ស្បែកឡើងក្រហមភាគច្រើនឃើញកើតមានចំពោះមនុស្សដែលមានសម្បុរស ហើយនៅពេលស្បែកនោះត្រូវនឹងកម្តៅថ្ងៃ ។ តាមធម្មតាអ្នកដែលកើតមានបញ្ហាស្បែកឡើងក្រហមនេះគេឃើញកើតមាននៅក្នុងតំបន់ក្តៅខ្លាំងធ្វើឱ្យស្បែកឡើងក្រហម មានការក្រហល់ក្រហាយ និងរមាស់ពេញរាងកាយទៀតផង ។
ពិតណាស់នៅពេលដែលមានបញ្ហាស្បែកឡើងក្រហម ឬក្រហាយនិងមានរមាស់កើតឡើងនោះ លោកអ្នកអាចការពារបានដោយអនុវត្តតាមវិធីខាងក្រោម៖
-ចៀសវាងការធ្វើលំហាត់ប្រាណហួសកម្លាំង
-មិនគួរទទួលទានទឹកក្តៅ
-បញ្ចេញញើសឲ្យបានច្រើនបំផុត តាមដែលអាចធ្វើទៅបាន
-ស្លៀកសម្លៀកបំពាករលុងៗ ស្តើងៗ
-ក្នុងករណីកើតមានបញ្ហាកន្ទួលក្រហមច្រើន ត្រូវព្យាយាមងូតទឹកឱ្យបានច្រើន និងមិនត្រូវប្រើសាប៊ូលាងសំអាតខ្លួននោះទេ
-បន្ទាប់ពីងូតទឹករួចត្រូវជូតខ្លួនឲ្យស្ងួត ។
បើសិនជាការរមាស់នោះនៅតែបន្តរុករានលើរាងកាយ លោកអ្នកគួរតែទៅពិភាក្សាជាមួយជំនាញ ហើយជ្រើសរើសថ្នាំសម្រាប់លាបបំបាត់អាការរមាស់ទាំងនោះ ដោយមានការណែនាំពីគ្រូពេទ្យឱ្យបានត្រឹមត្រូវ ៕
ចែករំលែកព័តមាននេះ