កាលពីវេលាម៉ោង០៧និង១៥នាទីព្រឹក ថ្ងៃទី១១ ខែធ្នូ ឆ្នាំ២០២១នេះ មន្ត្រីរាជការ បម្រើការងារនៅសាលារាជធានីភ្នំពេញ ប្រមាណជាជាង២០០នាក់ បានធ្វើដំណើរកម្សាន្តមួយទៅកាន់ភ្នំបូកគោ
រាជធានីភ្នំពេញ ៖ កាលពីវេលាម៉ោង០៧និង១៥នាទីព្រឹក ថ្ងៃទី១១ ខែធ្នូ ឆ្នាំ២០២១នេះ មន្ត្រីរាជការ បម្រើការងារនៅសាលារាជធានីភ្នំពេញ ប្រមាណជាជាង២០០នាក់ បានធ្វើដំណើរកម្សាន្តមួយទៅកាន់ភ្នំបូកគោ ក្នុងខេត្តកំពត រយៈពេលពីរថ្ងៃ តាបរយៈក្បួនរថយន្តក្រុងរបស់សាលារាជធានីភ្នំពេញចំនួន១២គ្រឿង រួមទាំងរថយន្តរបស់មន្ទីរសុខាភិបាលរាជធានីភ្នំពេញចំនួន២គ្រឿងទៀតអមដំណើរផងដែរ។
តាមប្រភពព័ត៌មានពីមន្ត្រីសាលារាជធានីបានប្រាប់ឱ្យដឹងថា ព្រឹកថ្ងៃទី១១ ខែធ្នូ ឆ្នាំ២០២នេះ ខាងសាលារាជធានីភ្នំពេញ បានរៀបចំដំណើរកម្សាន្តមួយទៅកាន់រមនីយដ្ឋានភ្នំបូកគោ ក្នុងខេត្តកំពត ក្នុងរយៈពេលពីរថ្ងៃ សម្រាកមួយយប់ លុះស្អែកឡើងទើបវិលត្រឡប់មកវិញ។ ការធ្វើដំណើរកម្សាន្តទៅលេងខេត្តកំពតនេះដែរ គឺមានមន្ត្រីប្រើការងារនៅក្នុងសាលារាជធានីភ្នំពេញទាំងអស់តាមលំដាប់ថ្នាក់ ខ្លះទៅតែម្នាក់ឯង ខ្លះទៀតទៅដោយមានប្តីប្រពន្ធ និងខ្លះទៀតយកកូនទៅជាមួយក៏មានដែរជាលក្ខណៈគ្រួសារ។
តាមប្រភពដដែលបានប្រាប់ឱ្យដឹងថា ក្នុងការរៀបចំដំណើរកម្សាន្តប្រចាំឆ្នាំរបស់មន្ត្រីរាជការបម្រើការងារនៅក្នុងសាលារាជធានីភ្នំពេញនេះ គឺធ្វើដំណើរតាមរថយន្តក្រុងរបស់សាលារាជធានីភ្នំពេញសរុបចំនួន១២គ្រឿងអាធំៗ ហើយក្នុងមួយគ្រឿងៗមានអ្នកជិះចាប់ពី២០ទៅ៣០នាក់។ នាព្រឹកមុនពេលចេញដំណើរនេះដែរ គេសង្កេតឃើញមានរថយន្តក្រុងរបស់សាលារាជធានីភ្នំពេញចំនួន១២គ្រឿងមកបញ្ឈរចាំនៅទាំងខាងបរិវេណក្នុង និងខាងក្រៅសាលាក្រុង ចាប់តាំងពីព្រលឹមស្រាងៗមកម្ល៉េះ និងមានរថយន្តពេទ្យរបស់មន្ទីរសុខាភិបាលចំនួន២គ្រឿងទៀតអមដំណើរ និងអ្នកបម្រើការងារបស់សាលាក្រុង នាំគ្នាមកជាហូរហែជួបជុំគ្នាទើបរៀបចំជាក្បួន និងចេញដំណើរឆ្ពោះទៅកាន់ខេត្តកំពត។
ចំណែកការចំណាយហូបចុកវិញ ត្រូវបានគេដឹងថា សាលាក្រុងបានចេញដោយក្នុងម្នាក់ៗ១០០ដុល្លារ ទោះបីទៅម្នាក់ឯង ឬយកគ្រួសារ ប្រពន្ធកូនទៅក៏បានដែរ ដឹងតែរបប១០០ដុល្លារសម្រាប់មន្ត្រីម្នាក់ បើចាយមិនគ្រាន់ចេញខ្លួនឯងទៅ?
ចែករំលែកព័តមាននេះ