អំពើហិ.ង្សា និងការរាំងខ្ទប់ផ្លូវនានាបានបន្តមានទៀត កាលពីថៃ្ងទី២០ ខែវិច្ឆិកា ឆ្នាំ២០២១ នៅតំបន់ហ្គាដឺលុបបារាំង បន្ទាប់ពីរាត្រីថ្មីនៃអំពើហិ.ង្សាប្លន់យករបស់របរ និងការដើរដុតបំផ្លាញ ដែលក្នុងឱកាសនោះ ប៉ូលិស និងកងតម្រួតរងការ
ប្រទេសបារាំង ៖ អំពើហិ.ង្សា និងការរាំងខ្ទប់ផ្លូវនានាបានបន្តមានទៀត កាលពីថៃ្ងទី២០ ខែវិច្ឆិកា ឆ្នាំ២០២១ នៅតំបន់ហ្គាដឺលុបបារាំង បន្ទាប់ពីរាត្រីថ្មីនៃអំពើហិ.ង្សាប្លន់យករបស់របរ និងការដើរដុតបំផ្លាញ ដែលក្នុងឱកាសនោះ ប៉ូលិស និងកងតម្រួតរងការបាញ់ប្រហារ បណ្ដាលឲ្យមានអ្នករងរបួសស្រាលម្នាក់ ទោះបីមានបម្រាមគោចរណ៍ ប្រឈមមុខនឹងការប្រមូលផ្ដុំមនុស្សធ្វើបាតុកម្ម ប្រឆាំងការតម្រូវឲ្យប្រើប័ណ្ណសុខាភិបាល ជាពិសេសប័ណ្ណចាក់វ៉ាក់សាំងប្រឆាំងកូវីដ-១៩។
ក្រោយកិច្ចប្រជុំមួយនៅក្រុងប៉ារីស រដ្ឋមន្ត្រីមហាផ្ទៃបារាំងលោក GERAKD DARMANIN ប្រកាសពីការបញ្ជូនទៅកាន់ដែនកោះនោះ នូវសមាជិកកងកម្លាំងពិសេសប្រមាណជា៥០នាក់។ ចំណែករដ្ឋមន្ត្រីទទួលបន្ទុកដែនដីនាយសមុទ្រ លោក SEBASTIEN LECORNU ប្រកាសថា កិច្ចប្រជុំត្រូវធ្វើនាយប់ថ្ងៃទី២២ ខែវិច្ឆិកា នៅជុំវិញនាយករដ្ឋមន្ត្រីលោក JEAN CASTEX ជាមួយបណ្ដាសមាជិកសភា និងប្រធានសភាហ្គាដឺលុប ព្រមទាំងរដ្ឋមន្ត្រីសុខាភិបាលលោកOKIVIER VERAN។
ប្រធានាធិបតីតំបន់ហ្គាដឹលុបលោក ARY CHAKUS បានអំពាវនាវឲ្យសម្រាលភាពតានតឹងដោយលោកថា គេត្រូវស្វែងរកភាពស្ងប់ស្ងាត់ ចៀសវាងការប្រឡែងលេងជាមួយភ្លើង។ ប៉ុន្តែសហភាពទូទៅនៃពលករហ្គាដឺលុបដែលជាអ្នកនាំឲ្យមានការតវ៉ា បានអំពាវនាវឲ្យបន្តប្រមូលផ្ដុំមនុស្សធ្វើបាតុកម្ម។
ក្នុងយប់ថ្ងៃទី១៩ មកថ្ងៃទី២០ ខែវិច្ឆិកា ពេលមានបម្រាមគោចរណ៍ពីម៉ោង១៨ដល់ម៉ោង៥ព្រឹក បណ្ដាហាងលក់ថ្នាំពេទ្យ និងហាងលក់ទូរស័ព្ទរងការវាយប្រហារ និងប្លន់ ពីសំណាក់ពួកអ្នកតវ៉ា។ មនុស្ស៣១នាក់បានត្រូវចាប់ខ្លួន។ ប្រភពប៉ូលិសរៀបរាប់ពីការបាញ់គ្រាប់ពិត លើរថយន្តប៉ូលិស១គ្រឿង និងលើកងតម្រួតនៅទីក្រុង POINTE-A-PITRE ។ តាមអយ្យការក្រុង POINTE-A-PITRE ថា មនុស្ស១៦នាក់ត្រូវចាប់ខ្លួននៅទីក្រុងនោះ ហើយក្នុងនោះ៥នាក់ត្រូវជាប់ឃុំឃាំង៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ