ADផ្ទាំងផ្សព្វផ្សាយពាណិជ្ជកម្ម

Picture

អ្នក​ធ្វើ​ម្ហូប​តាម​ពិធីមង្គលការ និង​បុណ្យ​ទាន​មានឱកាសរក​លុយ​សង​ធនាគារ​វិញ​ហើយ

8 ខែ មុន
  • ភ្នំពេញ

រាជធានី​ភ្នំពេញ​ ៖ ការ​អនុញ្ញាត​ឱ្យ​មានការ​រៀបចំ​ពិធី​មង្គលការ​ និង​បុណ្យ​ទាន​ឡើង​វិញ​មាន រយៈពេល​ជិត​មួយ​ខែ​មកនេះ​បាន​ផ្តល់​ឱកាស​ដល់​ម្ចាស់​អាជីវកម្ម​ទាំង​តូច ​និង​ធំ​អាច​ចាប់ផ្តើម​រក​ប្រាក់​ដើម្បី​សង​ត្រឡប់​ទៅ​ម្ចាស់បំណុល​របស់​ខ្លួន​បាន​វិញ ក្រោយ​សកម្មភាព​មុខរបរ​ស្ងប់ស្ងាត់​មួយ​រយៈ​វែង​ដោយសារ​កូ​វី​ដ​ ១៩ ​។ អ្នក​រកស៊ី​ធ្វើ​ម្ហូប​តាម​កម្មវិធី​មង្គលការ…

រាជធានី​ភ្នំពេញ​ ៖ ការ​អនុញ្ញាត​ឱ្យ​មានការ​រៀបចំ​ពិធី​មង្គលការ​ និង​បុណ្យ​ទាន​ឡើង​វិញ​មាន រយៈពេល​ជិត​មួយ​ខែ​មកនេះ​បាន​ផ្តល់​ឱកាស​ដល់​ម្ចាស់​អាជីវកម្ម​ទាំង​តូច ​និង​ធំ​អាច​ចាប់ផ្តើម​រក​ប្រាក់​ដើម្បី​សង​ត្រឡប់​ទៅ​ម្ចាស់បំណុល​របស់​ខ្លួន​បាន​វិញ ក្រោយ​សកម្មភាព​មុខរបរ​ស្ងប់ស្ងាត់​មួយ​រយៈ​វែង​ដោយសារ​កូ​វី​ដ​ ១៩ ​។ អ្នក​រកស៊ី​ធ្វើ​ម្ហូប​តាម​កម្មវិធី​មង្គលការ មាន​យីហោ «​ហៃ​ស្រី​នឿ​ន​»​មា​នទី​តាំងនៅ​តំបន់​ព្រែក​ព្នៅ បានឱ្យ​ដឹង​ថា ​បន្ទាប់​ពី​រាជរដ្ឋាភិបាល​បើក​ដំណើរការ​ប្រទេស​ឡើង​វិញ ប្រជាពលរដ្ឋ​អាច​រៀបចំ​ពិធី​មង្គលការ និង​បុណ្យ​ទាន និង​ការ​ជួបជុំ​នានា ធ្វើ​ឲ្យ​លោក មានឱកាស​ចេញ​ធ្វើ​ម្ហូប ផ្តល់​ជូន​ម្ចាស់​កម្មវិធី​ទាំងនោះ ​។

Picture

លោក​ថា​ ការ​បើក​ប្រទេស​បាន​តែ​រយៈពេល​ប្រមាណ​ជិត ​១ ​ខែ​មកនេះ លោក​បាន​ចេញ​រក​ប្រាក់ បាន ​៥ ​ទៅ ​៦​ កម្មវិធី​ហើយ​ ។ ​ការ​រៀបចំ​ពិធី​មង្គលការ​ដែល​ខ្ញុំ​ទទួល​ធ្វើ​ម្ហូប​នា​ពេល​កន្លង​មក ម្ចាស់​កម្មវិធី​រៀបចំ​តុ​ទ​ទូល​ភ្ញៀវ ពី​ជាង ​១០ ​តុ​ ទៅ​ជាង​ ២០​ តុ​ ។ បើ​គិត​ជា​សាច់ប្រាក់​ក្នុង​មួយ​រោង​រៀបចំ​អាហារ​ជាង ​២០ ​តុ​ ឡើង​ទៅ​នោះ ម្ចាស់​ពិធី​មង្គលការ​ត្រូវការ​ចំណាយ​ប្រាក់​ប្រមាណ ​៣០០០​ដុល្លារ​អា​មេ​រិ​ក​ ​។

ចុងភៅ​ការ​យីហោ «​ហៃ​ស្រី​នឿ​ន​» ឲ្យ​ដឹង​បន្ថែម​ថា កាល​មិន​ទាន់​មាន​ផ្ទុះ​នៅ​ជំងឺ​កូ​វី​ដ​ ១៩ ក្នុង​ពិធី​មង្គលការ​មួយ​ម្ចាស់​កម្មវិធី​ចំណាយ​ប្រាក់​លើ​មុខម្ហូប​អស់ពី ​៥០០០ ទៅ ​៦០០០​ដុល្លារ​អា​មេ​រិ​ក ​ឬ​អាច​ដល់​ ១ ​ម៉ឺន​ដុល្លារ​អា​មេ​រិ​ក​ ។ ទោះ​យ៉ាងណា​ការ​ប្រទេស​ឡើង​វិញ​ធ្វើ​ឲ្យ​កម្មវិធី​ជួបជុំ​មាន​មិន​ដាច់​ឡើយ​នៅ​ពេល​នេះ ​។

Picture

ចុងភៅ​ដដែល​ឲ្យ​ដឹង​ទៀត​ថា ក្រៅពី​បាន​ទទួល​ធ្វើ​ម្ហូប​ការ​បាន ​៥ ​ទៅ ​៦​ រោង​រួច​មក​ហើយ​នោះ ពួក​គាត់​នៅ​ទទួល​ការ​កក់​ពី​ម្ចាស់​កម្មវិធី​មង្គលការ ​៤ ​ទៅ ​៥​ រោង​ផ្សេង​ទៀត ដែល​ពិធី​មង្គលការ​ខ្លះ​ត្រូវការ​រៀបចំ​តុ​ពី​ ៥០ ​ទៅ ​៧០ ​តុ ​ឯណោះ ​។ បើ​គិត​ជា​ចំនួន​សាច់ប្រាក់​ដែល​ម្ចាស់​រៀបចំ​កម្មវិធី​មង្គលការ​ត្រូវការ​ចំណាយ​លើ​ម្ហូប​មាន​ជាង ​៨០០០ ​ដុល្លារ​អា​មេ​រិ​ក​ក្នុង​មួយ​កម្មវិធី​មង្គលការ ​។
ខ្ញុំ​ក៏​ដូ​ជា​ចុងភៅ​ធ្វើ​ម្ហូប​ការ​ផ្សេង​ទៀតមានការ​សប្បាយចិត្ត ទោះបី​ក្នុង​ពិធី​មង្គលការ​មួយ​មានការ​រៀបចំ​មុខម្ហូប​ ១០ ​តុ​ ទៅ ​២០ ​តុ ​ក៏​ដោយ​ ។​ ពួក​ខ្ញុំសុទ្ធតែ​បាន​ខ្ចី​លុយពី​ស្ថាប័នហិរញ្ញវត្ថុមក​រកស៊ី​ ។ ការ​ខក​ខាត​ចេញ​ធ្វើ​ម្ហូប​ជិត​២​ឆ្នាំ​មកនេះ ធ្វើ​ឲ្យ​ពួក​យើង​លុំបាក​ណាស់ និង​បើ​គិត​ជា​ទំហំ​ប្រាក់​ដែល​ខាតបង់​វិញ​មិន​តិច​ជាង ៥​ ម៉ឺន​ដុល្លារ​ឡើយ​ ។ ​អ្នក​រកស៊ី​ធ្វើ​ម្ហូប​តាម​រោងការ​ខាងលើ​ត្អូញត្អែរ​ ។

Picture

ជាមួយ​ក្តី​រីករាយ​ថា​នឹង​មានឱកាស​ចេញ​រកស៊ី​បាន​វិញ​នោះ ចុងភៅ​ការ​មួយ​ចំនួន​នៅ​តែ​បារម្ភ​ពី​ការ​រាតត្បាត​ជំងឺ​កូ​វី​ដ​ ១៩ ដែល​អាច​ឈាន​ដល់​ការ​បិទ​ប្រទេស​ឬរ​បិទ​ខ្ទប់​តាម​តំបន់​ជា​ថ្មី ត្បិត​អី​ថ្មី​នេះ​មាន​ករណី​ផ្ទុះ​វីរុស​បំប្លែង​ថ្មី កាន់តែ​សាហាវ ជា​ក្តី​បារម្ភ​មួយ​ថ្មី​ទៀត ​។ ​សព្វ​ថ្ងៃនេះ​យើងខ្ញុំ​នៅ​មានការ​ព្រួយបារម្ភ​នៅឡើយ ខ្លាច​ការ​រីក​រាល​ឆ្លង​នៅ​ជំងឺ​កូ​វី​ដ​ ១៩ ​នេះ​កើត​ឡើងជា​ថ្មី នោះ​វា​នឹង​ធ្វើ​ឱ្យ​ការ​រកស៊ី​របស់​យើង​ជួប​បញ្ហា​ធ្ងន់ធ្ងរ​ឡើង​វិញ​ ។​ បើ​គេ​បិទ​មិន​ឱ្យ​រៀបចំ​កម្មវិធី​តូច​ធំ​ឡើង​វិញ យើង​ជួប​ការ​លំបាក​ក្នុង​ការ​រក​ប្រាក់​មក​បង់​ឱ្យ​ខាង​ធនាគារ​ទៀត​ហើយ​ ៕