ជាលើកដំបូងនារីម្នាក់នឹងក្លាយជាប្រមុខប៉ូលិសក្រុងញូវយ៉ក
កាសែតញូវយ៉កប៉ុស្តិ៍រាយការណ៍កាលពីយប់ថ្ងៃទី១៤ធ្នូថា អនាគតអភិបាលក្រុងញូវយ៉ក លោកERIC ADAMS បានជ្រើសរើសលោកស្រី KEECHANT SEWELL ជា
សហរដ្ឋអាមេរិក ៖ កាសែតញូវយ៉កប៉ុស្តិ៍រាយការណ៍កាលពីយប់ថ្ងៃទី១៤ធ្នូថា អនាគតអភិបាលក្រុងញូវយ៉ក លោកERIC ADAMS បានជ្រើសរើសលោកស្រី KEECHANT SEWELL ជាប្រមុខប៉ូលិសប្រមាណជា៣៥.០០០នាក់ នៃទីក្រុងញូវយ៉កមានប្រជាជន៩លាននាក់។
នេះជាលើកដំបូងដែលនារីម្នាក់នឹងក្លាយជាប្រមុខប៉ូលិស នៃទីក្រុងធំបំផុតនេះរបស់សហរដ្ឋអាមេរិក។ លោកERIC ADAMSដែលរូបលោកផ្ទាល់ក៏ជាអតីតប៉ូលិសដែរនោះ ថ្លែងទៅកាន់កាសែតនេះថា លោកស្រី KEECHANT SEWELL ជាយុទ្ធនារីម្នាក់មានបទពិសោធន៍ខាងការបង្ក្រាបអំពើឧក្រិដ្ឋ និងជាអ្នកមានភាពឈ្លាសវ័យចាំបាច់ ដើម្បីថែរក្សាសន្តិសុខ ដែលពលរដ្ឋក្រុងញូវយ៉កត្រូវការនិងអាចផ្ដល់យុត្តិធម៌ដល់ពួកគេ ។
ជានារីដំបូងគេដែលដឹកនាំប៉ូលិសក្រុងញូវយ៉ក លោកស្រីនឹងជាមនុស្សស្បែកខ្មៅទី៣ ដែលកាន់តំណែងនេះ ចំណែកលោកERIC ADAMS ជាអភិបាលក្រុងស្បែកខ្មៅទី២ ក្នុងប្រវត្តិសាស្ត្រទីក្រុងនេះ។ អ្នកទាំង២នឹងចូលកាន់តំណែងនាថ្ងៃទី១មករាខាងមុខនេះ។
ជាប្រមុខប៉ូលិសដល់ប្រមាណជា ៣៥.០០០នាក់ ក្នុងទីក្រុងមានប្រជាជន៩លាននាក់ លោកស្រីKEECHANT SEWELLអាយុ៤៩ឆ្នាំ នឹងមានភារកិច្ចធ្ងន់ក្នុងការថែរក្សាសន្តិសុខក្រុងញូវយ៉ក ខណៈដែលការឆ្លងរាលដាលនៃកូវីដ-១៩ អមជាមួយការកើនឡើងនៃឧក្រិដ្ឋកម្មក្នុងឆ្នាំ២០២០។ លោកស្រីត្រូវបង្កើតទំនុកចិត្តរបស់ប្រជាជនទីក្រុងនេះ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ