អាល្លឺម៉ង់ប្រកាសកាត់បន្ថយអ្នកទស្សនាក្នុងកីឡដ្ឋាន ក្រោយកូវីដវាយលុកជាថ្មី
អាល្លឺម៉ង់ ៖ អាល្លឺម៉ង់ប្រកាសថា អ្នកគាំទ្រចូលទស្សនាក្នុងកីឡដ្ឋាន ត្រូវកាត់បន្ថយមកនៅត្រឹម៥០% ឬអតិបរមា១,៥០០០នាក់នៃ
អាល្លឺម៉ង់ ៖ អាល្លឺម៉ង់ប្រកាសថា អ្នកគាំទ្រចូលទស្សនាក្នុងកីឡដ្ឋាន ត្រូវកាត់បន្ថយមកនៅត្រឹម៥០% ឬអតិបរមា១,៥០០០នាក់នៃចំនួនសរុប បន្ទាប់ពីប្រទេសមួយនេះ កាលពីថ្ងៃទី២ ខែធ្នូ ឆ្នាំ២០២១ បានដាក់ចេញឡើងវិញ នូវវិធានការរឹតបន្តឹង ដើម្បីបង្ការជំងឺកូវីដ១៩ ។
អធិការបតីអាល្លឺម៉ង់លោកស្រី Angela Merkel និងទីប្រឹក្សាជាន់ខ្ពស់លោកស្រីគឺលោក Olaf Scholz បានយល់ព្រមជាមួយមេដឹកនាំរដ្ឋទាំង១៦ លើវិធានការនានា ដែលបានដាក់ដំណើរការ ដោយក្នុងនោះ រួមបញ្ចូលទាំងការកាត់បន្ថយចំនួនអ្នកទស្សនាព្រឹត្តិការណ៍កីឡា ទាំងក្រៅ និងក្នុងកីឡដ្ឋាន ចំពេលមានការកើនឡើងករណីឆ្លងកូវីដ១៩។
រដ្ឋាភិបាលបញ្ជាក់ថា អ្នកគាំទ្រត្រូវអនុវត្តតាមវិធានការកំណត់ ជាពិសេសការពាក់ម៉ាស់ការពារ។ ហើយប្រសិនបើក្នុងរដ្ឋ ដែលមានតួលេខអ្នកឆ្លងខ្ពស់ ព្រឹត្តិការណ៍កីឡាត្រូវតែលុបចោលតែម្តង។
ប្រភពពី BBC និង Eurosport បានឱ្យដឹងថា ការប្រកួតពានរង្វាន់ Champions League នៅថ្ងៃទី៧ ខែធ្នូ រវាងក្រុម Leipzig នឹង Manchester City និងជំនួបនៅថ្ងៃទី៨ រវាងក្រុម Bayern Munich នឹង Barcelona នឹងធ្វើឡើងដោយគ្មានវត្តមានអ្នកគាំទ្រ ដើម្បីចូលរួមបង្ការការរីករាលដាលនៃកូវីដ១៩។
អាជ្ញាធរអាល្លឺម៉ង់កំពុងខ្លាចការផ្ទុះឡើងនៃរលកឆ្លងទី៤ ជាពិសេសវីរុសបំប្លែងថ្មី «អូមីក្រុង» (Omicron) ដែលអាចប៉ះពាល់ខ្លាំងដល់អង្គភាពថែទាំសុខភាពជាតិ។ ខណៈកាលពីថ្ងៃទី២ ខែធ្នូ កន្លងទៅ តួលេខអ្នកឆ្លងប្រចាំថ្ងៃ ត្រូវបានរាយការណ៍ថា មានជាង៧៣,០០០នាក់ និងអ្នកស្លាប់៣៨៨នាក់៕ (ដកស្រង់ចេញពី BBC និង Eurosport)
ចែករំលែកព័តមាននេះ