ប្រចណ្ឌប្រពន្ធខ្លាំងពេក ដាច់ចិត្តចង.កសម្លា.ប់ខ្លួន
រាជធានីភ្នំពេញ ៖ នៅវេលាម៉ោង៨និង៤០នាទី យប់ថ្ងៃទី៣០ ខែឧសភានេះ ស្ថិតក្នុងបុរី ប៊ុន ហួរ ភូមិព្រៃព្រីងខាងជើង សង្កាត់ចោមចៅ ខណ្ឌពោធិសែនជ័យ
រាជធានីភ្នំពេញ ៖ នៅវេលាម៉ោង៨និង៤០នាទី យប់ថ្ងៃទី៣០ ខែឧសភានេះ ស្ថិតក្នុងបុរី ប៊ុន ហួរ ភូមិព្រៃព្រីងខាងជើង សង្កាត់ចោមចៅ ខណ្ឌពោធិសែនជ័យ មានបុរសម្នាក់បម្រុងនឹងចងកសម្លាប់ខ្លួន នៅលើដើមពោធិ តែមិនបានសម្រេច ។ ប្រភពព័ត៌មានពីកន្លែងកើតហេតុបានឲ្យដឹងថា បុរសដែលបម្រុងនឹងចងកសម្លាប់ខ្លួននៅលើដើមពោធិឈ្មោះ ជ័យ វ៉ាន់ឌី អាយុ៤៥ឆ្នាំ មុខរបរលក់នំបុ័ងសាច់ ចំណែកឯប្រពន្ធឈ្មោះ រស់ សុភា អាយុ២៧ឆ្នាំ មានកូន២នាក់ ប្រុសម្នាក់ ស្រីម្នាក់ ។
តាមសម្ដីស្ត្រីជាភរិយា បានប្រាប់ថា មុនពេលកើតហេតុ បុរសជាប្តីបានផឹកស៊ីស្រវឹង ហើយរករឿងឈ្លោះជាមួយគាត់ថែមទៀត ជានិច្ចកាលនៅពេលផឹកស៊ីម្ដងៗ តែងតែស្រវឹងហើយរករឿងឈ្លោះជាមួយប្រពន្ធ ដោយចោទថាប្រពន្ធមានប្រុស មានឈ្មោល រអ៊ូរទាំ ឡូឡាមិនចេះចប់ មិនចេះហើយ ។ តែបើតាមសម្ដីរបស់អ្នកភូមិ រស់នៅជិតនោះបានប្រាប់ថា ពួកគាត់ធ្លាប់ឃើញនារីជាប្រពន្ធ និយាយស្តីជាមួយប្រុសផ្សេងបែបស្និទ្ធស្នាលដែរ តែមិនដឹងស៊ីជម្រៅទេ ។ ហើយបុរសជាប្ដីឃើញទង្វើប្រពន្ធបែបនេះ តែងតែខឹងសម្បា និងរករឿងឈ្លោះជាមួយប្រពន្ធ ។ ស្រាប់តែនៅថ្ងៃកើតហេតុនេះ មិនដឹងជាយ៉ាងម៉េច បុរសជាប្ដីបានរត់ឡើងដើមពោធិដើម្បីចងក តែត្រូវអ្នកក្បែរខាងឃើញក៏ជួយអន្តរាគមន៍ភ្លាមៗ ហើយប្រពន្ធ និងកូនក៏បានលួងលោមឲ្យត្រឡប់ទៅផ្ទះវិញ ៕
ចែករំលែកព័តមាននេះ