ខេត្តស្ទឹងត្រែង ៖ កម្លាំងនគរបាលខេត្តស្ទឹងត្រែងនៅមិនទាន់ចាប់ឃាត.ករ.ប្លន់សម្លា.ប់បុរសម្នាក់ រស់នៅភូមិកោះកី ឃុំកោះស្នែង ស្រុកបូរីអូស្វាយសែនជ័យបាននៅឡើយទេ ខណៈក្រោយនាំទៅធ្វើត្រាប់ដោយរត់គេចខ្លួនទាំងដៃជាប់ខ្នោះបានដោយសុវត្ថិភាព។ ជនសង្ស័យខាងលើ មានឈ្មោះធា សុភា…
ខេត្តស្ទឹងត្រែង ៖ កម្លាំងនគរបាលខេត្តស្ទឹងត្រែងនៅមិនទាន់ចាប់ឃាត.ករ.ប្លន់សម្លា.ប់បុរសម្នាក់ រស់នៅភូមិកោះកី ឃុំកោះស្នែង ស្រុកបូរីអូស្វាយសែនជ័យបាននៅឡើយទេ ខណៈក្រោយនាំទៅធ្វើត្រាប់ដោយរត់គេចខ្លួនទាំងដៃជាប់ខ្នោះបានដោយសុវត្ថិភាព។
ជនសង្ស័យខាងលើ មានឈ្មោះធា សុភា អាយុ២៤ឆ្នាំ រស់នៅភូមិកោះហិប ឃុំកោះស្នែង ស្រុបូរីអូរស្វាយសែនជ័យ ។ បន្ទាប់ពីចាប់ខ្លួននាំមកស្នងការដ្ឋាននគរបាលខេត្តសាកសួរ និងកសាងសំណុំរឿង កាលពីព្រឹកថ្ងៃទី ៦ខែ វិច្ឆិកា ២០២១ កម្លាំងនគរបាលខេត្តសហការជាមួយនគរបាលស្រុកបូរីអូរស្វាយសែនជ័យ បាននាំជនល្មើសយកទៅធ្វើត្រាប់ ខណៈកំពុងធ្វើដំណើរតាមគោយន្តកន្ត្រៃ ស្រាប់តែជនសង្ស័យបានលោតពីលើគោយន្តរត់គេចខ្លួនទាំងដៃជាប់ខ្នោះបាត់ឈឹងតែម្តង។
សូមរំលឹកថា កាលពីថ្ងៃទី៣១ តុលា ជនរងគ្រោះឈ្មោះភីម លៀន ភេទប្រុស អាយុជាង៥០ឆ្នាំ រស់នៅភូមិកោះកីឃុំកោះស្នែង ស្រុកបុរីអូរស្វាយសែនជ័យ បានបាត់ខ្លួនពីផ្ទះ ខណៈពេលដែលជនរងគ្រោះជិះម៉ូតូមួយគ្រឿងទៅនេសាទត្រីតាមដងអូរនៅចំណុចភ្នំរមៀតឆ្ងាយពីភូមិ។ ក្រោយការបាត់ខ្លួនរយៈពេល៣ថ្ងៃ គឺនៅថ្ងៃទី២ ខែវិច្ឆិកា២០២១ ក៏ត្រូវបានក្រុមគ្រួសារប្រទះឃើញស្លា.ប់នៅជំរាលភ្នំរមៀត ក្បែរកន្លែងដែលគាត់បានទៅនេសាទត្រី ។
ទាក់ទិនករណីឃាតកម្មប្ល.ន់.ស.ម្លា.ប់ខាងលើ ត្រូវបានដឹងថា ក្រុមជនសង្ស័យមានបក្សពួក៣នាក់ ក្នុងនោះ ១-ឈ្មោះលៀង ស៊ីដា ហៅសុំ ភេទប្រុស អាយុ២៨ឆ្នាំ រស់នៅភូមិកោះហិប ឃុំកោះស្នែង ស្រុកបូរីអូរស្វាយសែនជ័យ ទី២-ឈ្មោះសា សីហា ភេទប្រុសអាយុ២៨ឆ្នាំ រស់នៅភូមិកោះកី ឃុំកោះស្នែង ស្រុកបូរីអូរស្វាយសែនជ័យ ទី៣-ឈ្មោះធា សុភា ភេទប្រុស អាយុ២៤ឆ្នាំ រស់នៅភូមិកោះហិប ឃុំកោះស្នែង ស្រុកបូរីអូរស្វាយ (ចាប់ខ្លួនបានហើយរត់រួចទៅវិញ) ។
បច្ចុប្បន្ន ក្រុមជនសង្ស័យទាំង៣នាក់នោះ នៅមិនទាន់ចាប់ខ្លួនបានមកវិញទេ ខណៈកម្លាំងនគរបាលកំពុងបន្តការស្រាវជ្រាវនៅឡើយ ។
ចែករំលែកព័តមាននេះ