រាជធានីភ្នំពេញ ៖ លោកនាយករដ្ឋមន្ត្រីនៃព្រះរាជាណាចក្រថៃបានបញ្ជាក់ថា កិច្ចប្រជុំ ASEM លើកទី១៣ដែលកម្ពុជាធ្វើជាម្ចាស់ផ្ទះ និងពង្រីកជើងមេឃដល់យុវជនក្នុងការយល់ដឹង ហើយយុវជនគឺជាគន្លឹះក្នុងការផ្លាស់ប្តូរពិភពលោក ។
តាមរយៈអ្នកបកប្រែថ្លែងក្នុងសន្និសីទសារព័ត៌មានរួម (JOINT PRESS CONFERENCE) ក្នុងពិធីបិទកិច្ចប្រជុំកំពូលអាស៊ី-អឺរ៉ុបលើកទី១៣(ASEM13) លោកប្រាយុទ្ធចាន់អូចា នាយករដ្ឋមន្ត្រីថៃបានលើកឡើងថាប្រទេសធ្វើការសម្របស្រួលប្រទេសក្នុងតំបន់អាស៊ានហើយសូមអបអរកម្ពុជាចំពោះការរៀបចំ ដោយជោគជ័យ ASEM លើកទី១៣ ដែលទទួលបានជោគជ័យក្នុងបរិបទដល់ប្រឈមដោយជំងឺកូវីដ១៩ ។
លោកថា កិច្ចប្រជុំនេះ បង្ហាញឲ្យប្រទេសក្នុងអាស៊ី និងអឺរ៉ុបធ្វើកិច្ចសហប្រតិបត្តិកាពហុភាគីនិយម ដើម្បីបង្ហាញពិភពលោកឲ្យមានប្រក្រតីភាពធម្មតាដោយមានតុល្យភាព ។ លើសពីនេះមេដឹកនាំអាស៊ីមក៏បានបង្ហាញបំណងរួមក្នុងការធ្វើការរួមគ្នាលើពហុភាគីនិយមផងដែរ ។
ប្រសិនបើយើងសំឡឹង២០ឆ្នាំមកក្រោយ នៅពេលថៃធ្វើម្ចាស់ផ្ទះកិច្ចប្រជុំ ASEM គឺបរិបទដែលជួបប្រទះក្នុងអាស៊ី និងអឺរ៉ុប គឺបានផ្លាស់ប្តូរយ៉ាងច្រើន ហើយគ្មានប្រទេសណាមួយដោះស្រាយបញ្ហាប្រឈមដោយម្នាក់ឯងនោះទេ ដូចជា ការប្រែប្រួលអាកាសធាតុ និងជំងឺឆ្លងដូចជា ជំងឺកូវីដ១៩ ឬជំម្លោះអន្តរជាតិក្តី ។
លោកថា ៖«យើងត្រូវរួមគ្នាធ្វើសហប្រតិបត្តិការតាមរយៈយន្តការពហុភាគី ទោះបីប្រទេសធំ ឬតូចក្តីត្រូវផ្តល់ឱកាស និងកសាងនូវការយល់ដឹងពីគ្នាដោយទំនុកចិត្ត និងផ្តល់ប្រយោជន៍គ្នាទៅវិញទៅមក ។ ខ្ញុំជឿថា វិធីពង្រឹងពហុភាគីនិយម គឺខិតខំពង្រឹងតុល្យភាពនៃកិច្ចការទាំងក្នុងទំនាក់ទំនងអន្តរជាតិ និងដំណោះស្រាយបញ្ហាសកល» ។
លោកនាយករដ្ឋមន្ត្រីលើកឡើងថា កិច្ចប្រជុំ ASEM មានផលប្រយោជន៍ចំនួន៣ គឺ ៖១.ASEMនឹងជួយធនាគានូវការស្តារសេដ្ឋកិច្ចបន្ទាប់ពីជំងឺកូវីដ១៩ ដែលមានលក្ខណៈបរិការប្រកបដោយនិរន្តភាព ។ ខ្ញុំជឿថា កិច្ចប្រជុំនេះនឹងធ្វើឲ្យតំបន់ទាំងពីរ (អឺរ៉ុប -អាស៊ី) កសាងប្រក្រតីភាពថ្មីមួយតាមបច្ចេកវិទ្យាសាស្ត្រ និងនវានុវត្ត ។ ២.ASEM និងជួយតំបន់ទាំងពីរអាស៊ី និងអឺរ៉ុបឲ្យខិតជិតគ្នាក្នុងនោះជួយឲ្យរស់នៅវិញនូវវិស័យទេសចរណ៍នៃប្រទេសទាំងពីរ និង៣.ASEM និងជួយលើផ្នែកកិច្ចសហប្រតិបត្តិការលើផ្នែកឌីជីថលក្នុងយុគសម័យប្រក្រតីភាព បន្ទាប់ដែលផ្តល់ប្រយោជន៍ដល់យុវជន ។
លោកនាយករដ្ឋមន្ត្រីក៏បានលើកឡើងថា ផ្នែកឌីជីថលនឹងពង្រីកជើងមេឃដល់យុវជនក្នុងការយល់ដឹង ហើយយុវជនគឺជាគន្លឹះក្នុងការផ្លាស់ប្តូរពិភពលោក៕
ចែករំលែកព័តមាននេះ