រាជធានីភ្នំពេញ ៖ ក្រសួងសេដ្ឋកិច្ច និងហិរញ្ញវត្ថុ បានអះអាងពីការការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ របស់រដ្ឋនៅតែមានភាពរលូនទោះបីស្ថិតនៅក្នុងកាលៈទេសៈជំងឺកូវីដ ១៩ រាតត្បាតយ៉ាងណាក្តី ។ មកដល់ពេលនេះកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈបានដល់ដំណាក់កាលទី…
រាជធានីភ្នំពេញ ៖ ក្រសួងសេដ្ឋកិច្ច និងហិរញ្ញវត្ថុ បានអះអាងពីការការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ របស់រដ្ឋនៅតែមានភាពរលូនទោះបីស្ថិតនៅក្នុងកាលៈទេសៈជំងឺកូវីដ ១៩ រាតត្បាតយ៉ាងណាក្តី ។ មកដល់ពេលនេះកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈបានដល់ដំណាក់កាលទី ៣ បូក ២ ។
នៅក្នុងរបាយការណ៍ប្រចាំត្រីមាសទី ៣ ឆ្នាំ ២០២១ ក្រសួងសេដ្ឋកិច្ចបានបង្ហាញថា មានវឌ្ឍនភាពល្អ បើទោះបីជាសកម្មភាពខ្លះត្រូវបានខកខានអនុវត្តដោយសារការរាតត្បាតជំងឺកូវីដ ១៩ ក៍ដោយ ។ ជាក់ស្តែងក្នុងរយៈពេល ៩ ខែឆ្នាំ ២០២១ នេះ ការប្រមូលចំណួលចរន្តសម្រេចបាន ៧៥% ធៀបនឹងច្បាប់ ក្នុងទំហំ ១៥ ៨៩៥ ប៊ីលានរៀល ច្រើនជាងការប្រមូលចំណូលនៅក្នុងរយៈពេលដូចគ្នានៅឆ្នាំ ២០២០ ដែលសម្រេចបានត្រឹម ៦៣% ធៀបនឹងច្បាប់ ។
ក្រសួងបានបញ្ជាក់នៅក្នុងសេចក្តីប្រកាសព័ត៌មានចេញផ្សាយកាលពីថ្ងៃទី ២៣ វិច្ឆិកានោះថា ដោយឡែកគិតត្រឹមត្រីមាសទី ៣ ទោះជាការអនុវត្តចំណាយថវិកាជាតិមានការយឺតជាងផែនការបន្តិចក្តី តែការអនុវត្តជារួមមានការកើនឡើងពី ៥៧% ធៀបនឹងច្បាប់ទំហំ ២៧ ២៨៥ ប៊ីលានរៀល នៅឆ្នាំ ២០២០ ដល់ ៦១% ធៀបនឹងច្បាប់ទំហំ ២៧ ៤២៥ ប៊ីលានរៀលនៅឆ្នាំ ២០២១ ។
ក្រសួងសេដ្ឋកិច្ច និងហិរញ្ញវត្ថុថា ការដែលអាចគ្រប់គ្រងបាននៃការអនុវត្តចំណូល និងចំណាយជាតិនៅក្នុងស្ថានភាពមានវិបត្តិកូវីដ ១៩ បាននបង្ហាញពីប្រសិទ្ធភាពនៃភាពជឿទុកចិត្តនៃថវិកានៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណ ដែលត្រូវបានឆ្លុះបញ្ចាំងយ៉ាងច្បាស់តាមរយៈភាពគ្រប់គ្រាន់នៃសាច់ប្រាក់របស់រដ្ឋក្នុងការដោះស្រាយការងារបន្ទាន់ចំពោះមុខ និងការបន្តគាំទ្រវឌ្ឍនភាពការងារទូទៅ ៕
ចែករំលែកព័តមាននេះ