COVAX ផ្តល់វ៉ាក់សាំងបន្ថែម៤,៧លានដូស ដល់កូរ៉េខាងជើង
COVAX ៖ វេទិការចែកចាយវ៉ាក់សាំងជាសកល COVAX បានផ្តល់វ៉ាក់សាំងវ៉ាក់សាំងចំនួន ៤,៧លានដូសបន្ថែមទៅដល់ប្រទេសកូរ៉េ
COVAX ៖ វេទិការចែកចាយវ៉ាក់សាំងជាសកល COVAX បានផ្តល់វ៉ាក់សាំងវ៉ាក់សាំងចំនួន ៤,៧លានដូសបន្ថែមទៅដល់ប្រទេសកូរ៉េខាងជើង។
បើតាមរបាយការណ៍ វ៉ាក់សាំង AstraZeneca នឹងត្រូវផ្តល់ឲ្យទៅប្រទេសកូរ៉េខាងជើង ទោះបីទីក្រុងព្យុងយ៉ាងមិនទាន់ឆ្លើយតបចំពោះជំនួយវ៉ាក់សាំងក្តី។
ចំនួនវ៉ាក់សាំងដែលផ្តល់ គឺគ្រប់គ្រាន់ក្នុងការចាក់អោយ ប្រជាជនចំនួន ១៣ភាគរយនៃចំនួនប្រជាជនសរុបទាំងអស់របស់កូរ៉េខាងជើង។
មន្ត្រីម្នាក់របស់ក្រសួងបង្រួបបង្រូមកូរ៉េខាងត្បូងបាននិយាយថា «តាមដែលយើងដឹង COVAX និងប្រទេសកូរ៉េខាងជើងកំពុងបន្តការពិគ្រោះយោបល់ចាំបាច់សម្រាប់ការចែកចាយវ៉ាក់សាំង ប៉ុន្តែពួកគេមិនទាន់មានផែនការ ឬកាវិភាគសម្រាប់ការផ្តល់នោះឡើយ»។
សូមរម្លឹកថា កូរ៉េខាងជើង បានបិទព្រំដែនរបស់ខ្លួនកាលចាប់តាំងពីឆ្នាំមុន ដើម្បីទប់ស្កាត់ការឆ្លងរីករាលដាលវីរុសកូវីដ ១៩ និងបានអះអាងថាខ្លួនគ្មានករណីឆ្លងឡើយ។
មន្ត្រីក្រុងសេអ៊ូលបាននិយាយមុននេះថា កូរ៉េខាងជើងអាចគិតពិចារណាទទួលយកវ៉ាក់សាំង ២ ឬ ៣លានដូសពីសហគមន៍អន្តរជាតិ៕ (យោងតាមប្រភព៖ Yonhap)
ចែករំលែកព័តមាននេះ