ដល់ម្លុឹងផង! បែបមកពីមានខ្នងក្រាស់ពេកទេដឹង?
- តាកែវ
ខេត្តតាកែវ ៖ រហូតមកដល់ពេលនេះ បើទោះបីកោះសន្តិភាពយើងបានធ្វើការចេញផ្សាយអំពីរឿងដែលមេភាស៊ីផ្សារកំពុងជ្រៃ ស្ថិ
ខេត្តតាកែវ ៖ រហូតមកដល់ពេលនេះ បើទោះបីកោះសន្តិភាពយើងបានធ្វើការចេញផ្សាយអំពីរឿងដែលមេភាស៊ីផ្សារកំពុងជ្រៃ ស្ថិ
ខេត្តតាកែវ ៖ រហូតមកដល់ពេលនេះ បើទោះបីកោះសន្តិភាពយើងបានធ្វើការចេញផ្សាយអំពីរឿងដែលមេភាស៊ីផ្សារកំពុងជ្រៃ ស្ថិក្នុងភូមិកំពង់ជ្រៃ ឃុំស្មោង ស្រុកទ្រាំង ខេត្តតាកែវ បានប្រមូលសំរាមពីក្នុងផ្សាររួចយកមកបោះចោលនៅលើចឹញ្ចើមផ្លូវនៅខាងកើតផ្សារជិតក្លាយជាភ្នំ រហូតមានក្លិនស្អុយរលួយច្រើនឆ្នាំមកហើយនោះ រហូតក្រសួងមហាផ្ទៃបានចេញលិខិតមកអោយអាជ្ញាធរខេត្ត ក៏ដូចជាអាជ្ញាធរស្រុកទ្រាំងអោយចុះពិនិត្យទីតាំងដែលមេភាស៊ីផ្សារកំពុងជ្រៃនោះ ប្រមូលសំរាមពីក្នុងផ្សារទៅចាក់ចោលនៅលើចឹញ្ចើមផ្លូវនោះ រួចរាយការណ៍មកក្រសួងមហាផ្ទៃវិញជាកំណត់។
មន្ត្រីរសាលាស្រុកទ្រង់បានប្រាប់កោះសន្តិភាពយើងអោយដឹងថា បើទោះជាមានការណែនាំពីក្រសួងមហាផ្ទៃយ៉ាងណាក៍ដោយ មកដល់ថ្ងៃនេះ លិខិតណែនាំនោះហាក់មិនមានប្រសិទ្ធិភាពសោះចំពោះអាជ្ញាធរខេត្ត ស្រុកទ្រាំងនោះទេ ព្រោះទីតាំងគំនរសំរាមនោះមានកាន់តែច្រើនជាងមុនទៅទៀត ហើយថែមទាំងមានក្លិនស្អុយអសោចិ៍ខ្លាំងដល់អ្នកធ្វើដំណើឆ្លងកាន់ និងអ្នករស់នៅជុំវិញទីនោះថែមទៀតផង។
មន្ត្រីរសាលាស្រុកទ្រាំងដដៃលបានបន្តទៀតថា ចំពោះករណីដែលធ្វើអោយអាជ្ញាធខេត្ត ស្រុកមិនមានចំណាត់ការទៅលើមេភាស៊ីផ្សារកំពង់ជ្រៃនេះ ក៏ព្រោះស្ត្រីដែលមានសិទ្ធិដើរប្រមូលលុយភាស៊ីនេះជាខ្សែរយះលោកអ៊ូច ភា អភិបាលខេត្តតាកែវ ទើបមិនមានអាជ្ញាធរស្រុកហ៊ានប៉ះពាល់បានងាកមកមើលខាងមន្ទីបរិស្ថានខេត្តវិញ គឺមិនដែលខ្វល់ពីរឿងគំនរសំរាមដែលគរចោលធ្វើប៉ះពាល់ដល់សុខភាពរបស់ប្រជាពលរដ្ឋម្តងណាឡើយ។
មន្ត្រីរសាលាស្រុកបានបញ្ជាក់ថា ឈ្មោះវង្ស វ៉ង់ ជាស្ត្រីនឹងជាមេភាស៊ីផ្សារកំពុងជ្រៃនេះ មិនដែលធ្វើតាមកិច្ចសន្យារបស់អាជ្ញាធរស្រុកម្តងណាឡើយ ដោយគាត់មានខ្នងបង្អែកជាចៅហ្វាយខេត្តនេះ ទើបមិនមាននរណាហ៊ានប៉ះគាត់បានរហូតគាត់បានប្រមូលភាស៊ីផ្សារកំពុងជ្រៃនេះជាលើកទី២បន្តទៀត។
លោកឈួន ផានី អភិបាលស្រុកទ្រាំង និងជាប្រធានអនុគណៈកម្មាធិការដេញថ្លៃភាស៊ីថ្នាក់ស្រុក បានប្រាប់កោះសន្តិភាពយើងដឹងតាមទូរស័ព្ទនៅព្រឹកថ្ងៃទី៥ ធ្នូ ឆ្នាំ២០២១នេះថា ក្នុងនាមលោកជាអភិបាលស្រុកចំពោះមេប្រមូលភាស៊ីផ្សារកំពុងជ្រៃ លោកបានតែត្រឹមហៅមកធ្វើការណែនាំ និងធ្វើកិច្ចសន្យាឈប់អោយយកសំរាមទៅចោលនៅលើចឹញ្ចើមផ្លូវតែប៉ុណ្ណោះ គាត់មិនមានបានអីទេ ចំណែកលុយគឺខាងមន្ទីរសេដ្ឋកិច្ចនឹងហិរញវត្ថុខេត្តជាអ្នកបាន ហើយខាងមន្ទីរមានសិទ្ធដក ឬលុបបញ្ឈប់មិនអោយមេភាស៊ីផ្សារកំពុងជ្រៃ បន្តហូតភាស៊ីពីអាជិវករបន្តទៀតបានហើយ កន្លងមកនេះលោកបានអោយលោកមេឃុំទិញប្រេងយកទៅចាក់ដុតអស់៣កាដុងមកហើយ គឺនិយាយអោយចំ ទៅគាត់បានតែម៉ាត្រឹមហៅមេភាស៊ីផ្សារមកធ្វើកិច្ចសន្យា រួចបញ្ជូនមកខេត្តតែប៉ុណ្ណោះ ។
លោកឈួន ផានី អភិបាលស្រុកទ្រាំងបានបន្តទៀតថា ចំពោះលិខិតរបស់ក្រសួងមហាផ្ទៃដាក់មកអោយពិនិត្យកន្លែងគរចាក់សំរាមនេះផងដែរ គឺលោកបានត្រឹមតែលិខិតរាយការណ៍អោយខាងគណ:កម្មាធិការដេញថ្លៃភាស៊ីខេត្តទេ។
លោក ហោ ប៊ុនវឌ្ឍន៍ ប្រធានមន្ទីរសេដ្ឋកិច្ចនុងហិរញ្ញវត្ថុខេត្តកោះសន្តិភាពយើងបានខលសុំការបកស្រាយពីលោកដែរ តែខលទូរស័ព្ទចូលហើយលោកមិនខ្ចីលើកឡើយ។ ចំណែកលោកឈួន សុធា អភិបាលរងខេត្តនឹងជាប្រធានគណ:កម្មាធិការដេញថ្លៃភាស៊ីទូទាំងខេត្តបានប្រាប់កោះសន្តិភាពតាមទូរស័ព្ទថាចំបញ្ហារឿងប្រធានភាស៊ីផ្សារកំពង់ជ្រៃនេះ ខាងគណៈ:កម្មាធិការដេញថ្លៃភាស៊ីខេត្តបានប្រគល់ភារកិច្ចទៅអោយស្រុកជាអ្នកអនុវត្តមិនត្រូវឆ្លើយយករួចខ្លួនឡើយហើយចំពោះលិខិតរបស់ក្រសួងមហាផ្ទៃនេះដែរលោកក៏បានអោយស្រុកអនុវត្តផងដែរ ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ