ADផ្ទាំងផ្សព្វផ្សាយពាណិជ្ជកម្ម

Picture

រដូវរងាមកដល់ មកស្គាល់វិធីការពារបបូរមាត់អ្នកកុំឱ្យស្ងួត!

1 អាទិត្យ មុន

បបូរមាត់ងាយនឹងស្ងួតណាស់ ដោយសារវាមិនមានក្រពេញខ្លាញ់ ដូចផ្នែកផ្សេងទៀតនៃរាងកាយរបស់យើង។ បញ្ហាបបូរមាត់ស្ងួតនេះ អាចបង្កទៅជាការប្រេះបបូរមាត់ និង អាចឈានដល់ការហូរឈាមថែមទៀតផង។ ម្យ៉ាងវិញទៀត រដូវភ្លៀងក៏នឹងផុតទៅ ហើយរដូវរងាក៏ចូលមកដល់…

បបូរមាត់ងាយនឹងស្ងួតណាស់ ដោយសារវាមិនមានក្រពេញខ្លាញ់ ដូចផ្នែកផ្សេងទៀតនៃរាងកាយរបស់យើង។ បញ្ហាបបូរមាត់ស្ងួតនេះ អាចបង្កទៅជាការប្រេះបបូរមាត់ និង អាចឈានដល់ការហូរឈាមថែមទៀតផង។ ម្យ៉ាងវិញទៀត រដូវភ្លៀងក៏នឹងផុតទៅ ហើយរដូវរងាក៏ចូលមកដល់ ដែលអ្នកកាន់តែត្រូវដឹងពីវិធីសាស្រ្តក្នុងការទប់ស្កាត់ការស្ងួតបបូរមាត់នេះ មួយកម្រិតថែមទៀត។

Picture

១. ប្រើក្រែមលាបមាត់ឱ្យរលោង

 ក្រែមលាបមាត់ប្រភេទធ្វើឱ្យរលោង ហើយមិនធ្វើឱ្យអ្នកមានអារម្មណ៍ថាក្រហាយ ឬរមាស់  គឺជាអ្វីដែលអ្នកត្រូវការដើម្បីឱ្យមាត់របស់អ្នកមិនស្ងួត និង មិនប្រេះ។ តែប្រសិនបើក្រែមនោះ​ ធ្វើឱ្យអ្នកមានអារម្មណ៍ថាក្រហាយ ចូរឈប់ប្រើវាភ្លាម ហើយរកក្រែមណាដែលត្រូវនឹងបបូរមាត់អ្នក។

២. ផឹកទឹកឱ្យបានច្រើន

ពេលខ្លះបបូរមាត់របស់អ្នកស្ងួត ដោយសារតែអ្នកស្រេកទឹក។ រក្សាជាតិទឹកជានិច្ច ដើម្បីការពារបបូរមាត់ប្រេះ។ ផឹកទឹកឱ្យបានយ៉ាងតិច២លីត្រក្នុងមួយថ្ងៃ ដើម្បីឱ្យរាងកាយអ្នកមានជាតិទឹកគ្រប់គ្រាន់ និង អាចផ្គត់ផ្គង់ជាតិទឹកមកបបូរមាត់សើមល្អ។

៣. បញ្ឈប់ការខាំ និងលិតបបូរមាត់

ការលិទ្ធបបូរមាត់របស់អ្នក គឺជារឿងងាយស្រួលបំផុតក្នុងការធ្វើ នៅពេលដែលអ្នកមានអារម្មណ៍ថាបបូរមាត់របស់អ្នកស្ងួត ប៉ុន្តែវាធ្វើឱ្យបបូរមាត់របស់អ្នកស្ងួតជាងមុន ព្រោះវាហួតបានលឿន។ មានតែការលាបក្រែមរលោងឱ្យបានច្រើនដងក្នុងមួយថ្ងៃទេ ដែលអាចឱ្យបបូរមាត់អ្នករលោងបាន ជៀសវាងការប្រើទឹកមាត់៕