មនុស្ស ៤ ប្រភេទនេះ មិនអាចកសាងទ្រព្យសម្បត្តិស្តុកស្តម្ភបានឡើយ !
- ភ្នំពេញ
រាជធានីភ្នំពេញ ៖ តាមរយៈការលើកឡើងរបស់ លោក ង៉ែត ជូ អ្នកប្រឹក្សាហិរញ្ញវត្ថុឯករាជ្យ បាននិយាយថា មនុស្ស ៤…
រាជធានីភ្នំពេញ ៖ តាមរយៈការលើកឡើងរបស់ លោក ង៉ែត ជូ អ្នកប្រឹក្សាហិរញ្ញវត្ថុឯករាជ្យ បាននិយាយថា មនុស្ស ៤ ប្រភេទ នេះមិនអាចកសាងទ្រព្យសម្បត្តិស្តុកស្តម្ភបានឡើយ ដែលក្នុងនោះទី ១ គឺមនុស្សត្រូវការប្រាក់ ទី ២ មនុស្សស្រឡាញ់ប្រាក់ ទី ៣ មនុស្សកំណាញ់មិនហ៊ានចំណាយ និងទី ៤ មនុស្សមិនចេះទុកចិត្តអ្នកដទៃ ។
ដើម្បីអោយយល់កាន់តែច្បាស់ពីចំណុចនីមួយៗអំពីប្រភេទមនុស្សទាំងនោះ តោះ ! មកស្តាប់អ្នកជំនាញបកស្រាយលម្អិត នៅខាងក្រោមនេះ ៖
១) មនុស្សត្រូវការប្រាក់ ៖ ប្រាក់មិននៅជាមួយអ្នកត្រូវការវានោះទេ ។ អ្នកត្រូវការប្រាក់តែងយកប្រាក់ទៅចំណាយតាមតម្រូវការ និងចំណង់ឥតព្រំដែនរហូតដល់អស់ពីខ្លួន ។ រីឯអ្នកមិនត្រូវការប្រាក់តែងគ្រប់គ្រងចំណង់របស់ខ្លួន និងតែងតែមានលទ្ធភាពទុកប្រាក់អោយធ្វើការដើម្បីបង្កើតប្រាក់បន្តទៀត ។ កាទុកប្រាក់អោយធ្វើការដើម្បីបង្កើតប្រាក់បន្តទៀត គឺហៅថា ជាការវិនិយោគ ។
២) មនុស្សស្រឡាញ់ប្រាក់ ៖ ប្រាក់ក៏មិនផ្តល់ភាពចម្រុងចម្រើនដល់អ្នកស្រឡាញ់ប្រាក់នោះដែរ ។ អ្នកស្រឡាញ់ប្រាក់ មិនហ៊ានយកប្រាក់ទៅធ្វើអ្វីដើម្បីភាពរីកចម្រើន ឬទទួលបានផលចំណេញនោះទេព្រោះតែងតែខ្លាចខាតបង់ ខ្លាចហានិភ័យ ។
៣) មនុស្សកំណាញ់មិនហ៊ានចំណាយ ៖ មិនហ៊ានចំណាយប្រាក់ជួលអ្នកដទៃអោយជួយធ្វើការ ឬធ្វើការជំនួសដៃជើងរបស់ខ្លួន ។ មិនហ៊ានខ្ចីប្រាក់ពីធនាគារ ឬអ្នកដទៃដើម្បីពង្រីកការវិនិយោគព្រោះមិនហ៊ានចំណាយការប្រាក់ ។ល។ អ៉ីចឹងហើយអាជីវកម្ម ឬកិច្ចការវិនិយោគមិនមានការរីកចម្រើន និងមិនមានលទ្ធភាពបង្កើនប្រាក់ចំណេញនោះឡើយ ។
និង៤) មនុស្សមិនចេះទុកចិត្តអ្នកដទៃ ៖ មិនចេះរៀនមើលមនុស្ស ឬមិនប្រថុយធ្វើការសហការជាមួយដៃគូអាជីវកម្ម ឬអ្នកវិនិយោគដទៃទៀតព្រោះតែការមិនទុកចិត្ត ។ ក្នុងសម័យកាលប្រកួតប្រជែងខ្លាំង និងការវិវត្តលឿននៃទីផ្សារ ការមិនទុកចិត្ត ឬមិនចេះសហការជាមួយអ្នកដទៃអាចធ្វើអោយបាត់បង់ឱកាសក្នុងទីផ្សារ ៕
ចែករំលែកព័តមាននេះ