ការវាយប្រហារភេរវកម្មតាមរយៈការបំផ្ទុះរថយន្ត២គ្រឿងកាលពីថ្ងៃទី១ ឧសភា នៅអីុរ៉ាក់សម្លាប់មនុស្សយ៉ាងតិច៣៣នាក់ ។
ការវាយប្រហារទាំង២នេះកើតមាននៅទីក្រុងសាម៉ាវ៉ា ជាទីក្រុងមួយនៅភាគខាងត្បូងប្រទេស ។ ការផ្ទុះលើកទីមួយកើតមានជិតអគាររដ្ឋមួយ ហើយការផ្ទុះលើកទី២ ស្ទើរដំណាលគ្នាកើតមានត្រង់កន្លែងមួយចម្ងាយត្រឹមតែ៦០ម៉ែត្រពីចំណតរថយន្តបឺសមួយ ស្ថិតនៅកណ្តាលក្រុង ។ គេក៏៏រាយការណ៍ផងដែរពីមនុស្សប្រមាណជា៥០នាក់ទៀតរងរបួស ក្នុងនោះក៏មានកុមារច្រើននាក់ផងដែរ ។
ការវាយប្រហារភេរវកម្មបំផ្ទុះរថយន្តទាំង២នេះប្រកាសទទួលខុសត្រូវដោយក្រុមរដ្ឋអ៊ិស្លាម ។ ខេត្ត MOUTHANNA ភាគខាងត្បូងប្រទេសដែលមានទីក្រុងសាម៉ាវ៉ា ជាតំបន់មួយមានពួកស៊ីអុីតភាគច្រើន ហើយតែងគេចផុតពីការវាយប្រហារភេរវកម្មនានា ៕
ចែករំលែកព័តមាននេះ