រាជធានីភ្នំពេញ៖ អាជ្ញាធរខណ្ឌដូនពេញ បានឱ្យកោះសន្តិភាព ដឹងថា គិតត្រឹមម៉ោង ១៧:០០នាទី ក្នុងថ្ងៃទី៣ នៃព្រះរាជពិធីបុណ្យអុំទូក ត្រូវនឹងថ្ងៃទី២០ ខែវិច្ឆិកានេះ…
រាជធានីភ្នំពេញ៖ អាជ្ញាធរខណ្ឌដូនពេញ បានឱ្យកោះសន្តិភាព ដឹងថា គិតត្រឹមម៉ោង ១៧:០០នាទី ក្នុងថ្ងៃទី៣ នៃព្រះរាជពិធីបុណ្យអុំទូក ត្រូវនឹងថ្ងៃទី២០ ខែវិច្ឆិកានេះ មានប្រជាពលរដ្ឋប្រមាណជាង ៥ម៉ឺននាក់ បានបន្តមកលេងកម្សាន្ត តាមបណ្តោយសួនច្បារនានា ពិសេសសួនច្បារ មុខព្រះបរមរាជវាំង ដោយពួកគាត់ បានពាក់ម៉ាស់ រក្សាគម្លាតសង្គម បានយ៉ាងត្រឹមត្រូវ ពិសេសប្រើប្រាស់អាល់កុលលាងដៃជាប្រចាំផងដែរ។
នៅថ្ងៃទី៣នេះ សាលារាជធានីភ្នំពេញ នៅតែបន្តបិទផ្លូវលេខ១៨៤ ដល់ផ្លូវលេខ២៤០ ជុំវិញព្រះបរមរាជវាំង ដើម្បីមានទីធ្លាធំទូលាយ សម្រួលដល់ការដើរលេងកម្សាន្តរបស់បងប្អូនប្រជាពលរដ្ឋ។
រដ្ឋបាលខណ្ឌដូនពេញ ក៏បានសំណូមពរដល់បងប្អូនប្រជាពលរដ្ឋ ដែលមកលេងកម្សាន្ត ក្នុងពិធីបុណ្យអុំទូក ត្រូវបន្ត អនុវត្តជាប្រចាំនូវវិធានការ ៣កុំ ៣ការពារ តាមប្រសាសន៍ដឹកនាំដ៏ខ្ពង់ខ្ពស់របស់សម្តេចប្រមុខរាជរដ្ឋាភិបាលកម្ពុជា ដើម្បី បង្ការជំងឺកូវីត-១៩ និងសូមរក្សាទុកដាក់សំរាម ក្នុងធុងសំរាម ដែលរៀបចំដោយក្រុមហ៊ុនដឹកជញ្ជូនសំរាម មីសូដា អោយបានត្រឹមត្រូវ៕
ចែករំលែកព័តមាននេះ