ទួកគី ស្នើសុំកម្ពុជា រៀបចំឱ្យមានកិច្ចព្រមព្រៀង ស្តីពី បត្យាប័ន រវាងប្រទេសទាំងពីរ
- ភ្នំពេញ
ភ្នំពេញ៖ កាលពីរសៀលថ្ងៃពុធ ទី២៤ ខែវិច្ឆិកា ឆ្នាំ២០២១ លោក កើត រិទ្ធ រដ្ឋមន្ត្រីក្រសួងយុត្តិធម៌ និងថ្នាក់ដឹកនាំក្រសួងយុត្តិធម៌…
ភ្នំពេញ៖ កាលពីរសៀលថ្ងៃពុធ ទី២៤ ខែវិច្ឆិកា ឆ្នាំ២០២១ លោក កើត រិទ្ធ រដ្ឋមន្ត្រីក្រសួងយុត្តិធម៌ និងថ្នាក់ដឹកនាំក្រសួងយុត្តិធម៌…
ភ្នំពេញ៖ កាលពីរសៀលថ្ងៃពុធ ទី២៤ ខែវិច្ឆិកា ឆ្នាំ២០២១ លោក កើត រិទ្ធ រដ្ឋមន្ត្រីក្រសួងយុត្តិធម៌ និងថ្នាក់ដឹកនាំក្រសួងយុត្តិធម៌ បានទទួលជួបសម្តែងការគួរសម និងពិភាក្សាការងារជាមួយលោកស្រី Ayda Ünlü ឯកអគ្គរដ្ឋទូតនៃសាធារណរដ្ឋតួកគីប្រចាំកម្ពុជា ដើម្បីពិភាក្សាអំពីការពង្រឹងកិច្ចសហប្រតិបត្តិការផ្នែកច្បាប់រវាងប្រទេសកម្ពុជា និងប្រទេសតួកគី។ នៅក្នុងជំនួប នៅទីស្តីការក្រសួងយុត្តិធម៌ លោកស្រីឯកអគ្គរដ្ឋទូត បានស្នើសុំលោករដ្ឋមន្ត្រី ក្នុងការរៀបចំឱ្យមានកិច្ចព្រមព្រៀងស្តីពីបត្យាប័នរវាងប្រទេសទាំងពីរ។
ក្រសួងយុត្តិធម៌ បានប្រកាសថា ចំពោះសំណើនេះ ឯកឧត្តមរដ្ឋមន្ត្រី បានស្នើឱ្យភាគីតួកគី រៀបចំដាក់សំណើនេះ ជាផ្លូវការ តាមរយៈក្រសួងការបរទេស និងសហប្រតិបត្តិការអន្តរជាតិ ដើម្បីក្រសួងយុត្តិធម៌ រៀបចំនីតិវិធីបន្ត ដើម្បីឈានទៅដល់ការសិក្សាលើការរៀបចំកិច្ចព្រមព្រៀង ស្តីពី បត្យាប័ននេះ នាពេលខាងមុខ។
ទន្ទឹមនេះ លោករដ្ឋមន្ត្រី និងលោកស្រីឯកអគ្គរដ្ឋទូត ក៏បានឯកភាពគ្នា ក្នុងការកំណត់ Focal Point រៀងៗខ្លួន សម្រាប់ការអនុវត្តការងារនេះ ក៏ដូចជាការពង្រឹងកិច្ចសហប្រតិបត្តិការផ្នែកច្បាប់រវាងប្រទេសទាំងពីរ ឱ្យកាន់តែមានប្រសិទ្ធភាពខ្ពស់ផងដែរ។
ឯកសារ បង្ហាញថា ការធ្វើបត្យាប័ន គឺជាការប្រគល់ខ្លួនបុគ្គលម្នាក់ដោយរដ្ឋ ( រដ្ឋដែលត្រូវបានស្នើសុំ ) ទៅឲ្យអាជ្ញាធររបស់រដ្ឋមួយទៀត (រដ្ឋដែលបានធ្វើការស្នើសុំ) ក្នុងគោលបំណងផ្តន្ទាទោសព្រហ្មទណ្ឌ ឬការអនុវត្តន៍ការកាត់ទោស៕
ចែករំលែកព័តមាននេះ