ប្លន់អីក៏ប្លន់យ៉ាងនេះ នៅខណ្ឌសែនសុខ…!
រាជធានីភ្នំពេញ ៖ នៅខណ្ឌសែនសុខមានករណីប្លន់យកម៉ូតូ២យប់ជាប់គ្នា ជាក់ស្តែងនៅវេលាម៉ោង៩និង១០នាទីយប់ ថ្ងៃទី២៨ ខែមេសា មានជនសង្ស័យ៤នាក់
រាជធានីភ្នំពេញ ៖ នៅខណ្ឌសែនសុខមានករណីប្លន់យកម៉ូតូ២យប់ជាប់គ្នា ជាក់ស្តែងនៅវេលាម៉ោង៩និង១០នាទីយប់ ថ្ងៃទី២៨ ខែមេសា មានជនសង្ស័យ៤នាក់
រាជធានីភ្នំពេញ ៖ នៅខណ្ឌសែនសុខមានករណីប្លន់យកម៉ូតូ២យប់ជាប់គ្នា ជាក់ស្តែងនៅវេលាម៉ោង៩និង១០នាទីយប់ ថ្ងៃទី២៨ ខែមេសា មានជនសង្ស័យ៤នាក់ធ្វើសកម្មភាពកាប់ប្លន់យកម៉ូតូពីបុរសម្នាក់ម៉ាកZoomer-X បានសម្រេចតាមផ្លូវរ៉ាដា ភូមិពោងពាយ ស្ថិតសង្កាត់ភ្នំពេញថ្មី ខណ្ឌសែនសុខ ។ ជនរងគ្រោះមានឈ្មោះ មុំ វិសាល អាយុ២០ឆ្នាំ មុខរបរធ្វើការក្រុមហ៊ុន ស្នាក់នៅផ្ទះលេខ៥៣៦ ភូមិទំនប់ សង្កាត់ភ្នំពេញថ្មី ខណ្ឌសែនសុខជិះម៉ូតូម៉ាកZoomer-X ស្លាកលេខ1FT 4713។ រីឯ ជនសង្ស័យដែលសមត្ថកិច្ចឃាត់ខ្លួនបានម្នាក់មានឈ្មោះ ង៉ូយ តិតតុលា អាយុ២៥ឆ្នាំ មុខរបរសន្តិសុខឯកជន ស្នាក់នៅកន្លែងយាមម្តុំវត្តស្រះចក សង្កាត់ស្រះចក ខណ្ឌដូនពេញ។
តាមប្រភពពីជនរងគ្រោះបានរៀបរាប់ឲ្យដឹងថានៅមុនពេលកើតហេតុ រូបគេបានទៅអុជធូប បន់ស្រន់ បួងសួងនៅព្រះអង្គដង្កើនៅមុខព្រះបរមរាជវាំង រួចហើយបានជិះត្រឡប់មកផ្ទះវិញ លុះមកដល់ផ្លូវរ៉ាដា ដែលជាផ្លូវទៅផ្ទះ ក៏មានជនសង្ស័យ៤នាក់ ជិះម៉ូតូ២គ្រឿង តាមមកពីក្រោយ ពេលមកដល់ពីក្រោយរូបគេបានទាញដាវកាប់មកលើជនរងគ្រោះ តែជនរងគ្រោះបានមើលឃើញតាមកញ្ចក់មើលក្រោយ បានគេចបន្តិច តែត្រូវជនសង្ស័យកាប់ត្រូវចុងកាំបិតស្នាមមុតរយះចេញឈាមបន្តិចបន្តួចប៉ុណ្ណោះ ។ ភ្លាមនោះជនរងគ្រោះបានដួលម៉ូតូហើយរត់ បន្ទាប់មកជនសង្ស័យម្នាក់បានលើកម៉ូតូជនរងគ្រោះជិះរត់ តែជនរងគ្រោះស្រែក និងរត់ដេញតាមពីក្រោយ ។
ដោយសារទីនោះជាផ្លូវក្នុងភូមិ ហើយជាភូមិសាស្ត្រស្មុគស្មាញធ្វើអោយជនសង្ស័យរកផ្លូវជិះម៉ូតូរត់មិនឃើញ ទៅដល់ចំណុចបឹងពោងពាយជាទឹកបឹងកំប្លោក ជនសង្ស័យបានផ្តួលម៉ូតូរត់ ហើយសមត្ថកិច្ច និងប្រជាពលរដ្ឋសង្ស័យថាជនល្មើសលោតចូលក្នុងទឹក ទើបកម្លាំងបានឡោមព័ទ្ធជុំវិញក្បែរទីនោះ អស់រយៈពេលជាងមួយម៉ោងទើបឃើញជនសង្ស័យ និងភិនភាគដើរតាមផ្លូវក៏ដាក់ការសង្ស័យ ធ្វើការឃាត់យកមកប៉ុស្តិ៍នគរបាលភ្នំពេញថ្មី ចំណែកបក្ខពួក៣នាក់ទៀតរត់គេចខ្លួនបាត់អស់ ។
ក្រោយពេលកើតហេតុសមត្ថកិច្ចបានហៅជនរងគ្រោះឲ្យមកមើលមុខជនសង្ស័យ ត្រូវជនរងគ្រោះបានប្រាប់ថាពិតជាគេម្នាក់នឹងហើយ ទើបសមត្ថកិច្ចធ្វើឯកសារកសាងសុំណុំរឿង បញ្ជូនខ្លួនចាត់ការតាមនីតិវិធី ។ កាលពីយប់ថ្ងៃទី២៧ ខែមេសា កន្លងមកនេះ នៅសង្កាត់ភ្នំពេញថ្មីមានករណីភ្ជង់ប្លន់យកម៉ូតូ MSX មួយគ្រឿងបានសម្រេចដែរ ប៉ុន្តែសមត្ថកិច្ចកំពុងតែសង្ស័យថាអាចជាករណីបំប៉ោងសភាពការណ៍ ពីព្រោះក្រោយពេលសមត្ថកិច្ច ដេញដោលសួរនាំច្រើនទៅជនរងគ្រោះបានសុំដកពាក្យបណ្តឹងវិញ ៕
ចែករំលែកព័តមាននេះ