ខេត្តព្រះសីហនុ ៖ កាលពីវេលាម៉ោង០៦ និង៤០នាទីយប់ថ្ងៃទី៨ ឧសភា ២០១៦ ការិយាល័យអន្តោប្រវេសន៍បានធ្វើការឃាត់ខ្លួន ជាបណ្តោះអាសន្នជនបរទេសចំនួន៣នាក់ ពីបទចូលមកខេត្តព្រះសីហនុតាមផ្លូវទឹក (ប្រើទូកក្តោងមកតាមសមុទ្រពីប្រទេសវៀតណាម ខេត្តញ៉ាចាង) ដោយគ្មានទិដ្ឋាការ និងអត្តសញ្ញាណ ។
បរទេសទាំង៣នាក់ ១-ឈ្មោះ Smolin Mikhail ភេទប្រុស សញ្ជាតិរុស្សី កាន់លិខិតឆ្លងដែនលេខ៧២ ៦៣៣៦២៣៩ ផុតសុពលភាពថ្ងៃទី៤ តុលា ២០២៣ ចូលមកព្រះរាជាណាចក្រកម្ពុជាចុងក្រោយ នៅថ្ងៃទី២៩ កុម្ភៈ ២០១៦ តាមច្រកអន្តរជាតិបាវិត ។ ២- ឈ្មោះ Gudimenko Anastasiia ភេទស្រី សញ្ជាតិរុស្សី កាន់លិខិត ឆ្លងដែនលេខ៧២ ៤៦២៤៥៩៥ ផុតសុពលភាពថ្ងៃ២៤ ឧសភា ២០២៣ ចូលមកព្រះរាជាណាចក្រកម្ពុជាចុងក្រោយ នៅថ្ងៃទី២៩ កុម្ភៈ ២០១៦ តាមច្រកអន្តរជាតិបាវិត និង៣-ឈ្មោះ Yartsev Vitaliy ភេទប្រុស សញ្ជាតិកាហ្សាក់ស្ថាន កាន់លិខិតឆ្លងដែនលេខ N5571971 ផុតសុពលភាពថ្ងៃ១១ ធ្នូ ២០១៧ ចូលមកព្រះរាជាណាចក្រកម្ពុជាចុងក្រោយនៅថ្ងៃទី៧ កុម្ភៈ ២០១៦ តាមច្រកអន្តរជាតិបាវិត ។
តាមការសាកសួរបឋមទៅលើជនទាំង៣នាក់នេះ បានឆ្លើយប្រាប់សមត្ថកិច្ចអន្តោប្រវេសន៏ថា ពិតជាបានចូលមកខេត្តព្រះសីហនុ មែន នៅថ្ងៃទី៥ ឧសភា ២០១៦ និងបានស្នាក់នៅក្នុងខេត្តព្រះសីហនុ ដោយគ្មានទិដ្ឋាការពិតប្រាកដមែន។
ចែករំលែកព័តមាននេះ