រាជធានីភ្នំពេញ ៖ ការវិនិយោគរបស់ក្រុមហ៊ុនជប៉ុនមួយនៅក្នុងការដាំបន្លែសុវត្ថិភាព បានឱ្យផលហើយ និងផ្តើមលក់ឱ្យពលរដ្ឋក្នុងស្រុកនៅក្នុងជំហានដំបូង ។ ក្រុមហ៊ុន YAMOTO GREEN បានចាប់ផ្តើមបើកលក់នៅបន្លែសុវត្ថិភាពនៅថ្ងៃទី…
រាជធានីភ្នំពេញ ៖ ការវិនិយោគរបស់ក្រុមហ៊ុនជប៉ុនមួយនៅក្នុងការដាំបន្លែសុវត្ថិភាព បានឱ្យផលហើយ និងផ្តើមលក់ឱ្យពលរដ្ឋក្នុងស្រុកនៅក្នុងជំហានដំបូង ។ ក្រុមហ៊ុន YAMOTO GREEN បានចាប់ផ្តើមបើកលក់នៅបន្លែសុវត្ថិភាពនៅថ្ងៃទី ១៦ ធ្នូ ឆ្នាំ ២០២១ នេះបន្ទាប់ពីមានការជំរុញ និងលើកទឹកចិត្តពីក្រសួងកសិកម្ម រុក្ខាប្រមាញ់ និងនេសាទ ។
មន្ត្រីបញ្ជាក់ថា នេះជាសញ្ញានៃការបង្ហាញអំពីវឌ្ឍនៈភាពនៃការខិតខំប្រឹងប្រែងកៀរគរ ជំរុញ លើកទឹកចិត្តរបស់ក្រសួងកសិកម្ម បន្ទាប់មានអនុស្សារណៈយោគយល់គ្នារវាងក្រសួង និងក្រុមហ៊ុន YAMOTO GREEN កាលពីថ្ងៃទី ១៥ ខែកក្ដដា ឆ្នាំ ២០២០ ក្នុងការអភិវឌ្ឍន៍ផលិតកម្មបន្លែសុវត្ថិភាព សម្រាប់ទីផ្សារក្នុងស្រុក និងការនាំចេញ ។
លោក ណុប នុន ប្រធានក្រុមប្រឹក្សាភិបាលសហគមន៍កសិកម្មតាសី សាមគ្គីបានសង្កេតឃើញថា ការផ្គត់ផ្គង់បន្លែសុវត្ថិភាពនៅក្នុងទីផ្សារក្នុងស្រុកសព្វថ្ងៃនេះ មានការខ្វះខាតច្រើន ដូច្នេះសហគមន៍ ឬក្រុមផលិតត្រូវការពង្រីក និងពង្រឹងសមត្ថភាពបន្ថែមទៀត ដោយសារប្រជាជនសព្វថ្ងៃនេះមានការយល់ដឹងពីការបរិភោគបន្ថែសុវត្ថិភាព និងអាហារសុវត្ថិភាពនេះ ។
លោកលើកឡើងថា បើយើងធ្វើការប្រៀបធៀបតម្រូវការបន្លែសុវត្ថិភាពនៅក្នុងស្រុកពីមួយឆ្នាំទៅមួយឆ្នាំ គឺមានការកើនឡើងក្នុងចន្លោះពី ២០% ទៅ ៣០% ដែលកន្លងមកប្រជាពលរដ្ឋនៅតាមតំបន់ក្នុងប្រទេសកម្ពុជាមិនសូវជាមានការគាំំទ្រប៉ុន្មាននោះទេ ប៉ុន្តែចូលមកដល់ ២ ឆ្នាំកន្លងមកនេះ យើងសង្កេតឃើញថា ប្រជាពលរដ្ឋដែលមានជីវភាពមធ្យម និងខ្ពស់គឺពួកគាត់ចាប់ផ្តើមបង្វែការបរិភោគមករកបន្លែសុវត្ថិភាព និងអាហារសុវត្ថិភាពដែលមានការបញ្ជាក់គុណភាពត្រឹមត្រូវ ។ សហគមន៍កសិកម្មតាសី អាចនាំបន្លែមកកាន់ក្រុងភ្នំពេញក្នុងមួយថ្ងៃពី ២ ទៅ ៣ តោន ។
ពាក់ព័ន្ធការផ្គត់ផ្គង់ និងការផលិតបន្លែនៅក្នុងស្រុក បើតាមលោក ហ៊ាន វណ្ណហន រដ្ឋលេខាធិការក្រសួងកសិកម្ម រុក្ខាប្រមាញ់និងនេសាទឱ្យដឹងថា លទ្ធភាពផលិត និងផ្គត់ផ្គង់បន្លែក្នុងស្រុកប្រចាំឆ្នាំ ២០២០ បានប្រមាណ ៧១៦ ១១៣ តោន ស្មើនឹងជារួម ៦៨% នៃតម្រូវការក្នុងស្រុក (ដែលក្នុងរដូវវស្សាអាចផ្គត់ផ្គង់បាន ៥៩% ក្នុងរដូវប្រាំងអាចផ្គត់ផ្គង់បាន ៦៩% និងនៅក្នុងរដូវរំហើយអាចផ្គត់ផ្គង់បាន ៧៥% នៃតម្រូវការក្នុងស្រុក) ៕
ចែករំលែកព័តមាននេះ