ការមានទម្លាប់ល្អនៅពេលព្រឹកគឺជារឿងសំខាន់សម្រាប់សុខភាពអ្នក។ មិនត្រឹមតែប៉ុណ្ណោះទេ វាអាចជះឥទ្ធិពលដល់សម្រស់របស់អ្នកថែមទៀតផង។ មានទម្លាប់ពេលព្រឹកមួយចំនួនដែលអ្នកកំពុងធ្វើរាល់ថ្ងៃ អាចបង្កទៅជាផលអាក្រក់ដល់សម្រស់របស់អ្នក។ ថ្ងៃនេះ អ្នកនឹងបានស្គាល់ទម្លាប់ពេលព្រឹក៣យ៉ាង ដែលអ្នកគួរបោះបង់ចោល ប្រសិនបើអ្នកចង់បានសម្រស់ស្អាត។
១. អ្នកងូតទឹកយូរ
ខែនេះ គឺជាខែរងា ដែលធ្វើឱ្យយើងភាគច្រើនងូតទឹកក្តៅពេលព្រឹក។ ប៉ុន្តែទម្លាប់នៃការធ្វើវាជារៀងរាល់ថ្ងៃ អាចបំផ្លាញកោសិកាស្បែក ដែលមានសុខភាពល្អនៅលើរាងកាយរបស់អ្នក។ ទឹកក្តៅធ្វើឱ្យខូចស្រទាប់ការពារស្បែក ដែលរក្សាទុកសំណើម បណ្តាលឱ្យដំណើរការនៃភាពចាស់ប្រព្រឹត្តលឿន។
២. អ្នកផឹកកាហ្វេដំបូងនៅពេលព្រឹក
ប្រសិនបើអ្នកផឹកកាហ្វេជារៀងរាល់ថ្ងៃមុនពេលអ្នកញ៉ាំអាហារពេលព្រឹក អ្នកអាចនឹងធ្វើឱ្យខូចស្បែករបស់អ្នក។ កាហ្វេគឺជាថ្នាំបញ្ចុះទឹកនោម ដ៏មានឥទ្ធិពល ដែលមានន័យថា វាអាចបណ្តាលឱ្យអ្នកខ្សោះជាតិទឹក។ នេះជាលទ្ធផលនឹងធ្វើឱ្យមានការលំបាកសម្រាប់ជាតិពុលក្នុងការចេញពីរាងកាយរបស់អ្នកតាមស្បែករបស់អ្នក ហើយធ្វើឱ្យវាកាន់តែប្រឈមនឹងស្នាមជ្រួញមុនអាយុ។
៣. អ្នកលាបឡេការពារកម្ដៅថ្ងៃតែពេលមានថ្ងៃ
ឡេការពារកម្តៅថ្ងៃជួយការពារស្បែករបស់អ្នកនៅពេលអ្នកនៅខាងក្រៅ ប៉ុន្តែការលាបវាទោះបីជាអ្នកចំណាយពេលពេញមួយថ្ងៃនៅក្នុងផ្ទះ អាចការពារភាពចាស់នៃស្បែក។ ទោះបីជាកញ្ចក់ដែលប្រើក្នុងរថយន្ត ផ្ទះ និងបង្អួចការិយាល័យទប់ស្កាត់កាំរស្មី UVB ភាគច្រើនក៏ដោយ ក៏វានៅតែមិនការពារស្បែករបស់អ្នកពីកាំរស្មី UVA ដែលបង្កគ្រោះថ្នាក់ឡើយ។ ដូច្នេះហើយ ទោះបីជាអ្នកធ្វើការនៅក្នុងការិយាល័យពេញមួយថ្ងៃ ហើយមិនចំណាយពេលច្រើននៅខាងក្រៅក៏ដោយ វានៅតែជាការប្រសើរក្នុងការលាបឡេការពារកម្តៅថ្ងៃ ដើម្បីជួយឱ្យស្បែករបស់អ្នកនៅក្មេងបានយូរ៕
ចែករំលែកព័តមាននេះ