រាជធានី​ភ្នំពេញ ៖ ហាងឆេង​ប្រាក់​រៀល​ខ្មែរ​មាន​អត្រា​ធ្លាក់​ចុះ​បន្តិច បើ​ធៀប​នឹង​ប្រាក់​បាត​ថៃ ។ ធនាគារជាតិ​នៃ​កម្ពុជា នៅ​ថ្ងៃ​ទី ៨ ខែធ្នូ ឆ្នាំ ២០២១ នេះ​បានឱ្យ​ដឹង​ថា ១ បាត​ថៃ ទិញ​ចូល ១២១ រៀល ហើយ​លក់​ចេញ​រហូត​ដល់​ទៅ ១២៣ រៀល​ឯណោះ ខណៈ​កាលពី​ថ្ងៃ​ម្សិលមិញ ទិញ​ចូល​ត្រឹមតែ ១២០ រៀល និង​លក់​ចេញ​តែ ១២២ រៀល​ប៉ុណ្ណោះ ។

ចំពោះ​ហាងឆេង​ប្រាក់​រៀល​ខ្មែរ​ធៀប​នឹង​ប្រាក់​ប្រទេស​សំខាន់​ៗ​មួយ​ចំនួន​ទៀត រួម​មាន ៖ ១ ដុល្លារ​អា​មេ​រិ​ក ស្មើនឹង ៤០៧២ រៀល​, ១ អឺ​រ៉ូ ទិញ​ចូល ៤៥៩១ រៀល លក់​ចេញ ៤៦៣៧ រៀល ខណៈ ១ ដុល្លារ​អូស្ត្រាលី ទិញ​ចូល ​២៩០០ រៀល លក់​ចេញ ២៩២៩ រៀល ។

ទន្ទឹម​នេះ ១ យប់​ចិន ទិញ​ចូល ៦៤០ រៀល លក់​ចេញ ៦៤៦ រៀល ហើយ ១០០ យ៉េន​ជប៉ុន ទិញ​ចូល ៣៥៨៦ រៀល លក់​ចេញ ៣៦២២ រៀល និង ១០០ វុន​កូរ៉េ ទិញ​ចូល ៣៤៦ រៀល លក់​ចេញ ៣៥០ រៀល ។ ដោយឡែក ១ ដុល្លារ​ស៊ី​ង​ហ្គា​ពួរ ទិញ​ចូល ២៩៨២ រៀល លក់​ចេញ ៣០១២ រៀល ខណៈ ១០០០ ដុ​ង​វៀតណាម ទិញ​ចូល ១៧៧ រៀល លក់​ចេញ ១៧៨ រៀល ៕​ ​ ​ ​