ស្ត្រីជាច្រើនជុំវិញពិភពលោក ពាក់អាវទ្រនាប់ខុសទំហំ បើទោះបីជាមានជម្រើសម៉ូដនិងទំហំច្រើនយ៉ាងណាក៏ដោយ។ អ្នកប្រហែលជាគិតថា វាគ្រាន់តែជាអាវទ្រនាប់តែប៉ុណ្ណោះ។ តែតើអ្នកដឹងទេថា វាអាចប៉ះពាល់ដល់សុខភាពអ្នក នៅពេលដែលអ្នកពាក់អាវទ្រនាប់ខុសទំហំ? ថ្ងៃនេះ អ្នកនឹងបានស្គាល់!
១. ឈឺខ្នង ក និងសុដន់
ការសិក្សាស្រាវជ្រាវ លើកឡើងថា អាវទ្រនាប់ដែលមានទំហំខុស អាចបង្កបញ្ហាដល់សុខភាពជាច្រើន។ អ្វីដែលងាយជួបបំផុត គឺឈឺខ្នង ឈឺក និងឈឺក្នុងសុដន់។ អាវទ្រនាប់ដែលពាក់មិនសមរម្យ មិនអាចទប់សុដន់ឱ្យនៅមួយកន្លែងល្អបានឡើយ ហើយអាចជាតឹងពេក ឬ ធូរពេក ដែលធ្វើឱ្យមានការឈឺចាប់នៅលើរាងកាយ។
២. ឈឺក្បាល
សម្ពាធបន្ថែមដែលបណ្តាលមកពីអាវទ្រនាប់តូច ក៏អាចនាំឱ្យឈឺក្បាលផងដែរ។ ប្រសិនបើអាវទ្រនាប់មិនសមត្រឹមត្រូវតាមទំហំ ទម្ងន់នៃសុដន់លាតសន្ធឹងខ្សែអាវទ្រនាប់ ហើយដាក់សម្ពាធបន្ថែមលើស្មា ដែលអាចបណ្តាលឱ្យឈឺក និងឈឺក្បាល។ ការអនុវត្តបានបង្ហាញថាការកែទំហំអាវទ្រនាប់ ជួយដោះស្រាយបញ្ហាឈឺក្បាលយ៉ាងមានប្រសិទ្ធភាព។
៣. បញ្ហាស្បែក
អាវទ្រនាប់ដែលមានទំហំធំពេក ប្រហែលជាមិនផ្តល់ការគាំទ្រគ្រប់គ្រាន់ទេ ដែលបណ្តាលឱ្យខូចស្បែកសុដន់។ ការសិក្សាបានបង្ហាញថា ការខូចទ្រង់ទ្រាយសុដន់ដែលបណ្ដាលមកពីទំនាញផែនដី ធ្វើឱ្យស្បែកយារនៅផ្នែកខាងលើនៃសុដន់។ ជាងនេះទៅទៀត អ្នកចូលរួមក្នុងការសិក្សាដែលមានដើមទ្រូងតូច កំពុងជួបប្រទះនឹងការខូចខាតស្បែក ដោយសារអាវទ្រនាប់ខុសទំហំ៕
ចែករំលែកព័តមាននេះ