បង្កងធម្មជាតិខេត្តតាកែវសម្បូរជាងឆ្នាំមុនៗ តែថ្លៃជាងរាល់ឆ្នាំ
- តាកែវ
ខេត្តតាកែវ ៖ ជារៀងរាល់ថ្ងៃ គេសង្កេតឃើញមានបងប្អូនយើងពីគ្រប់ទិសទីមកភ្លក្សរសជាតិបង្កងបឹងធម្មជាតិក្នុងខេត្តតាកែវ
ខេត្តតាកែវ ៖ ជារៀងរាល់ថ្ងៃ គេសង្កេតឃើញមានបងប្អូនយើងពីគ្រប់ទិសទីមកភ្លក្សរសជាតិបង្កងបឹងធម្មជាតិក្នុងខេត្តតាកែវ
ខេត្តតាកែវ ៖ ជារៀងរាល់ថ្ងៃ គេសង្កេតឃើញមានបងប្អូនយើងពីគ្រប់ទិសទីមកភ្លក្សរសជាតិបង្កងបឹងធម្មជាតិក្នុងខេត្តតាកែវ ខណៈរាជរដ្ឋាភិបាលបានបើកប្រទេសឡើងវិញ បន្ទាប់ពីបិទអស់មួយរយៈពេលដោយសារការរីករាលដាលនៃជំងឺកូវីដ-១៩ ។
បើតាមអាជីវករម្នាក់ឈ្មោះ ស្រីនី ជាអ្នកលក់បង្កងនៅផ្សារណាត់ ក្នុងសង្កាត់រកាក្នុង ក្រុងដូនកែវ បានឱ្យដឹងថា ឆ្នាំនេះសម្បូរអ្នកលក់បង្កងណាស់ មិនតិចជាង៣០កន្លែងឡើយ ហើយ១ភាគធំ អាជីវករអ្នកលក់បង្កងផង និងមានកន្លែងអង្គុយហូបបង្កងថែមទៀតផង ដែលខុសពីកន្លែងគាត់គឺលក់តែបង្កងទេ ដោយបោះដុំនិងលក់រាយជារៀងរាល់ថ្ងៃ ។
ស្ត្រីអាជីវកររូបនេះបន្តទៀតថា នៅឆ្នាំនេះ បង្កងបឹងធម្មជាតិសម្បូរជាងឆ្នាំមុនៗ គ្រាន់តែថ្លៃជាងរាល់ឆ្នាំ ហើយជារៀងរាល់ថ្ងៃកន្លែងលក់បង្កងរបស់គាត់វិញ ជាកន្លែងលក់បោះដុំនិងលក់រាយទាំងបង្កងបឹងធម្មជាតិ និងបង្កងទន្លេ ដែលនាំចូលមកពីវៀតណាម ។
ស្រីនី និយាយថា នៅកន្លែងរបស់គាត់រាល់ថ្ងៃនេះ មានលក់បង្កងចេញទៅតាមហាង ក៏ដូចជាម៉ួយនៅភ្នំពេញដែរ គឺបង្កងធម្មជាតិលក់ចេញ លេខ១ក្នុង១គីឡូក្រាម៤៥ដុល្លារ លេខ២ក្នុង១គីឡូក្រាម៣៣ដុល្លារ និងលេខ៣ក្នុង១គីឡូក្រាម២៥ដុល្លារ ។ ចំណែកបង្កងចិញ្ចឹមដែលដឹកចូលពីវៀតណាមវិញ លេខ១ក្នុង១គីឡូក្រាម៣៥ដុល្លារ លេខ២ក្នុង១គីឡូក្រាម២៣ដុល្លារ និងលេខ៣ក្នុង១គីឡូក្រាម១៧ដុល្លារ ។
ស្ត្រីអាជីវករលក់បង្កងរូបនេះ បញ្ជាក់ថា ចំពោះកន្លែងរបស់គាត់វិញ នៅថ្ងៃធម្មតាលក់ទាំងបង្កងបឹងធម្មជាតិ និងបង្កងចិញ្ចឹមនាំចូលមកពីវៀតណាម ដែលក្នុង១ថ្ងៃលក់អស់ពី៤០គីឡូក្រាមទៅ៥០គីឡូក្រាម ។ ចំណែកនៅថ្ងៃសៅរ៍ និងថ្ងៃអាទិត្យវិញ លក់ចែកចាយតាមហាងផង និងតាមម៉ូយនានាផង ដាច់អស់ចាប់ពី៨០គីឡូក្រាមទៅ១០០គីឡូក្រាមឯណោះ ប៉ុន្តែទើបតែឆ្នាំនេះទេ ក្រោយពីសម្តេចតេជោប្រកាសបើកប្រទេសឡើងវិញ បន្ទាប់ពីបិទខ្ទប់ដោយជំងឺកូវីដ-១៩នោះ ។
មន្ត្រីជលផលខេត្តបានឱ្យដឹងថា នៅឆ្នាំនេះសម្បូរបង្កងបឹងធម្មជាតិជាងឆ្នាំមុនៗ ដោយក្នុង១ថ្ងៃសម្រាប់ក្នុងខេត្ត អាចប្រមូលបង្កងបឹងធម្មជាតិលក់ចែកចាយប្រមាណជាង១០០គីឡូក្រាម និងបង្កងចិញ្ចឹមដែលនាំចូលមកពីវៀតណាម ប្រមាណជា៣៥០ទៅជាង៤០០គីឡូក្រាម ។ មកដល់ខែធ្នូ ឆ្នាំ២០២១នេះ បង្កងបឹងធម្មជាតិជិតអស់ហើយ គឺនៅតែបង្កងធម្មជាតិដែលគេកៀរសម្រាស់ត្រឹមខែកុម្ភៈ ឆ្នាំ២០២២ប៉ុណ្ណោះ គឺត្រូវអស់រដូវកាលបង្កងបឹងធម្មជាតិហើយ ។ រាល់ការដាក់បង្កងលក់នៅតាមទូទាំងអស់ គឺជាបង្កងចិញ្ចឹមដែលនាំចូលមកពីវៀតណាមទេ សូមបងប្អូនកុំចាញ់បោកក្រុមអាជីវករដែលនិយាយកុហកថា ជាបង្កងបឹងធម្មជាតិឱ្យសោះ ។
មន្ត្រីជលផលខេត្តនិយាយទៀតថា ចំពោះទូកដឹកបង្កងចិញ្ចឹមចូលមកពីវៀតណាមរាល់ថ្ងៃនេះ ក្នុងទូក១គ្រឿងដែលដឹកបង្កងចូលមកនេះ ត្រូវបង់លុយទៅឱ្យមេខណ្ខរដ្ឋបាលជលផលខេត្តចំនួន១.០០០ដុល្លារ ។
ចំណែកលោក សៅ កុសល នាយខណ្ខរដ្ឋបាលជលផលតាកែវ អ្នកយកព័ត៌មានយើងមិនអាចទាក់ទងសាកសួរបានទេ ដោយសារទូរស័ព្ទហៅចូលហើយតែពុំមានអ្នកទទួល ៕
ចែករំលែកព័តមាននេះ