ពួកអ្នកវិភាគថា លោកគីម ជុងអ៊ុន ជាមេដឹកនាំដ៏ឆ្លាតម្នាក់លើពិភពលោក
យោងតាមពួកអ្នកវិភាគថា ក្លាយជាមេដឹកនាំកូរ៉េខាងជើងចាប់តាំងពី១០ឆ្នាំមកហើយ លោកគីម ជុងអ៊ុន ពេលនេះកា្លយជាមេដឹកនាំមានបទពិសោធន៍មួយរូប ក្នុងចំណោម
ប្រទេសកូរ៉េខាងជើង ៖ យោងតាមពួកអ្នកវិភាគថា ក្លាយជាមេដឹកនាំកូរ៉េខាងជើងចាប់តាំងពី១០ឆ្នាំមកហើយ លោកគីម ជុងអ៊ុន ពេលនេះកា្លយជាមេដឹកនាំមានបទពិសោធន៍មួយរូប ក្នុងចំណោមមេដឹកនាំមានបទពិសោធន៍បំផុតទាំងឡាយនៃពិភពលោក ដោយលោកនឹងអាចនៅផ្គើន ពួកមហាអំណាចលោកខាងលិចច្រើនទសវត្សទៀត។
ផ្ទុយពីមេដឹកនាំជាច្រើនលោកគីម ជុងអ៊ុន គ្មានព្រួយបារម្ភ ចំពោះការបោះឆ្នោតឬក៏ការកម្រិតអាណត្តិឡើយ។ លោកបានឡើងកាន់អំណាចតាំងពីអាយុទើប៣៧ឆ្នាំ រួចអាចស្ថិតក្នុងតំណែង រយៈពេលច្រើនសិបឆ្នាំទៀត ប្រសិនបើសុខភាពរបស់លោកពុំមានបញ្ហា។
តាមពួកអ្នកជំនាញការថា ជាប្រមុខដឹកនាំប្រទេស១០ឆ្នាំមកនេះ ក៏ទោះបីគេដាក់ប្រទេសលោកឲ្យនៅឯកោ ក៏កូរ៉េខាងជើងបន្តអភិវឌ្ឍបច្ចេកវិទ្យានុយក្លេអ៊ែរ ហើយនៅតែត្រូវបានគេអញ្ជើញចូលក្នុងឆាកការទូតអន្តរជាតិស្មើមុខមាត់ជាមួយមេដឹកនាំមហាអំណាចខ្លាំងជាងគេនៃពិភពលោក។ លោកនៅរក្សារបបនយោបាយលោកឲ្យនៅរស់ ជាមួយអាវុធរបស់ខ្លួន។ នេះជាការអះអាងរបស់លោក SOO KIM អ្នកវិភាគនៅ RAND CORPORATION ។
ដំំបូងត្រូវបានគេគិតថា ជាអ្នកនៅក្នុងកណ្ដាប់ដៃបណ្ដាឧត្ដមសេនីយកូរ៉េខាងជើង និងពួកការិយាធិបតេយ្យ នៃបក្សពលករកូរ៉េលោកគីម ជុងអ៊ុន បានពង្រឹងអំណាចជាមួយភាពកាចសាហា.វ ដោយប្រហារជីវិតឪពុកមាលោក JANG SONG THAEK ដោយចោទពីបទក្បត់កាលពីឆ្នាំ២០១៣។ លោកក៏ត្រូវគេចោទថា ជាអ្នកនៅពីក្រោយការធ្វើឃា.តបងប្រុសម្ដាយទីទៃ លោកគីម ជុងណាម នៅព្រលានយន្តហោះក្រុងគូឡាឡាំពួរ កាលពីឆ្នាំ២០១៧។
ទន្ទឹមនឹងនេះ លោកគីម បានបញ្ជាឲ្យធ្វើការសាកល្បងនុយក្លេអ៊ែរដល់៤លើក និងក្នុងឆ្នាំ២០១៧ ឲ្យបាញ់សាកបណ្ដាមីស៊ីលបាលីស្ទិក ដែលអាចបាញ់ដល់ដែនដីអាមេរិក ដោយផ្គើនចំពោះការដាក់ទណ្ឌកម្មខ្លាំងក្លារបស់ក្រុមប្រឹក្សាសន្តិសុខ អ.ស.ប។ ជាច្រើនខែលោកបានបញ្ចេញវោហារសាសន៍ ប្រឆាំងប្រធានាធិបតីអាមេរិកលោកដូ ណាល់ ត្រាំ នាំឲ្យគេភ័យខ្លាចចំពោះជម្លោះដោយអាវុធនៅឧបទ្វីបកូរ៉េ។
បន្ទាប់មក លោកក្លាយជាមេដឹកនាំកូរ៉េខាងជើងដំបូងគេ ដែលជួបជាមួយប្រធានាធិបតីអាមេរិកនៅសិង្ហបុរី៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ