មានបព្វជិតច្រើនណាស់ដែលជាអ្នកបូជាកាយចិត្តលើកជ្រោងព្រះពុទ្ធសាសនាឱ្យបានថ្កុំថ្កើងឡើងខ្ពស់ត្រដែតផ្សាយសាសនាឱ្យពិភពលោកស្គាល់កាន់តែច្បាស់ តែក៏មានអ្នកបួសតិចតួចដែលបួសគ្រាន់តែដើម្បីផលប្រយោជន៍ខ្លួន និងជាអ្នកងប់ងល់នឹងបណ្តាញសង្គមបែបមិនបានការ ដោយមិនបានធ្វើអ្វីនាំសាសនាឱ្យចម្រុងចម្រើននោះឡើយ និងជាអ្នកបង្ហិនបង្ហោចសង្គមសាសនា ។
១. បួសមិនសិក្សារៀនសូត្រធម៌វិន័យ ។
២. មិនគោរពកោតក្រែងធម៌វិន័យ ។
៣. ជាមិច្ឆាទិដ្ឋិ ដូចសត្វបរោក្ខោ ទុំមែកពោធិ៍ ស៊ីផ្លែជ្រៃ ឬហៅថាកុហកបព្វជិត ។
៤. បួសគ្រាន់តែដើម្បីសប្បាយនឹងលាភសក្ការៈ យសស័ក្ដិ និងពូកែលាក់ពុត ពូកែខាងសម្តែង ។
៥. ជាបុគ្គលរមិលគុណ បើសិនជាមើលទៅហាក់ដូចជាដឹងគុណ តែក៏ជាការសម្តែងដើម្បីបាននូវប្រជាប្រិយភាពរបស់ខ្លួននៅក្នុងសង្គមតែប៉ុណ្ណោះ ។
៦. ធ្វើអ្វីសព្វយ៉ាងគ្រាន់តែដើម្បីឱ្យបានល្អមើលតែប៉ុណ្ណោះ ។
៧. ធ្វើអ្វីសព្វយ៉ាងមិនដើម្បីធ្វើឱ្យបានល្អប្រសើរ ប៉ុន្តែគ្រាន់តែធ្វើឱ្យមើលទៅហាក់ដូចជាសម្បើមណាស់ ។
៨. បុគ្គលអ្នកស្អប់នូវការសិក្សា រៀនសូត្រ ស្អប់អ្នកសិក្សា ស្អប់សិស្ស និស្សិត បញ្ញវន្ត សប្បុរស ជាបុគ្គលទមិឡ ឥតសាសនា ។
មនុស្សសព្វថៃ្ង មិនសូវស្គាល់នូវពុតត្បុតរបស់មនុស្ស ទទួលយកនូវត្រឹមតែការបកស្រាយបែបក្លែងក្លាយ យល់សត្រូវជាមិត្ត យល់មិត្ត ជាសត្រូវ ៕ សាន សារិន
ចែករំលែកព័តមាននេះ