្រមានថា «អូមីក្រុង» ឆ្លងខ្លាំងបំផុត ហើយកំពុងឆ្លងយ៉ាងលឿន។ ថ្ងៃទី១ ខែធ្នូ ចំនួនអ្នកឆ្លងថ្មីនៅអាមេរិកមានដល់៨៦.០០០នាក់គិតជាមធ្យម ហើយថ្ងៃទី១៤ ខែធ្នូ ចំនួនអ្នកឆ្លងថ្មីគិតជាមធ្យមមាន១១៧.០០០នាក់ ដែលមានការកើនឡើង៣៥% ក្នុងពេល២សប្ដាហ៍។
លោកបៃដិន ថ្លែងថា កិច្ចការពារពិតប្រាកដ គឺការចាក់វ៉ាក់សាំង ដោយលោកព្យាករណ៍ពីរដូវរងានៃជំងឺធ្ងន់់និងស្លា.ប់ សម្រាប់បណ្ដាមនុស្សដែលមិនចាក់វ៉ាក់សាំង។ បណ្ដាសាកលវិទ្យាល័យអាមេរិក ចាប់ផ្ដើមវិញការសិក្សា និងការប្រឡងតាមអនឡាញ ចៀសវាងការឆ្លងក្នុងបរិវេណសាលា។ ក្រុមបាល់ទាត់អាមេរិក បានបង្កើនវិធានការសុខាភិបាល ក្រោយពីកំណត់ឃើញអ្នកឆ្លងកូវីដ១០០នាក់ ក្នុងចំណោមកីឡាករបាល់ទាត់តាំងពីដើមសប្ដាហ៍នេះមក។ កីឡាករបាល់បោះជាច្រើននាក់ក៏ឆ្លងកូវីដ ដោយការប្រកួត២នៅស៊ីកាហ្គោត្រូវបានពន្យារពេល។
លោកចូបៃដិន ដែលកាលពីប៉ុន្មានសប្ដាហ៍មុនស្នើកុំជ្រួលច្របល់ ប្រឈមមុខនឹងអូមីក្រុង តែនាថ្ងៃទី១៦ ខែធ្នូ បានស្នើជួបបណ្ដាអ្នកកាសែត ក្នុងកិច្ចប្រជុំមួយ ផ្ដោតលើការឆ្លងរាលដាលនៃកូវីដ ដោយស្នើអ្នកកាសែតជួយបញ្ចូនសារដោយផ្ទាល់ចំពោះពលរដ្ឋអាមេរិក។
ចំណែកនៅប្រទេសអង់គ្លេសវិញ ២៤ម៉ោងចុងក្រោយនេះ មានអ្នកឆ្លងកូវីដដល់កម្រិតកំពូលជាង៨៨.០០០នាក់។ ២ថ្ងៃជាប់គ្នាដែលអង់គ្លេស ប្រឈមមុខនឹងការកើនខ្ពស់ នៃចំនួនអ្នកឆ្លង ទាក់ទិននឹងអូមីក្រុង។ នាថ្ងៃទី១៦ ខែធ្នូ ចំនួនអ្នកឆ្លងមានដល់៨៨.៣៧៦នាក់។ ជាមួយចំនួនអ្នកស្លា.ប់កើនដល់១៤៦.៩៣៧នាក់ ក្នុងនោះស្លា.ប់១៤៦នាក់២៤ម៉ោងចុងក្រោយនេះ អង់គ្លេសជាប្រទេសមួយ ក្នុងចំណោមប្រទេសដែលរងប៉ះពាល់ខ្លាំងនៅអឺរ៉ុបដោយសារកូវីដ។ ហើយនាថ្ងៃទី១៥ ខែធ្នូ អាជ្ញាធរកត់សម្គាល់ឃើញអ្នកឆ្លងថ្មីជាង៧៨.០០០នាក់៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ