រាជធានីភ្នំពេញ ៖ មិនមែនទទួលតែអ្នកទេសចរវ៉ាក់សាំងនោះទេ ការបើកប្រទេសរបស់កម្ពុជានាពេលនេះ បានកំពុងទទួលអ្នកវិនិយោគបរទេសវ៉ាក់សាំង ផងដែរ ។ អ្នកឧកញ៉ា ពុង ឃាវ…
រាជធានីភ្នំពេញ ៖ មិនមែនទទួលតែអ្នកទេសចរវ៉ាក់សាំងនោះទេ ការបើកប្រទេសរបស់កម្ពុជានាពេលនេះ បានកំពុងទទួលអ្នកវិនិយោគបរទេសវ៉ាក់សាំង ផងដែរ ។ អ្នកឧកញ៉ា ពុង ឃាវ ប្រធានក្រុមប្រឹក្សាភិបាល ធនាគារកាណាឌីយ៉ា បាននិយាយថា បន្ទាប់ពីបានរដ្ឋាភិបាលប្រកាសបើកប្រទេសឡើងវិញ សកម្មភាព នៅតាមវិស័យនានាឃើញថា ចាប់ផ្ដើមកម្រើកឡើងវិញ មានការរៀបចំ នូវការជួបជុំបានខ្លះ មានការទទួលស្វាគមន៍អ្នកវិនិយោគ និងទេសចរវ៉ាក់សាំងពីក្រៅប្រទេសចូលមកកម្ពុជា ដែលធ្វើឱ្យពួកគេអាចមានឱកាសក្នុងការស្វែងរកការវិនិយោគនានាទៅតាមវិស័យរបស់ខ្លួននៅក្នុងប្រទេសកម្ពុជា ។
នៅក្នុងពិធីបើកពិពណ៍រសំណង់ប្រចាំឆ្នាំ ២០២១ កាលពីពេលថ្មីៗនេះ ក្នុងនាមលោកជាប្រធានសមាគមអ្នកសាងសង់អ្នកឧកញ៉ាបានបង្ហាញសុទិដិ្ឋនិយមចំពោះ ការបើកប្រទេសឡើងវិញពីសំណាក់រាជរដ្ឋាភិបាលកម្ពុជា ។ លោកថា ពិព័រណ៍សំណង់ប្រចាំឆ្នាំ ជាការឆ្លុះបញ្ចាំងពីចក្ខុវិស័យ និងការបោះជំហានថ្មីមួយរបស់សមាគម ឆ្ពោះទៅរកនិន្នការឌីជីថលនីយកម្ម ឆ្លើយតប និងបង្កាការរីករាលដាលនៃជំងឺកូវីដ ១៩ ។
អ្នកវិនិយោគធុរជន និងអាជីវករជាច្រើនទៀតក៏មានសុទិដ្ឋិនិយមចំពោះសេដ្ឋកិច្ចកម្ពុជាក្រោយរដ្ឋាភិបាលប្រកាសបើកប្រទេស មិនថាវិស័យទេសចរណ៍នោះទេ របរអាជីវកម្មតូចធំហាក់បានដំណើរការជាប្រក្រតី ។
ធនាគារជាតិកម្ពុជាបានឲ្យដឹងថា គិតត្រឹមចុងឆមាសទី ១ ឆ្នាំ ២០២១ វិនិយោគផ្ទាល់បរទេសនៅកម្ពុជាមាន ៣៩ ប៊ីលានដុល្លារអាមេរិក បានកើនឡើង ៩,៦% ធៀបនឹងគ្រាដូចគ្នាឆ្នាំមុន ដែលមានប្រភពទុនមកពីប្រទេសចិន កូរ៉េខាងត្បូង វៀតណាម សិង្ហបុរី ជប៉ុន ម៉ាឡេស៊ី ថៃ អង់គ្លេស និងកាណាដា ។ លំហូរវិនិយោគនេះគ្របដណ្តប់លើវិស័យកសិកម្ម កម្មន្តសាល ហិរញ្ញវត្ថុ សណ្ឋាគារនិងរមណីយដ្ឋាន សំណង់ វារីអគ្គិសនី និងអចលនទ្រព្យ ជាដើម ៕
ចែករំលែកព័តមាននេះ