រាជធានីភ្នំពេញ ៖ សកម្មជនដីធ្លីប្រមាណ១០នាក់ ស្លៀកពាក់ខ្មៅ ដែលគេដឹងថា ដឹកនាំដោយអ្នកស្រីទេព វន្នី, អ្នកស្រីគង់ ចាន់ថានិងលោកយាយង៉ែត ឃុន ហៅយាយម៉ាមី បានជួបជុំគ្នានៅមុខផ្ទះអ្នកស្រីផាន់ ឈុនសារ៉េត ស្ថិតក្នុងភូមិ២២ (តំបន់បឹងកក់) ផ្លូវលេខ៨៦ សង្កាត់ស្រះចក ខណ្ឌដូនពេញ កាលពីវេលាម៉ោង០៨ និង៤០នាទីព្រឹកថ្ងៃទី១៦ ឧសភា ២០១៦ បំណងដើម្បីបង្ហាញជំហនៃការគាំទ្រវ៉ាឱ្យដោះលែងមន្ត្រីសិទ្ធិមនុស្ស៤នាក់ និងអគ្គលេខាធិការរងគ.ជ.បមួយរូប ។
មន្ត្រីសាលាខណ្ឌដូនពេញមួយរូបបានឱ្យដឹងថា នៅពេលសកម្មជនដីធ្លីបឹងកក់ប្រមាណជា១០នាក់ស្លៀកពាក់ខ្មៅ ឈរកាន់បដានៅមុខផ្ទះសកម្មជនដីធ្លីឈ្មោះផាន់ ឈុនសារ៉េតបានបន្តិច ទើបគេឃើញសកម្មជនដីធ្លីដ៏សកម្មមានឈ្មោះអ្នកស្រីប៉ូវ សោភា និងកញ្ញាសុង ស្រីលាភ ដែលត្រូវសមត្ថកិច្ចនគរបាលខណ្ឌដូនពេញ ឃាត់ខ្លួនមួយរយៈកាលពីសប្តាហ៍មុន ក៏បានមកចូលរួមផង
ដែរ ។
សកម្មជនដីធ្លីទាំងនោះ នាំគ្នាកាន់បដានៅមួយកន្លែង ព្រមទាំងស្រែកសុំឱ្យមានការមន្ត្រីអង្គការសិទ្ធិមនុស្សអាដហុក០៤ និងអគ្គលេខាធិការរងគ.ជ.ប ។ ជាមួយគ្នានោះដែរ ក៏មានមន្ត្រីអង្គការលីកាដូ ជាជនជាតិអាមេរិក និងមន្ត្រីអង្គការអាដហុក ។ មន្ត្រីដដែលបញ្ជាក់ថា សកម្មជនដីធ្លីទាំងនោះ នាំគ្នារំសាយនៅវេលាម៉ោង១០ព្រឹកថ្ងៃដដែល ហើយក៏មិនមានការឃាត់ខ្លួនសកម្មជនដីធ្លីណាម្នាក់នោះទេ តែទោះជាយ៉ាងសមត្ថកិច្ច នៅតែតាមឃ្លាំមើលពួកគេជាប្រចាំ ។
ចែករំលែកព័តមាននេះ