តើមានអ្វីកើតឡើងនៅព្រំដែនរវាងរុស្ស៊ី និងអ៊ុយក្រែន?
ខណៈដែលបេឡារុសបង្កើតភាពតានតឹងជាមួយវិបត្តិអន្តោប្រវេសន៍ឆ្ពោះទៅសហភាពអឺរ៉ុប ពិភពលោកក៏ កំពុងតែសម្លឹងផងដែរឆ្ពោះទៅព្រំដែនរវាងរុស្ស៊ី និងអ៊ុយក្រែន
ប្រទេសរុស្ស៊ី-អ៊ុយក្រែន ៖ ខណៈដែលបេឡារុសបង្កើតភាពតានតឹងជាមួយវិបត្តិអន្តោប្រវេសន៍ឆ្ពោះទៅសហភាពអឺរ៉ុប ពិភពលោកក៏ កំពុងតែសម្លឹងផងដែរឆ្ពោះទៅព្រំដែនរវាងរុស្ស៊ី និងអ៊ុយក្រែន។
អគ្គលេខាធិការអូតង់លោក JENS STOLTENBERG កាលពីថ្ងៃទី១៥ ខែវិច្ឆិកា ឆ្នាំ២០២១ បានព្រមានប្រឆាំងរាល់សកម្មភាពឈ្លានពានថ្មី នៅព្រំដែនជាមួយអ៊ុយក្រែន ដែលនៅទីនោះ មានចលនានានានៃកងទ័ពរុស្ស៊ី ដ៏សំខាន់ និងខុសពីទម្លាប់ សង្កេតឃើញរយៈពេលប៉ុន្មានសប្ដាហ៍ចុងក្រោយនេះ។
ក្នុងសន្និសីទសារព័ត៌មានមួយនាទីក្រុងព្រុចសែល អែបជាមួយប្រមុខការទូតអ៊ុយក្រែនលោកឌីមីត្រូគូឡឺបា លោក JENS STOLTENBERG បានថ្លែងថា រាល់ការបង្កហេតុថ្មី ឬសកម្មភាពឈ្លានពានពីសំណាក់រុស្ស៊ី នឹងជារឿងគួរឲ្យព្រួយបារម្ភបំផុត។ យើងអំពាវនាវដល់រុស្ស៊ី ឲ្យបង្ហាញតម្លាភាព ចំពោះសកម្មភាពយោធារបស់ខ្លួន។
សហរដ្ឋអាមេរិក សហភាពអឺរ៉ុប និងបារាំង សុទ្ធតែសម្ដែងការព្រួយបារម្ភរួចហើយ រយៈពេលប៉ុន្មានថ្ងៃចុងក្រោយនេះ ប្រឈមមុខនឹងការដាក់ពង្រាយកងទ័ពរុស្ស៊ីនៅព្រំដែនអ៊ុយក្រែន។ ចំណែកអាល្លឺម៉ង់ ក៏អំពាវនាវដែរនាថ្ងៃទី១៥ ខែវិច្ឆិកា ដល់រុស្ស៊ី ឲ្យមានការអត់ធ្មត់។
បណ្ដារូបភាពផ្កាយរណបបង្ហាញ វត្តមាននៃកងទ័ព និងរថយន្តយោធា ព្រមទាំងរថពាសដែកជាច្រើនរបស់រុស្សុី នៅព្រំដែនជាមួយអ៊ុយក្រែន។ នៅក្រុងប៊ែរឡាំង អ្នកនាំពាក្យម្នាក់របស់ក្រសួងការបរទេសអាល្លឹម៉ង់គូសបញ្ជាក់ថា យើងត្រូវរារាំងការបង្កើនភាពតានតឹងខាងយោធា។ អ្នកនាំពាក្យរូបនោះអំពាវនាវដល់រុស្សុី ឲ្យបង្ហាញពីការអត់ធ្មត់ និងវិលមករកតុចរចា។
សភាពការណ៍ក្នុងតំបន់នោះមានភាពតានតឹងខ្លាំង ចាប់តាំងពីរុស្សុីបញ្ចូលឧបទ្វីបគ្រីមេទៅក្នុងដែនដីខ្លួនពីឆ្នាំ២០១៤មក។ ចាប់តាំងពីជាង៧ឆ្នាំមកហើយ អ៊ុយក្រែន ស្ថិតក្នុងជម្លោះ ជាមួយពួកបំបែកខ្លួននិយមស្និទ្ធរុស្សុី នៅភាគខាងកើតប្រទេស។
ចំណែកអ្នកនាំពាក្យវិមានក្រឹមឡាំងលោកឌីមីទ្រីបេស្កូវ កាលពីសប្ដាហ៍មុនថ្លែងថា រុស្សុីមិនមែនជាតំណាងនៃការគំរា.មកំហែង សម្រាប់នរណាមួយឡើយ យើងគ្រប់គ្រងកិច្ចការផ្ទាល់របស់យើង និងចាត់បណ្ដាវិធានការ ដើម្បីធានាសន្តិសុខរបស់យើងដែលចាំបាច់ ប្រសិនបើមានសកម្មភាពបង្កហេតុនានា នៅជិតព្រំដែនយើង៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ