ចិន ៖ កីឡាអូឡាំពិកនឹងដំណើរការតាមគ្រោងទុក ទោះ «អូមីក្រុង» កំពុងគំរា.មកំហែងពិភពលោក
ទីក្រុងប៉េកាំង ៖ ប្រទេសចិនរំពឹងថា នឹងរៀបចំព្រឹត្តិការណ៍កីឡាអូឡាំពិករដូវរងាឆ្នាំ ២០២២ ដោយរលូនតាមការគ្រោងទុក និង
ទីក្រុងប៉េកាំង ៖ ប្រទេសចិនរំពឹងថា នឹងរៀបចំព្រឹត្តិការណ៍កីឡាអូឡាំពិករដូវរងាឆ្នាំ ២០២២ ដោយរលូនតាមការគ្រោងទុក និងតាមកាលវិភាគកំណត់ បើទោះបីជាមានបញ្ហាប្រឈម បង្កឡើងដោយការលេចឡើងនៃវីរុសកូវីដ១៩ បំប្លែងថ្មី «អូមីក្រុង» (Omicron) ដែលកំពុងគំរា.មកំហែងពិភពលោក យ៉ាងណាក៏ដោយ។ នេះបើតាមការបញ្ជាក់ពីលោក Zhao Lijian អ្នកនាំពាក្យក្រសួងការបរទេស ថ្លែងក្នុងសន្និសីទសារព័ត៌មាន កាលពីថ្ងៃទី៣០ ខែវិចិ្ឆកា។
លោក Zhao Lijian បានថ្លែងយ៉ាងដូច្នេះថា «ខ្ញុំជឿថា វាពិតជានឹងបង្កបញ្ហាប្រឈមមួយចំនួនដល់កិច្ចខិតខំប្រឹងប្រែងរបស់យើង ក្នុងការទប់ស្កាត់ ក៏ដូចជាគ្រប់គ្រងវីរុសកូវីដ១៩។ ប៉ុន្តែដោយសារប្រទេសចិនមានបទពិសោធន៍បង្ការ និងគ្រប់គ្រងវីរុសនេះ ខ្ញុំជឿជាក់យ៉ាងពេញទំហឹងថា ប្រទេសចិននឹងអាចធ្វើជាម្ចាស់ផ្ទះកីឡាអូឡាំពិករដូវរងា តាមការគ្រោងទុកយ៉ាងរលូន និងជោគជ័យ»។
ទីក្រុងប៉េកាំងគ្រោងនឹងរៀបចំការប្រកួតកីឡាអូឡាំពិករដូវរងាឆ្នាំ ២០២២ ចាប់ពីថ្ងៃទី៤ រហូតដល់ថ្ងៃទី២០ ខែកុម្ភៈ ស្របពេលប៉ារ៉ាឡាំពិកនឹងចាប់ផ្តើមនៅថ្ងៃទី៤ រហូតដល់ថ្ងៃទី១៣ ខែមីនា ដោយគ្មានអ្នកទស្សនាបរទេស។ ខណៈអត្តពលិក និងបុគ្គលិកពាក់ព័ន្ធទាំងអស់ ត្រូវស្ថិតក្រោមវិធានការរឹតបន្តឹង ជាមួយនឹងការធ្វើតេស្តជាប្រចាំថ្ងៃសម្រាប់កូវីដ ក្រោមគោលនយោបាយ «សូន្យ-កូវីដ» របស់ខ្លួន។ ប្រទេសចិនត្រូវបានគេចាត់ទុកថា ជាប្រទេសមានវិធានការទប់ស្កាត់កូវីដ១៩ ដ៏តឹងរ៉ឹងបំផុតរបស់ពិភពលោក៕ (ប្រភពពី Reuters)
ចែករំលែកព័តមាននេះ