ខេត្តសៀមរាប ៖ កម្លាំងនគរបាលអន្តោប្រវេសន៍នៃស្នងការនគរបាលខេត្ត បានធ្វើការចុះស្រាវជ្រាវរហូតដល់ឃាត់ខ្លួនស្ត្រីបរទេស២នាក់ ដែលលួចចូលស្នាក់នៅខុសច្បាប់នៅក្នុងក្រុងសៀមរាប រួចបញ្ជូនទៅឱ្យអគ្គនាយកនៃអគ្គនាយកដ្ឋានអន្តោប្រវេសន៍ ។
ហេតុការណ៍ឃាត់ខ្លួនស្ត្រីទាំង២នាក់នេះ ធ្វើឡើងកាលពីវេលាម៉ោង០២រសៀលថ្ងៃទី១០ ឧសភា ២០១៦ ស្ថិតនៅភូមិតាភុល សង្កាត់ស្វាយដង្គំ ក្រុងសៀមរាប ។
ស្ត្រីទាំង២នាក់ ម្នាក់ឈ្មោះ BRISTON ANDREE HARIATA អាយុ២៧ឆ្នាំ ជាជនជាតិញូវហ្សេឡេន កាន់លិខិតឆ្លងដែនលេខ LH.១៩៨១១៤ ចុះថ្ងៃទី០៣ កញ្ញា ២០១៣ ផុតកំណត់ថ្ងៃទី០៣ កញ្ញា ២០១៨ និងម្នាក់ទៀតឈ្មោះ TANGIHAERE MIRIAMA LIZZIE ANN អាយុ៣៧ឆ្នាំ ជាជនជាតិញូវហ្សេឡេន កាន់លិខិតឆ្លងដែនលេខ LH.១៧៤២៣៨ ចុះថ្ងៃទី២៧ សីហា ឆ្នាំ២០១៣ ផុតកំណត់ថ្ងៃទី២៧ សីហា ឆ្នាំ២០១៨ ។
ស្ត្រីទាំង២នាក់ បានហួសទិដ្ឋាការរយៈពេលចំនួន១១ខែ បន្ទាប់ពីចូលមកប្រទេសកម្ពុជាកាលពីអំឡុងឆ្នាំ២០១៣ តាមច្រកអន្តរជាតិបាវិត ក្នុងគោលបំណងទេសចរណ៍ រួចបន្តចូលមកខេត្តសៀមរាប បានស្នាក់នៅរយៈពេលខ្លី និងបន្តដំណើរទស្សនកិច្ចទេសចរណ៍ទៅតាមបណ្តាខេត្តផ្សេងៗមួយចំនួនទៀត។
ចែករំលែកព័តមាននេះ