រាជធានីភ្នំពេញ ៖ កម្ពុជាបាននាំអង្ករចេញទៅក្រៅប្រទេសមាន បរិមាណអង្ករនាំចេញមានចំនួន ៥៣២១៧៩តោន មានការថយចុះចំនួន៦៨ ៨៦៦តោន (-១១,៤៦%) បើធៀបនឹងបរិមាណនាំចេញក្នុងរយៈពេល១១ខែ ឆ្នាំ២០២០…
រាជធានីភ្នំពេញ ៖ កម្ពុជាបាននាំអង្ករចេញទៅក្រៅប្រទេសមាន បរិមាណអង្ករនាំចេញមានចំនួន ៥៣២១៧៩តោន មានការថយចុះចំនួន៦៨ ៨៦៦តោន (-១១,៤៦%) បើធៀបនឹងបរិមាណនាំចេញក្នុងរយៈពេល១១ខែ ឆ្នាំ២០២០ ដែលមានចំនួន៦០១ ០៤៥តោនគិតជាថវិកា ការនាំចេញអង្ករមានចំនួន ៤៥៤ ៤៨០ ៨៦៦ដុល្លារអាមេរិក ។ នេះបើតាមរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ។
ឯកឧត្តមវេង សាខុន រដ្ឋមន្ត្រីក្រសួងកសិកម្មបានសរសេរលើកបណ្តាញសង្គមនៅថ្ងៃទី១ ខែធ្នូ ឆ្នាំ២០២១ថា ការនាំចេញអង្ករក្នុងខែវិច្ឆិកា ឆ្នាំ២០២១ មានចំនួន៧២០១០តោន កើនឡើងចំនួន៧២៧០តោន (១១,២៣%) បើធៀបនឹងខែវិចិ្ឆកា ឆ្នាំ២០២០ ដែលមានចំនួន ៦៤ ៧៤០តោន ។
អង្ករក្រអូបគ្រប់ប្រភេទមានចំនួន៣៨៩ ៩១២តោនស្មើនឹង ៧៣,២៧% អង្ករសគ្រប់ប្រភេទមានចំនួន១៣២ ៦៧៥តោន ស្មើនឹង ២៤,៩៣% និងអង្ករចំហុយមានចំនួន ៩ ៥៩២តោន ស្មើនឹង ១,៨០% ។
ឯកឧត្តមថា បរិមាណអង្ករបាននាំចេញទៅកាន់ទិសដៅសហភាពអឺរ៉ុបចំនួន២២ប្រទេស មានបរិមាណសរុបចំនួន១៣៤ ៤៣៨តោន (ថយចុះចំនួន ៥៣ ៩៩៨តោន ស្មើនឹង -២៨,៦៦%) ទិសដៅប្រទេសចិនមានបរិមាណសរុបចំនួន ២៦៥ ២៤៤តោន (កើនឡើងចំនួន៣០ ៣០៤តោន ស្មើនឹង ១២,៩០%) ទិសដៅអាស៊ានចំនួន៧ប្រទេសមានបរិមាណ សរុបចំនួន ៥៤ ៣៥០តោន(ថយចុះចំនួន ២៣ ៨៥៨តោន ស្មើនឹង -៣០,៥១%) និងទិសដៅដទៃទៀតចំនួន២៤ប្រទេស មានបរិមាណសរុប៧៨ ១៤៧តោន (ថយចុះចំនួន ២១ ៣១៤តោន ស្មើនឹង -២១,៤៣%) ។
ជាមួយគ្នានោះដែរ ឯកឧត្តមរដ្ឋមន្ត្រីក៏បានលើកឡើងថា ក្រុមហ៊ុនដែលបាននាំចេញអង្ករមានចំនួន ៦១ក្រុមហ៊ុន ហើយបរិមាណអង្ក រដែលបាននាំចេញដោយក្រុមហ៊ុនធំៗចំនួន១០ មានរហូតដល់ ៣៩៣ ១៣១តោន (៧៣,៨៨%) និងក្រុមហ៊ុន៥១ដទៃទៀតបាននាំចេញត្រឹមតែ១៣៩ ០៤៨តោន (២៦,១២%)។
ចំណែកការការនាំចេញស្រូវមានចំនួន៣ ១២៣ ២៤២តោន ក្នុងរយៈពេល១១ខែ ឆ្នាំ២០២១ ទៅកាន់ប្រទេសវៀតណាម (មានវិញ្ញាប នបត្រភូតគាមអនាម័យចំនួន ១ ៩៨៦ ០៨៥,០២តោន) ដែលមានការកើនឡើងចំនួន ១ ៣៤៦ ១៣៥តោន (៧៥,៧៥%) បើធៀបនឹងរយៈពេលដូចគ្នានៅឆ្នាំ២០២០ ដែលមានចំនួន១ ៧៧៧ ១០៧តោន ។ ការនាំចេញស្រូវទៅក្រៅគិតជា ថវិការមានចំនួន ៥៤៦ ៥៦៧ ៣៥០ដុល្លារអាមេរិក ៕
ចែករំលែកព័តមាននេះ