ខេត្តស្វាយរៀង ៖ ប៉ុស្តិ៍នគរបាលច្រកទ្វារព្រំដែនអន្តរជាតិបាវិត បានធ្វើការបញ្ជូនជនជាតិវៀតណាម៤០នាក់ ទៅវៀតណាមវិញ ដែលស្នាក់នៅខុសច្បាប់នៅកម្ពុជា ។ នេះបើយោងតាមផេកអគ្គនាយកដ្ឋានអន្តោប្រវេសន៍បានបង្ហោះ ។ ជាក់ស្តែងនៅថ្ងៃព្រហស្បតិ៍…
ខេត្តស្វាយរៀង ៖ ប៉ុស្តិ៍នគរបាលច្រកទ្វារព្រំដែនអន្តរជាតិបាវិត បានធ្វើការបញ្ជូនជនជាតិវៀតណាម៤០នាក់ ទៅវៀតណាមវិញ ដែលស្នាក់នៅខុសច្បាប់នៅកម្ពុជា ។ នេះបើយោងតាមផេកអគ្គនាយកដ្ឋានអន្តោប្រវេសន៍បានបង្ហោះ ។
ជាក់ស្តែងនៅថ្ងៃព្រហស្បតិ៍ ថ្ងៃទី០២ ខែធ្នូ ឆ្នាំ២០២១ ដោយមានការឯកភាពពី ឯកឧត្តម ឧត្តមសេនីយ៍ឯក ប្រធាននាយកដ្ឋានច្រកទ្វារទី២ និងសម្របសម្រួលជាមួយស្ថានអគ្គកុងស៊ុលវៀតណាម ប្រចាំទីក្រុងភ្នំពេញ ប៉ុស្តិ៍នគរបាលច្រកទ្វារព្រំដែនអន្តរជាតិបាវិត បានសហការជាមួយស្នងការដ្ឋាននគរបាល ខេត្តស្វាយរៀង ។
ប្រតិបត្តិការណ៍នេះដឹកនាំដោយលោកឧត្តមសេនីយ៍ត្រី ថោង វណ្ណៈ ស្នងការរងទទួលផែនអន្តោប្រវេសន៍ បានធ្វើការបញ្ជូនជនជាតិវៀតណាម ចំនួន ៤០នាក់ ស្រី១៣នាក់ ពីបទជ្រៀតចូលប្រទេស និងស្នាក់នៅខុសច្បាប់នៅកម្ពុជា ឲ្យទៅប៉ុស្តិ៍កងទ័ពការពារព្រំដែនអន្តរជាតិម៉ុកបាយ ប្រទេសវៀតណាម ៕
ចែករំលែកព័តមាននេះ