លក្ខណសម្បត្តិអ្នកកើតឆ្នាំឆ្លូវគឺជាមនុស្សដែលមានចិត្តអំណត់ខ្ពស់ មានទំនួលខុសត្រូវ មានចិត្តមេត្តា សប្បុរស តែគេល្អចំពោះតែមនុស្សណាដែលល្អ ស្មោះត្រង់នឹងគេវិញតែប៉ុណ្ណោះ ស្អប់មនុស្សល្បិចបំផុត ។ បុគ្គលទាំងនេះបើមើលពីសម្បកក្រៅហាក់ដូចឆ្មើងឆ្មៃ ក្រអឺតក្រទមបន្តិច…
លក្ខណសម្បត្តិអ្នកកើតឆ្នាំឆ្លូវគឺជាមនុស្សដែលមានចិត្តអំណត់ខ្ពស់ មានទំនួលខុសត្រូវ មានចិត្តមេត្តា សប្បុរស តែគេល្អចំពោះតែមនុស្សណាដែលល្អ ស្មោះត្រង់នឹងគេវិញតែប៉ុណ្ណោះ ស្អប់មនុស្សល្បិចបំផុត ។
បុគ្គលទាំងនេះបើមើលពីសម្បកក្រៅហាក់ដូចឆ្មើងឆ្មៃ ក្រអឺតក្រទមបន្តិច ព្រោះគេជាមនុស្សដែលមិនចូលចិត្តការជួបជុំ ឬមនុស្សប្លែកមុខឡើយ គេកម្រនឹងបង្ហាញខ្លួនក្នុងកម្មវិធីជួបជុំមនុស្សច្រើនណាស់ ព្រោះគេជាប្រភេទមនុស្សស្ងៀមស្ងាត់ ។ យ៉ាងណាក៏ដោយ មានតែមនុស្សដែលស្គាល់គេច្បាស់ប៉ុណ្ណោះ ដែលដឹងថាគេជាមនុស្សរួសរាយ រាក់ទាក់ ចូលចិត្តលេងសើចច្រើន ហើយក៏ជាមនុស្សដែលងាយនឹងចុះសម្រុងមនុស្សជុំវិញខ្លួនផងដែរ ។
១. ហុងស៊ុយសម្រាប់ឆ្នាំ២០២២ ពណ៌ដែលនាំសំណាង ពណ៌ក្រហម ស និងខៀវ, លេខនាំសំណាង លេខ ២៤៧ និងលេខ ១៦៨, ទិសអំណោយផល ទិសខាងកើត និងខាងជើង, ខែដែលល្អខ្លាំង ខែកុម្ភៈ និងខែឧសភា, ខែដែលគួរប្រយ័ត្ន ខែមេសា និងកក្កដា, ធាតុដែលនាំសំណាង ធាតុទឹក ចុះសម្រុងនឹងធាតុឈើ, ហុងស៊ុយដែលល្អសម្រាប់អ្នកក្នុងឆ្នាំ២០២២ គឺទាក់ទាញទ្រព្យសម្បត្តិ និងលាភសំណាងមាសប្រាក់ហូរចូលទ្វេដង ។
២. ហោរាសាស្ត្រអ្នកកើតឆ្នាំឆ្លូវសម្រាប់ខែទាំង១២ ឆ្នាំ២០២២៖ ខែមករា ឆ្នាំ២០២២ ដើមខែថ្មី សម្រាប់ឆ្នាំថ្មីនេះ អ្នកគួរតែផ្តោតតែលើរឿងក្នុងជីវិតរបស់អ្នកតែប៉ុណ្ណោះ ដែលធ្វើឱ្យជីវិតរបស់អ្នករឹតតែរីកចម្រើន រុងរឿងដោយជ័យលាភ ។ ខែកុម្ភៈ ឆ្នាំ ២០២២ ៖ ជោគជ័យរបស់អ្នកគឺនៅក្នុងកណ្ដាប់ដៃរបស់អ្នកហើយ ។ គ្មាននរណាម្នាក់នឹងចូលមកក្នុងជីវិតរបស់អ្នក ហើយក៏គ្មានអ្នកណាអាចបង្ខំ ឬបំផ្លាញអ្នកបានជាដាច់ខាត ។ ខែមីនា ឆ្នាំ២០២២៖ ខែនេះនឹងស្វាគមន៍ការផ្លាស់ប្តូរមួយចំនួននៅក្នុងជីវិតរបស់អ្នកដែលនឹងមានប្រយោជន៍ធំដល់អ្នក ។
ខែមេសា ឆ្នាំ២០២២៖ ផ្កាយសំណាងរបស់អ្នកបានមកដល់ហើយ ដូច្នេះ មិនថាអ្នកប៉ងអ្វីក៏បានសម្រេចដូចចិត្តដែរ ។ សូម្បីតែស្នេហាដែលអ្នកប្រាថ្នាចង់បានក៏បានដូចចិត្តដែរ ។ ខែឧសភា ឆ្នាំ២០២២៖ អាជីពរបស់អ្នកគឺដើរនៅលើផ្លូវត្រូវ ដូច្នេះចូរធ្វើឱ្យអស់ពីសមត្ថភាពដើម្បីបន្តរីកចម្រើន និងកាន់តែប្រសើរឡើង ។ ខែមិថុនា ឆ្នាំ២០២២៖ កុំស្តាប់មនុស្សដែលចេះតែប្រាប់អ្នកថា អ្នកគ្មានតម្លៃអ្វីទាំងអស់ក្នុងជីវិត ព្រោះទោះយ៉ាងណាក៏គ្មានអ្នកណាដឹងពីអ្នកច្បាស់ដូចអ្នកខ្លួនឯងនោះឡើយ ។
ខែកក្កដា ឆ្នាំ ២០២២៖ សុខភាពរបស់អ្នកនឹងប្រសើរឡើង ដូច្នេះអ្នកគួរតែបន្តថែរក្សាសុខភាព និងបន្តហាត់ប្រាណឱ្យបានទៀងទាត់ ។ ខែសីហា ឆ្នាំ២០២២៖ ស្តាប់សភាវគតិរបស់អ្នក ហើយធ្វើតាមបេះដូងរបស់អ្នកគ្រប់ពេលវេលា ដើម្បីសម្រេចបាននូវបំណងប្រាថ្នាទាំងអស់ក្នុងបេះដូងរបស់អ្នក ។ ខែកញ្ញា ឆ្នាំ២០២២ ៖ ធ្វើល្អចំពោះខ្លួនឯង និងអ្នកដទៃឱ្យបានច្រើន ។ រក្សាភាពស្មោះត្រង់ក្នុងការទំនាក់ទំនងជាមួយមនុស្សជុំវិញខ្លួន នោះភាពជោគជ័យនឹងមករកអ្នក ។ ខែតុលា ឆ្នាំ២០២២ ៖ កុំឱ្យនរណាម្នាក់ប្រាប់អ្នកពីរបៀបរស់នៅរបស់អ្នកអី ហើយក៏កុំបណ្ដោយឱ្យអ្នកណា មកបញ្ជាចង្កូតជីវិតរបស់អ្នក ត្រូវក្ដោបក្ដាប់ និងប្រើជីវិតខ្លួនឯងឱ្យបានល្អ ។
ខែវិច្ឆិកា ឆ្នាំ២០២២៖ ក្នុងខែនេះ អ្នកនឹងដឹងថា ជីវិតរបស់អ្នកស្ថិតនៅក្នុងដៃរបស់អ្នក ព្រោះអ្នកកាន់កូនសោទៅកាន់ជោគវាសនារបស់អ្នកហើយ ។ ខែធ្នូ ឆ្នាំ២០២២៖ នៅចុងឆ្នាំនេះនឹងឈានចូលមកដល់ ហើយអ្នកមានច្រើនណាស់ដែលត្រូវអបអរសាទរ និងដឹងគុណអ្នក ហើយនឹងផ្តល់លាភសំណាងដល់អ្នកវិញមិនខាន ៕ សាន សារិន
ចែករំលែកព័តមាននេះ