សូម្បីតែព្រះសិទ្ធត្ថៈដែលជាតួអង្គព្រះពុទ្ធក៏នៅតែមានចំណុចខុស ចុះទម្រាំងសាមញ្ញជនដែលមិនសម្បូរនិស្ស័យខាងសន្សំបុណ្យបារមីផងនោះនឹងរឹតតែខុស ក្សត់ត្រូវមិនខាន ។
យុវជនម្នាក់បាននិយាយថា ក្នុងមួយជីវិតខ្ញុំស្អប់អ្នកបួស ឬស្អប់ស្រីដែលមានលក្ខណៈយ៉ាងនេះយ៉ាងនោះខ្លាំងណាស់ ប៉ុន្តែបើទោះបីជា យ៉ាងដូច្នេះក៏ដោយ ខ្ញុំមិនប្រើភាសាដូច្នេះទៅលើពួកគេឡើយ ពីព្រោះខ្ញុំមិនមែនជាមនុស្សវិកលចរិត ឬមនុស្សកើតរោគចិត្តឡើយ ។
នេះមានន័យថា ក្នុងលោកនេះ មិនមានបុគ្គលណាដែលល្អឥតខ្ចោះឡើយ ដោយហេតុយើងគ្រប់គ្នាគឺជាបុថុជ្ជន ដែលចៀសមិនផុតពីការប្រព្រឹត្តខុសនោះឡើយ ។
មួយវិញទៀតក្នុងលោកនេះ បុគ្គលពួកខ្លះ ពីមួយថ្ងៃ ទៅមួយថ្ងៃ គិតតែអំពីតាមចាប់កំហុសអ្នកដទៃ រហូតដល់ភ្លេចគិតអំពីគុណវិបត្តិ ឬកំហុសរបស់ខ្លួនឯង ដូច្នេះបើអាចធ្វើបាន យើងម្នាក់ៗត្រូវរៀនផ្សាយនូវមេត្តាចិត្តចំពោះគ្នានិងគ្នា រៀនបើកចិត្តឱ្យទូលាយទើបយើងរស់នៅបានសុខ ព្រោះថាក្នុងលោកនេះគ្មានមនុស្សណាដែលល្អឥតខ្ចោះឡើយ ៕ សាន សារិន
ចែករំលែកព័តមាននេះ