អនិច្ចា! ទារ.កតូចត្រូវគេដាក់ក្នុងកេសក្រដាសប្លុងចោលក្រោមរូបចម្លាក់ដំរីផ្អើលវត្តជម្ពូវ័ន
- ភ្នំពេញ
មានការភ្ញាក់ផ្អើលមួយបានកើតឡើងកាលពីវេលាម៉ោង១០និង៣០នាទីព្រឹក ថ្ងៃទី០៩ ខែធ្នូ ឆ្នាំ២០២១ ក្រោយពេលប្រទះឃើញ
មានការភ្ញាក់ផ្អើលមួយបានកើតឡើងកាលពីវេលាម៉ោង១០និង៣០នាទីព្រឹក ថ្ងៃទី០៩ ខែធ្នូ ឆ្នាំ២០២១ ក្រោយពេលប្រទះឃើញ
រាជធានីភ្នំពេញ ៖ មានការភ្ញាក់ផ្អើលមួយបានកើតឡើងកាលពីវេលាម៉ោង១០និង៣០នាទីព្រឹក ថ្ងៃទី០៩ ខែធ្នូ ឆ្នាំ២០២១ ក្រោយពេលប្រទះឃើញសាកស.ពទារ.កម្នាក់ ត្រូវជនពុំស្គាល់មុខបានយកមកដាក់ក្នុងឡាំងក្រដាស រួចយកទៅដាក់ប្លុងចោលនៅក្រោមរូបចម្លាក់សត្វដំរី មុខខ្លោងទ្វារវត្តជម្ពូវ័ន ស្ថិតនៅតាមបណ្ដោយផ្លូវជាតិលេខ៤ ក្នុងភូមិជម្ពូវ័ន១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
បើតាមបុរសជាអ្នករត់ម៉ូតូកង់បីម្នាក់ បាននិយាយថា នៅពេលព្រឹកព្រលឹម គាត់តែងតែរង់ចាំឌុបម៉ូយនៅចំណុចមុខវត្តជម្ពូវ័ននោះជារៀងរាល់ថ្ងៃ ព្រោះទីនោះស្ថិតនៅមុខផ្សារជម្ពូវ័ន ដែលមានមនុស្សចេញ-ចូលទៅរកទិញអីវ៉ាន់ជាច្រើនផងដែរ។ នៅពេលទៅដល់ទីនោះ គាត់បានប្រទះឃើញកេសក្រដាសមួយនោះស្ថិតនៅក្រោមរូបចម្លាក់សត្វដំរីខ្លោងទ្វារវត្តជម្ពូវ័ននោះ ប៉ុន្តែពុំបានចាប់អារម្មណ៍ថាមានសាកស.ពទារកនៅក្នុងនោះឡើយ ហើយក៏ពុំបានបើកមើលដែរ ព្រោះស្មានថា កេសដែលអ្នកលក់បន្លែពេលយប់ទុកចោល។
បុរសខាងលើនោះបានប្រាប់ឲ្យដឹងបន្តទៀតថា លុះក្រោយមក ដោយសារឃើញកេសក្រដាសនោះនៅថ្មី ហើយស្ថិតនៅទីនោះយូរផង អ្នកដែលទៅផ្សារក៏បានទៅទាញបើកមើលចង់ដឹងថា តើជាកេសអ្វី? ស្រាប់តែប្រទះឃើញសាកស.ពទារ.កនៅក្នុងនោះបង្កឲ្យមានការភ្ញាក់ផ្អើលតែម្ដង។
ប្រភពដដែលបន្តថា គាត់ពុំដឹងថា តើនរណាម្នាក់គឺជាឪពុកម្ដាយរបស់ទារ.កនេះទេ? ហើយក៏ពុំដឹងថា តើទារ.កនេះស្លា.ប់ និងមានមូលហេតុអ្វីដែរ? ទើបឪពុកម្ដាយដាច់ចិត្តយកសាកស.ពកូនមកប្លុងចោលបែបនេះ និងមិនដឹងថាប្លុងចោលតាំងពីពេលណាឡើយ។
បើតាមនគរបាលបាននិយាយថា ទារ.កខាងលើ ទើបនឹងកើតមកថ្មីៗទេ ហើយក៏ពុំទាន់ដឹងពីមូលហេតុនៃការស្លា.ប់នៅឡើយទេ។
ក្រោយពីទទួលបានដំណឹងនៃការស្លា.ប់នេះភ្លាម កម្លាំងនគរបាលប៉ុស្តិ៍ចោមចៅទី៣ បានចុះទៅពិនិត្យនៅទីតាំងកើតហេតុនោភ្លាមៗផងដែរ ។ បន្ទាប់មកទៀត ក៏បានយកខ្សែទៅចងហ៊ុមព័ទ្ធជុំវិញទីតាំងកើតហេតុខាងលើ ទៅតាមជំនាញ ព្រមទាំងបានរាយការណ៍បន្តទៅកាន់នគរបាលការិយាល័យបច្ចេកទេសវិទ្យាសាស្ត្រនៃស្នងការដ្ឋាននគរបាលរាជធានីភ្នំពេញ ដើម្បីចុះទៅពិនិត្យកោសល្យវិច័យសាកស.ពទារ.ករងគ្រោះ៕
ចែករំលែកព័តមាននេះ