ADផ្ទាំងផ្សព្វផ្សាយពាណិជ្ជកម្ម

Picture

ឈឺក្បាលសុដន់គួរគិតដល់អ្វីមុនគេ?

1 អាទិត្យ មុន

តើអ្នកធ្លាប់មានអារម្មណ៍ឈឺក្បាលសុដន់ដែរឬទេ? នៅពេលដែលវាឈឺ គឺពិតជាពិបាកពាក់អាវទ្រនាប់មែនទែន។ នៅពេលដែលវាឈឺ តើអ្នកគិតថាមកពីមូលហេតុអ្វី? វាមិនមែនសុទ្ធតែមកពីជំងឺធ្ងន់ៗនោះទេ។ ថ្ងៃនេះ អ្នកនឹងបានស្គាល់ពីមូលហេតុ៥យ៉ាង ដែលធ្វើឱ្យក្បាលសុដន់អ្នកឈឺចាប់។ ១….

តើអ្នកធ្លាប់មានអារម្មណ៍ឈឺក្បាលសុដន់ដែរឬទេ? នៅពេលដែលវាឈឺ គឺពិតជាពិបាកពាក់អាវទ្រនាប់មែនទែន។ នៅពេលដែលវាឈឺ តើអ្នកគិតថាមកពីមូលហេតុអ្វី? វាមិនមែនសុទ្ធតែមកពីជំងឺធ្ងន់ៗនោះទេ។ ថ្ងៃនេះ អ្នកនឹងបានស្គាល់ពីមូលហេតុ៥យ៉ាង ដែលធ្វើឱ្យក្បាលសុដន់អ្នកឈឺចាប់។

Picture

១. ប្រតិកម្មអាលែហ្សី

ដោយសារក្បាលសុដន់មានភាពរសើបខ្លាំង ក្បាលសុដន់អាចមានប្រតិកម្មពីសារធាតុគីមីដូចជា សាប៊ូ ឡេ ក្រណាត់ ឬសាប៊ូបោកខោអាវ។ ដូច្នេះប្រសិនបើអ្នកសម្គាល់ឃើញថាក្បាលសុដន់របស់អ្នកឈឺ បន្ទាប់ពីផ្លាស់ប្តូរសាប៊ូរបស់អ្នក វាអាចគ្រាន់តែជាប្រតិកម្មអាលែហ្សី។

២. ការរលាកសុដន់

នេះគឺជាស្ថានភាពធ្ងន់ធ្ងរដែលត្រូវការការព្យាបាល។ វាជារឿងធម្មតាក្នុងអំឡុងពេលបំបៅកូនដោយទឹកដោះម្តាយ ហើយនាំឱ្យក្បាលសុដន់ និងសុដន់ឈឺចាប់។ អ្នកក៏អាចជួបប្រទះភាពអស់កម្លាំង ញាក់ និងក្តៅខ្លួនផងដែរ។ នៅពេលដែលទឹកដោះនៅក្នុងសុដន់យូរពេក វានាំទៅដល់ការបង្ករោគ ដែលជាលទ្ធផលគឺបង្កជាការរលាកសុដន់។

៣. ការមករដូវ

អរម៉ូន​របស់​អ្នក​ អាច​ទៅ​ជា​មិន​ប្រក្រតី​អំឡុង​ពេល​មក​រដូវ​ដែល​នាំ​ឱ្យ​ក្បាលដោះ​ទន់ និង​ឈឺ។ ទោះជាយ៉ាងណាក៏ដោយ ដំណឹងល្អគឺថា ការឈឺចាប់បែបនេះមានរយៈពេលខ្លី  ហើយអ្នកមិនចាំបាច់ស្វែងរកថ្នាំនោះទេ។

៤. ការឆ្លងមេរោគផ្សិត

នេះភាគច្រើនកើតឡើងចំពោះស្ត្រី ដែលពាក់អាវទ្រនាប់សាច់ក្រណាត់មិនមានខ្យល់ចេញចូលល្អ។ ម្តាយដែលបំបៅកូនដោយទឹកដោះម្តាយក៏មានហានិភ័យនៃការកើតរោគផ្សិតពីទារកផងដែរ។ ជាសំណាងល្អ ការឆ្លងមេរោគត្រូវបានព្យាបាលយ៉ាងងាយស្រួលដោយថ្នាំសម្លាប់ផ្សិត។

៥. ការមានផ្ទៃពោះ

មុនពេលដែលអ្នកមានអាការៈចាញ់កូន ក្បាលសុដន់របស់អ្នកអាចជាសញ្ញាដំបូងដែលអ្នកមានផ្ទៃពោះ។ ដូច្នេះ ប្រសិនបើអ្នកមិនប្រើវិធីពន្យារកំណើត ឬមិនបានធ្វើលំហាត់ប្រាណនាពេលថ្មីៗនេះទេ អ្នកអាចពិចារណាការធ្វើតេស្តមានផ្ទៃពោះជារឿងដំបូង នៅពេលដែលក្បាលសុដន់អ្នកឈឺចាប់៕