បើនិយាយពីចរិតនិស្ស័យរបស់មនុស្សមានលក្ខណៈមិនដូចគ្នាទេ អ្នកខ្លះមានចិត្តស្រាល ឆេវឆាវឆាប់ខឹង ខ្លះមានចិត្តធ្ងន់អត់ធន់បានល្អមិនងាយខឹងក្រោធដោយគ្មានហេតុផល ឯអ្នកខ្លះទៀតក៏ជោគជ័យក្នុងជីវិត និងខ្លះទៀតផ្តេកដែលផ្តួលទៅតាមព្រេងវាសនាខ្វះការតស៊ូនាំឱ្យជីវិតមិនភ្លឺស្វាង ។ ខាងក្រោមនេះជាការបង្ហាញចរិតនិស្ស័យនៃអ្នកឆ្នាំទាំង១២ តើអ្នកកើតឆ្នាំអីដែរ ?…
បើនិយាយពីចរិតនិស្ស័យរបស់មនុស្សមានលក្ខណៈមិនដូចគ្នាទេ អ្នកខ្លះមានចិត្តស្រាល ឆេវឆាវឆាប់ខឹង ខ្លះមានចិត្តធ្ងន់អត់ធន់បានល្អមិនងាយខឹងក្រោធដោយគ្មានហេតុផល ឯអ្នកខ្លះទៀតក៏ជោគជ័យក្នុងជីវិត និងខ្លះទៀតផ្តេកដែលផ្តួលទៅតាមព្រេងវាសនាខ្វះការតស៊ូនាំឱ្យជីវិតមិនភ្លឺស្វាង ។ ខាងក្រោមនេះជាការបង្ហាញចរិតនិស្ស័យនៃអ្នកឆ្នាំទាំង១២ តើអ្នកកើតឆ្នាំអីដែរ ?
ឆ្នាំជូត ជាមនុស្សដែលមានអំនួតឱ្យតម្លៃខ្លួនឯងខ្ពស់ ស្រឡាញ់ការងារ និងស្មោះត្រង់ ហ៊ានធ្វើរឿងដែលខុសពីគេនិយម ។ មានអ្នកចង់រាប់អានច្រើន ធ្វើអ្វីៗមិនខ្លាចភាពបរាជ័យ តែមានចរិតឆាប់ក្រេវក្រោធតែឆាប់បាត់ទៅវិញ ។ អ្នកជាមនុស្សដែលចូលចិត្តស្វែងរកអ្វីដែលថ្មីៗ ការផ្សងព្រេង ឆាប់យល់សាច់ការ ថែមទាំងមានភាពទន់ភ្លន់ទៀតផងព្រោះអ្នកចូលចិត្តក្មេង ។ អ្នកស្រឡាញ់វិស័យសិល្បៈ វិស័យកីឡា ធ្វើការសម្រេចចិត្តលឿន ស្រឡាញ់សេរីភាព ប៉ុន្តែអ្នករស់នៅយ៉ាងមានសណ្តាប់ធ្នាប់ ។
ឆ្នាំឆ្លូវ ជាមនុស្សពូកែអត់ធ្មត់ មិនងាយរង្គោះរង្គើ ពូកែអៀន និងបង្កប់ភាពកក់ក្តៅ ។ អ្នកមានភាពទន់ភ្លន់ ពូកែឌឺ ប៉ុន្តែនៅប្រកាន់គំនិតចាស់គំរឹលមិនងាយផ្លាស់ប្តូរទេ ។ អ្នកមិនងាយស្រឡាញ់នរណាផ្តេសផ្តាសឡើយ ព្រោះជាប្រភេទមនុស្សស្រឡាញ់ហើយមិនងាយភ្លេច ។ អ្នកមានភាពកតញ្ញូចំពោះអ្នកមានគុណ មានទំនួលខុសត្រូវខ្ពស់ ស្មោះត្រង់ និងគួរឱ្យគោរព ។ រើសគូស្នេហ៍ដោយផ្តោតលើភាពស្រស់ស្អាតពីខាងក្នុង មិនផ្តល់តម្លៃលើមុខ មាត់ជាធំទេ។ ជាមនុស្សស្រឡាញ់ក្រុមគ្រួសារ ស្រឡាញ់ផ្ទះសម្បែង ស្រឡាញ់អ្វីដែលខ្លួនមាន ។
ឆ្នាំខាល ជាមនុស្សអាចបត់បែនខ្លួនបានគ្រប់កាលៈទេសៈ ពូកែនិយាយលើកទឹកចិត្ត ។ ជាមនុស្សចិត្តល្អ ឱ្យអស់ពីខ្លួន ថ្ងៃនេះអាចឧស្សាហ៍ ថ្ងៃស្អែកអាចនឹងខ្ជិល ។ ចូលចិត្តដើរផ្សារ ជាពិសេសនៅពេលទំនិញបញ្ចុះតម្លៃ មានមិត្តភក្តិ ញាតិមិត្តច្រើន ប៉ុន្តែពឹងពាក់ខ្លួនឯងជាចម្បង ។ មិនចូលចិត្តការជាប់ជំពាក់នឹងអ្វីឡើយ ពូកែលាក់អារម្មណ៍ ចេះសន្សំសំចៃលុយកាក់ និងពូកែដោះស្រាយបញ្ហា ។ អ្នកចូលចិត្តភាពសប្បាយរីករាយ ហ៊ឺហា និងមិនចូលចិត្តការងារដែលត្រូវការភាពល្អិតល្អន់ឡើយ ។
ឆ្នាំថោះ ជាឆ្នាំដែលពូកែសង្កេត មាត់និងចិត្តត្រូវគ្នា ពេលខ្លះតាមតែអារម្មណ៍ខ្លួនឯងច្រើនជាង និងអាចមើលចិត្តមនុស្សធ្លុះទៀតផង ។ ចំពោះអ្នកមិត្តភក្តិស្ថិតក្នុងលំដាប់ទី១ជានិច្ច ឆាប់ខឹង តែក៏ឆាប់បាត់ទៅវិញ និងមិនសូវមានរឿងលាក់បាំងទេ ។ ពេលខ្លះអ្នកឆាប់ជឿគេពេក ប៉ុន្តែអ្នកក៏ពូកែលួងលោមដូចគ្នា ។ ចំពោះរឿងស្នេហា ស្រឡាញ់ទាំងអស់តែស្មោះតែមួយ ពេលខ្លះក៏ចង់ក្បត់ចិត្តមនុស្សខ្លួនស្រឡាញ់ម្តងម្កាលដែរ ។
ឆ្នាំរោង ជាមនុស្សមានភាពស្អាតស្អំ ភាពល្អឥតខ្ចោះ មនុស្សជុំវិញខ្លួនតែងតែខ្លាចចិត្តអ្នក ។ មានកេរ្តិ៍ឈ្មោះ សម្បូរមន្តស្នេហ៍ តែងតែមានភាពលេចធ្លោជានិច្ច មានភាពក្លាហាន ថែមទាំងមានទំនួលខុសត្រូវខ្ពស់ទៀតផង ។ ជាមនុស្សចិត្តទូលាយ ងាយរាប់អានគេឯង ប៉ុន្តែពិបាករកមនុស្សត្រូវចិត្ត ។ ពេលខ្លះអ្នកក៏ជាមនុស្សផ្តាច់ការ ចូលចិត្តគ្រប់គ្រងអ្នកដទៃ គ្រប់ការកំណត់គោលដៅរបស់អ្នកតែងតែសម្រេចបានជានិច្ច ។
ឆ្នាំម្សាញ់ ពូកែដោះស្រាយបញ្ហា រហ័សរហួន មានគំនិតច្នៃប្រឌិត សម្បូរមន្តស្នេហ៍គួរឱ្យចង់គយគន់ ។ ជាអ្នកដើរលេង ឆ្លាតវៃ អារម្មណ៍ល្អ ញញឹមស្រស់បស់ ចេះបត់បែនខ្លួនបានយ៉ាងល្អ ។ អ្នកមានភាពកក់ក្តៅ អាចធ្វើមេក្រុមផ្នែកកម្សាន្តបាន ជឿជាក់លើខ្លួនឯងណាស់ ។ ពេលខ្លះមើលទៅដូចមនុស្សទាត់ខ្យល់ ប៉ុន្តែមានគោលដៅជីវិតច្បាស់លាស់ ។
ឆ្នាំមមី ជាមនុស្សកក់ក្តៅ ស្មោះស្ម័គ្រ មានភាពសាមញ្ញ សម្បូរមន្តស្នេហ៍ និងមិនចេះមានកលល្បិចច្រើន ។ មានដុងជាអ្នកសិល្បៈច្រើនជាងអ្នករកស៊ី អារម្មណ៍ល្អ ចូលចិត្តជប់លៀងជួបជុំរីករាយ ពូកែរកលុយ និងមិនប្រកាន់ច្រើន ។ ពេលខ្លះទន់ជ្រាយ ប៉ុន្តែមិនចូលចិត្តឱ្យខ្លួនឯងកើតទុក្ខ ពូកែយល់ចិត្តអ្នកដទៃ និងទឹកចិត្តក្លាហាន ។ អ្នកជាដៃគូស្នេហាដែលពូកែយកចិត្តទុកដាក់ តែមិនសូវចេះផ្អែមល្ហែមទេ និងមានការលះបង់ខ្ពស់ដើម្បីក្រុមគ្រួសារ ។
ឆ្នាំមមែ អ្នកពូកែបង្កើតកម្លាំងចិត្ត សម្រាប់ខ្លួនឯង សុភាពរាបសា ទន់ភ្លន់ ស្មោះត្រង់ និងបរិសុទ្ធ ។ ចេះប្រើប្រាស់មន្តស្នេហ៍របស់ខ្លួនយ៉ាងប៉ិនប្រសប់ ចិត្តទន់ និងពូកែអៀន ។ ការសម្រេចចិត្តគឺជារឿងពិបាកបំផុតសម្រាប់អ្នក, រអ៊ូច្រើន យឺតយ៉ាវ ប៉ុន្តែសុខចិត្តលះបង់ដើម្បីអ្នកដទៃជានិច្ច ។ អ្នកមិនចូលចិត្តការប្រកួតប្រជែង មានភាពផ្អែមល្ហែម ប៉ុន្តែចិត្តដាច់ណាស់ ។
ឆ្នាំវក ជាមនុស្សមានភាពទាក់ទាញ ជឿជាក់លើការពិតច្រើនជាងការស្រមើស្រមៃ មានការចងចាំខ្ពស់ ចិត្តដា.ច់ ប៉ុន្តែមានភាពកំប្លុកកំប្លែងបន្តិច ។ ពូកែសង្កេត មានភាពប្រុងប្រយ័ត្ន មានភាពអត់ធ្មត់ ទន់ភ្លន់ ប៉ុន្តែឆាប់ទោសៈ មិនចូលចិត្តការជីកកកាយ ហើយក៏មិនបង្កប់កលល្បិចដែរ ។ ពេលស្រឡាញ់អ្វីហើយ អ្នកតែងបង្ហាញភាពជាម្ចាស់ មានភាពច្បាស់លាស់ រួមទាំងពេញចិត្តនឹងជួយយកអាសាអ្នកដទៃ ។
ឆ្នាំរកា មានភាពក្លាហាន គោរពពេលវេលា និយាយត្រង់គិតយ៉ាងណានិយាយយ៉ាងនោះ មិនខ្វល់ពីនរណាទេស្វែងរកតែរបស់ល្អបំផុតប៉ុណ្ណោះ ។ ចូលចិត្តឃើញខ្លួនមាន ភាពលេចធ្លោនៅក្នុងសង្គម អាចគ្រប់គ្រងអ្នកដទៃបាន មិនចេះលម្អៀង និងស្រឡាញ់សេរីភាព ។ អ្នកមានច្បាប់ទម្លាប់ត្រឹមត្រូវ ជាមនុស្សរឹងរូស តែតែងសម្លឹងអ្នកដទៃក្នុងផ្លូវល្អ ។ ស្រឡាញ់មិត្តភក្តិ ប៉ុន្តែសាវាបន្តិចក្នុងរឿងស្នេហាព្រោះងាយបាក់ចិត្តស្រឡាញ់ ។
ឆ្នាំច តម្រាចារថា អ្នកជាមនុស្សមានភាពឆ្លាតវៃ រហ័សរហួន ពូកែចរចា ចិត្តល្អ និងសម្បូរមន្តស្នេហ៍ មានមិត្តភក្តិច្រើន កម្មវិធីជប់លៀងមិនដែលបាត់មុខអ្នកម្តងណាឡើយ ប៉ុន្តែអ្នកចូលចិត្តជីវិតដែលស្ងប់ស្ងាត់ គិតអ្វីក្នុងផ្លូវវិជ្ជមាន ។ ជាមនុស្សស្ងាត់ស្ងៀម មានគុណធម៌ខ្ពស់ ទន់ភ្លន់ ប៉ុន្តែក៏មានអារម្មណ៍ប្រែប្រួលលឿនដែរ ។ អ្នកចូលចិត្តភាពទាន់សម័យ ប៉ុន្តែមិនសូវជក់ចិត្តនឹងអ្វីៗណាស់ណាទេ ពូកែឌឺ ភាគច្រើនតែងតែបដិសេធនឹងមានភាពប្រថុយប្រថាន ។ ជាមនុស្សដែលស្រឡាញ់សម្រស់ ចូលចិត្តកន្លែងស្អាតៗ មានអនាម័យ ស្រឡាញ់ណាស់ តែក៏ស្អ.ប់ណាស់ដែរ ជាពិសេសស្អប់ភាពកា.ចសាហា.វ ។ ជាមនុស្សស្មោះត្រង់ មិនចូលចិត្តទៅកេ.ងប្រវ័ញ្ចអ្នកណាទេ ។
ឆ្នាំកុរ មិនមានរឿងសម្ងាត់លាក់បាំង តែងតែបង្កើតភាពរីករាយឱ្យមនុស្សជុំវិញខ្លួនបានសើចសប្បាយ ។ ជាមនុស្សនិយមភាពឡូយឆាយ ភាពលេចធ្លោ ស្រស់បស់ និងពូកែទុកដាក់លុយកាក់ ។ មិនសូវចូលចិត្តធ្វើឱ្យខ្លួនឯងរវល់ព្រោះជាមនុស្សឆាប់ហត់ ឆាប់ធុញ និងមិនសូវមានភាពអត់ធ្មត់ ។ ពេលមិនពេញចិត្តនរណា អ្នកលាក់គេមិនបាននោះទេព្រោះបញ្ចេញមកតាមទឹកមុខអស់ៗ ។ អ្នកចូលចិត្តធ្វើដំណើរ ដើរលេង ការផ្សងព្រេង តែងតែស្វែងរកភាព រីករាយដាក់ក្នុងជីវិតជានិច្ច ៕ សាន សារិន
ចែករំលែកព័តមាននេះ