ប្រធានាធិបតីតៃវ៉ាន់ ថ្កោលទោសការដាក់ទណ្ឌកម្មចិនប្រឆាំងក្រុមហ៊ុនតៃវ៉ាន់
តៃវ៉ាន់ ៖ ប្រធានាធិបតីតៃវ៉ាន់អ្នកស្រី Tsai Ing-wen បានថ្កោលទោសប្រទេសចិន និងបានប្រាប់ឲ្យចិនបញ្ឈប់ជាបន្ទាន់នូវការ
តៃវ៉ាន់ ៖ ប្រធានាធិបតីតៃវ៉ាន់អ្នកស្រី Tsai Ing-wen បានថ្កោលទោសប្រទេសចិន និងបានប្រាប់ឲ្យចិនបញ្ឈប់ជាបន្ទាន់នូវការ
តៃវ៉ាន់ ៖ ប្រធានាធិបតីតៃវ៉ាន់អ្នកស្រី Tsai Ing-wen បានថ្កោលទោសប្រទេសចិន និងបានប្រាប់ឲ្យចិនបញ្ឈប់ជាបន្ទាន់នូវការដាក់ទណ្ឌកម្មតាមអំពើចិត្តប្រឆាំងក្រុមហ៊ុនតៃវ៉ាន់ដែលកំពុងប្រតិបត្តិការនៅទីនោះ។ លោកស្រីលើកឡើងថា វិធានការរបស់ចិនបានត្រឹមតែធ្វើឲ្យភាគីទាំងពីរឃ្លាតគ្នាកាន់តែឆ្ងាយ។
ការអត្ថាធិប្បាយរបស់លោកស្រីធ្វើឡើងនៅក្នុងកិច្ចប្រជុំប្រចាំសប្តាហ៍នៃគណបក្សវឌ្ឍនភាពប្រជាធិបតេយ្យ (DPP) បន្ទាប់ពីខេត្តចំនួន ៥របស់ចិនបានដាក់ទណ្ឌកម្មប្រឆាំងក្រុមហ៊ុនតៃវ៉ាន់ Far Estern Group។
លោកស្រីនិយាយថា ចិនបានប្រើប្រាស់ព៌ត៍មានអំពីការបរិច្ចាគផ្នែកនយោបាយដែលចុះផ្សាយដោយក្រុមឃ្លាំមើលរដ្ឋាភិបាលតៃវ៉ាន់ឈ្មោះ the Control Yuan ដើម្បីព្យាយាម និងជ្រៀតជ្រែកចូលក្នុងការអភិវឌ្ឍន៍ប្រជាធិបតេយ្យរបស់តៃវ៉ាន់។
ស្ត្រីខ្លាំងរូបនេះថ្លែងថា ឥរិយាបទរបស់ចិនមិនត្រឹមតែមិនមានប្រយោជន៍ចំពោះទំនាក់ទំនងពាណិជ្ជកម្មប៉ុណ្ណោះទេ តែវាតែមទាំងបំផ្លាញទំនាក់ទំនងទ្វេភាគីទាំងមូលទៀតផង។
អាជីវកម្មមកពីតៃវ៉ាន់បានចូលរួមចំណែកយ៉ាងច្រើនក្នុងការអភិវឌ្ឍន៍សេដ្ឋកិច្ច និងសង្គមចិន។ ការដាក់ទណ្ឌកម្មតាមអំពើចិត្តដោយផ្នែកលើហេតុផលនយោបាយមិនត្រឹមតែធ្វើឲ្យមានគម្លាតកាន់តែឆ្ងាយរវាងតៃវ៉ាន់ និងចិនទេ វាថែមទាំងធ្វើឲ្យបរិយាកាសសម្រាប់អ្នកវិនិយោគទុកក្នុងប្រទេសចិនកាន់តែអាក្រក់ក្នុងពេលនោះ នៅពេលដែលសង្វាក់ផ្តត់ផ្គងកំពុងដំណើរការរួចហើយ។ នេះបើតាមការបញ្ជាក់របស់លោកស្រី។
លោកស្រីក៏បានអំពាវនាវឲ្យគ្រប់ភាគីទាំងអស់នៅកោះតៃវ៉ាន់ប្រាប់ចិនឲ្យបញ្ឈប់ឥរិយាបទបែបនេះ ក្រែងវាធ្វើឲ្យខូចដល់ទំនាក់ទំនងសេដ្ឋកិច្ច និងពាណិជ្ជកម្មកាន់តែខ្លាំង។
សូមបញ្ជាក់ថា ភាពតានតឹងរវាងតៃវ៉ាន់ និងមហាយក្សចិនកំពុងឡើងកម្តៅយ៉ាងខ្លាំង។ ក្រសួងការពារជាតិតៃវ៉ាន់បានឲ្យដឹងថា ចិនបានបញ្ជូនយន្តហោះយោធារបស់ខ្លួនឈ្លានពានដែនអាកាសរបស់តៃវ៉ាន់ជារៀងរាល់ថ្ងៃក្នុងខែវិច្ឆការនេះ លើកលែងតែថ្ងៃទី ៣មួយប៉ុណ្ណោះ។
កាលពីដើមសប្តាហ៍នេះ អាមេរិកបានអញ្ជើញតៃវ៉ាន់ឲ្យចូលរួមកិច្ចប្រជុំកំពូលដើម្បីប្រជាធិបតេយ្យនៅដើមខែក្រោយ ដែលការអញ្ជើញនេះធ្វើឲ្យចិនខឹងសម្បារយ៉ាងខ្លាំង។ ចិនប្រឆាំងនឹងការអញ្ជើញនោះដោយលើកឡើងថា ក្នុងលោកនេះមានរដ្ឋាភិបាលចិនតែមួយប៉ុណ្ណោះ ហើយតែវ៉ាន់គឺជាផ្នែកមួយរបស់ខ្លួន។
ប៉ុន្តែតៃវ៉ាន់ឆ្លើយតបវិញថា តៃវ៉ាន់ជាប្រទេសឯករាជ្យមានឈ្មោះថា សាធារណៈរដ្ឋចិន និងបានប្រាប់ទៅចិនវិញថា ចិនគ្មានសិទ្ធិនិយាយអ្វីជំនួយតៃវ៉ាន់ឡើយ។ តៃវ៉ាន់បានផ្តាច់ចេញពីចិននៅក្នុងឆ្នាំ ១៩៤៩ បន្ទាប់ពីមានសង្គ្រាមស៊ីវិល៕ (យោងតាមប្រភព៖ Taiwan News)
ចែករំលែកព័តមាននេះ